[rawan432]

pls try masan2 6 octcober

[ميفى]

انتى صح الصح والحل ان اننا نسعد بعض (أعنى الفتوكات )ونعمل مع بعض دورة تفصيل ونحاول البحث عن موديلات حديثة وفى نفس الوقت محتشمة وتستر ...........

[samasemo]

عندك حق والله وخصوصا فى الصيف يعنى فى الشتاء الواحدة مبتتعبش لكن يجى الصيف تحتار حتلبس ايه
احنا فى الاسكندرية يعنى مش حنقدر نقولك على الاماكن اللى بنشترى منها لكن ربنا يقدرك تلاقى اللبس اللى ترضى عنه

[أم ايثار]

معلش يا جميل انا الموضوع مكنش ظهر عندى بالكامل ومكنتش اعرف اية اللى مضايقك بس انتى عندك حق فى اللى انتى بتقوليه بس فعلا فيه محلات فيها حاجات محترمة كتييير دورى كويس واكيد حتلاقى يا قمر

[moheyeldin]

حسه بيكى والله لان عندى نفس المشكلةوكنت خرجت اليومين الماضيين لاشترى لى انا وبناتى (9و7)سنوات ولم اجد الا فى اليوم الثانى فى كايرو مول بالهرم ويوجد بالمحلات اللى فية تشكيلة رائعه من ملابس المحجبات
ادعولى اجد ملابس للبنات فأنا لم اجد لهم ملابس مناسبة حتى الان

[مورة]

حبيتي انا ام لطفلين وبحب الاناقة والموضة جدا
وبختار اللي يناسبني منها
بشوف الالوان اللي طالعة ومنها الصيف دية الموف بدرجاتة
الاخضر ويدخل معاة البني او الاصفر
القماشات الستان سواء المشجر وطبعا تلبس معاة طرح سادة ستان
لو الستان سادة الطرحة تكون مشجرة ستان ومن تحت الطرحة طرحة خفيفة كتان ب
ابرز الالوان في القماشة
وبعدين عليكي وعلي القماشات الفضفاضة
اللي ما تلمش علي الجسم
وكمان اختاري الموديلات اللي نصف كم او 3/4 كم ومن تحتها البدي الكرينة
واختاري موديلات الكوروزية او البنشوة لو ملينة
لو عندك حد بيفصل
اشتري مجلة حجاب واختاري منها الموديلات علي فكرة
هي نازلة في اول خمسة
ويارب اكون افادتك

[أميرتى يمنى]

ماتزعليش قوى كده يا قمر وروحى السلام شوبنج سنتر هاتلاقى فيه اللى انتى عيزاة ان شاء الله لأنه ملابس للمحجبات فقط وفيه كمان كل المقاسات
وانا زيك والله عشان اجيب لبس لازم الف الكرة الارضيه كلها عشان اعرف اجيب حاجه حلوة ومحترمة
وربنا يهدى اللى بيلبسوا اللبس ده

[onlygirl]

اشكركم جميعا على مروركم

[asmaa ebrahim]

عندك يا ستي السلام شوبنج سنتر وكمان بريوني للمحجبات ومحجبة ومحلات xxlاي خدمة

[منى محمد حسين]

السلام عليكم ورحمة الله وبركاته ياختى العزيزة فى محل فى شارع عدلى اسمه اميرتى فى ملابس غاية فى الروعه للمحجبات

[بنوته شيك]

بجد ااكمان عندى نفس مشكلتك
بس عند سيتى استارز فى محلات محجابات وكمان جميل اوى
دورى هتلاقى

[برتقال سكرى]

والله العبايات دلوقتى اشكال والوان تحفة
اختارى منها اللى يناسبك
وكمان يرضى ربنا

[shitos_lovely]

بصي يا قمر
انا اتحجبت من شهر اتنين اللي فات
وكنت بلبس لبس نص كم
يعني بديهات على الكامر على بنطلون جينيز
لكن انا دلوقتي بتحايل على ماما اني افصل عبايا هي موافقه لكن تيتى مطلعاها في دماغها انه لأ
هي لسه صغيره
وههتكعبل فيها
يا ستي انا حره
لأ ولاد خالك واختك لما لبسوا العبايه قلعوها تاني عشان مش عمليه
محسساني اني لما اروح اقابل ربنا اقول له يا رب اصل العبايا مش عمليه
ده يا جماعه حتى اسمه حجاب
يعني حاجه مانعه
ويا رب اهدينا

[الايمان777]

انا بالنسبه لى بواجه نفس المشكله لكن بقيت الحمد لله افصل عند خياطه كويسه
وهو ده الافضل للبنت اللى عايزه تبقى محتشمه

[ام هاجر 22]

لايا قمر انا مش عيزاكى تزهقى انشاء الله
هتلاقى حاجة تناسبك وابقى قوولييلى

[ام سراج]

انتي في cairoومش لاقيه لبس امال اللي بتوع القرى والنجوع ييعملوا ايه؟
عموماً.. ح اقولك انا كنت بعمل ايه..فيه مجله اكيد انتي عارفاها اسمها حجاب..انا كنت بشوف اللبس اللي فيها وخصوصاً اني رفيعه..واطقم كام حاجه على بعض
وبعدين انزل المحلات دي وعنواينها موجوده في المجله..وبس

[بنبونى]

بصى يا جميل
انا حقولك المحلات اللى بشترى منها
وانا معظم لبسى جاكتات او شوميزات على جيبات مش بلبس بنطلونات ولا حتى تونيكات طويله على البنطلونات

عندك ياستى جنينه مول :
الدور الارضى : جرافل -- الفريده
الدور التالت -- عندك تكبير وعندك كمان jb

سيتى سنتر :
عندك روجادا -- سوزانا ( فى الدور التالت تقريبا قدام السلم وده بجد تحفه اوى )
تكبير -- وحتلاقى محلات تانيه فيها بس مش فاكره اسمها

سيتى ستارز : موباكو ( قدام سلانترو )
بينتون (جنب الباب التالت اللى بنخرج منه دلوقتى فى المول الاولانى )
داليدرس بكل فروعه

المعادى جراند مول : فى كذا محل هناك بس مش فاكره اسماء بصراحه بس انا لسه مشتريه من هناك حاجات اول الشهر

بس عموما احلى عبايات بشوفها فى الفريده وجرافل وتكبير وسوزانا

واى حاجه انا تحت امرك يا جميل

[marawi]

يا حبيبتى مضيقيش نفسك فى محلات مخصوصه للبس المحجبات زى محلات سوزانا ودى موجوده فى جراند مول المعادى وكمان الهرم فى رويال سنتر و عند نادى الصيد غير كمان فى مجله اسمها حجاب فاشون هتيها وهتلاقى موديلات تحفه وكمان عناوين محلات المحجبات اللى عارضه الموديلات وكمان فى محل اسمه حبيبه ده ليه فروع فى الهرم جنب سيتى مول الهرم و عباس العقاد غير المحلات الموجوده فىجنينه مول عباس العقاد وكمان المحلات اللى فى شارع عباس العقاد وكمان فى مول سيتى سنتر ناصية شارع مكرم عبيد وكمان فى محل اسمه راجزبجوار مترو المعادى شارع 9 وربنا يوفقق

[om alhana]

انت عارفة......... انت واقعة فى نفس المشكلة اللى انا واقعة فيها بس انا الياس عندى وصل مداه من الملابس الجاهزة والتفصيل وفى الاخر قررت انى اتعلم الخياطة وبدات اعمل عبايات بايدى واطرزها بنفسى ومن وقت للتانى ساعات الاقى موديل جاهز يكون مناسب
وانا عارفة انك هتقولى ان تعلم الخياطة صعب وحتاج وقت
وهوعكس كده تماما
اقصد من كلامى ان بدل ما اقولك تشترى السمك منين اتعلمى تصطاديه احسن ولاالحوجة

[Esra2_89]

عندك حق والله انا عن نفسى ريجت دماغى و بقيت البس عبايات و بشفق جدا على صحابى مش عارفة بنزل معاهم و الف عشان يجيبوا هدوم و قين وفين لما بنلاقى حاجة