تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
انا كل متعرف على شاب وقولى بابا بتشغل اية بهرب منى ويكون جاهز من كل حاجة وقوله انى بابا بتشغل حارس عقار بهرب منى انا تعبت من كثر كدة والله تعبت من الشغل بتاع بابا والله يا الدكتور انا مستغربها لية كدة انا دلوقتى بحب انسان معى فى كلية اكبر منى من شيبن وانا كليتى فى كفر الشي وهى معرفيش حاجة فى موضوع الشغل انا مش عارفة اقوله ولا اية وخايفة اوى علشان انا بحبة وخايفة يضياع من ايدى
عوزا اقولك على حاجه ولدك دا تاج تحوطى فوق راسك وتفتخرى بى
ابسط حاجه رباكى وعلمك ووصلك فى كليه كويسه
يقا مش جزاتو فى الاخر انك تخافى تقولى للشخص دا عن شغله ولدك
لو بيحبك هيستمر معاكى
لو مش بيحبك هيبعد عنك
وربنا يوفقك
ازيكو يا جماعة اتمنى انكم تكونوا بخير كلكم يا رب
انا صديقة جديدة هنا و اول مرة اشارك
و بصراحة شاركت علشان حوار الدكتورة النفسية دا
شكلكوا هنا زى الاخوات و انا واللهى حاسة انى هبقى وسط اصحاب بجد
انا عندى مشاكل مش مشكلة واحدة
و محتاجة حد يساعدنى احلهم زى اخصائى نفسانى كدا بس الموضوع انه ماينفعش على النت لانو مش مشكلتى لوحدى لا دى خاصة باسرتى كمان
يعنى واللهى بجد من غير تريقة انا محتاجة حد زى العمة نور كدا حد دماغو كبيرة و بيفهم و يقدر يساعدنى
بس مايكونش دكتور نفسانى لانهم بصراحة مش بيعملوا حاجة غير يسمعوا و يدكوى دواء و يخدوا الفلوس بعد 50 دقيقة من الوقت
يا فرحتى يعنى انا جيالك علشان تحللى مشكلتى تقوم ضيفلى عليهم مشكلة تانية
اسمها دكتور نفسانى
ارجوكوا رشحولى حد
او حاجة اعملها انا جربت اتصل ب خدمة مساعدة هنا ف مصر قالولى مش بنقبل اكبر من 18 سنة و انا 19
اعمل ايه ارجوكوا بجد ساعدونى
على فكرة يا جماعة الانسان بعرف حل مشاكل الناس بس مشكلتى هو مش بعرف يحل ودى اللى بحصل دلوقتى انا طالبة فى خدمة اجتماعية يعنى بقولى هكون متخصصة فى مشاكل بس بجد انا ممكن اعرف احل مشكلى بس مش كلة واحل مشاكل الناس بقولى علية عبقرية فى حل مشاكل بس مشكلتى
اختي asasdrdr
انا اسفه جدااااااااااااااااااااااااااا اني اتاخرت عليكي
معلش حقك عليا وياريت تقبلي اسفي
علي فكره انا مش ناسيه مشكلتك بس انا اللي محيرني ان عندكم في العيله حد كبير ممكن يتدخل في الموضوع وابوكي بيعمل له حساب وميتدخلش لمجرد انه خايف يخرب البيت
تقدري تقوليلي بعد ما والدك سمح لنفسه انه يعمل كده في مراته وام عياله وياذيها لدرجه انها بقت تخاف تاكل بدل مايكون الاكل فيه حاجه فيه خراب اكتر من كده؟؟؟؟
انا كان ممكن اقولك قولي لمامتك الله يعينها تصبر وتستحمل بس هي دلوقتي وصلت لمرحله صعبه جدا وممكن يحصل لحالتها تدهور شديد نتيجه الحاله النفسيه السيئه اللي هي بتمر بيها لو والدك مش عايزها يسيبها بدل مايعذبها كده اكيد ده هيكون اهون عليها من العذاب والخوف والالم اللي هي عايشه فيه دلوقتي ده ربنا قال وعاشروهن بمعروف او سرحوهن باحسان وربنا ميرضاش ابدا بالظلم اللي بيحصل لمامتك ده وحساب والدك عن ربنا هيكون شديد
اقفي جنب امك ومتسبيهاش مهما حصل لانها في اشد الحاجه ليكي دلوقتي و جدك لازم يتدخل في اللي بيحصل ده مهما كانت الظروف عشان يحمي اقرب الناس اليه وبالنسبه للاعمال اللي بتتعملها دي ياريت لو تروحوا دار الافتاء هتلاقي هناك مشايخ علي اعلي مستوي من العلم ان شاء الله هيقدروا يساعدوها علي الاقل هتكونوا بين ايدين امينه وهتتعاملوا بما يرضي الله لاني بصراحه خايفه تقعوا مع حد من مدعين العلم والدين ويدخلكم في متاهات ملهاش اول من اخر وانتوا مش ناقصين
وخلي والدتك تتحصن دايما بالقران والاذكار وده ان شاء الله هيحميها من كل شر
ورجاء خاص متمليش من الدعاء لابوكي بالهدايه قادر رب العزه يهديه وينور بصيرته من اللي بيعمله ده
وعلي فكره انتي ممكن تبعتي لمشرفتنا في القسم الاسلامي فايث ان هوب الله يباركلها انسانه رائعه وعلي درجه كبيره من العلم بامور الدين ممكن تفيدك ان شاء الله
وانا ان شاء الله هبقي اطمن علي احوالك باستمرار ولو احتاجتي اي حاجه انا تحت امرك في اي وقت تحبيه ولو عايزه تبعتي علي الخاص براحتك
في رعايه الله
بالنسبه للاسئله اللي محيراكي انا ان شاء الله هجاوبك عليها
الفرق بين الامراض العصبيه والنفسيه هو ان الامراض العصبيه بتحصل نتيجه حدوث مرض عضوي في الجهاز العصبي المركزي او الطرفي زي الشلل الرعاش والصرع والجلطات الدماغيه اما الامراض النفسيه بتحصل نتيجه وجود خلل في البناء النفسي للفرد نتيجه تعرضه للعديد من الضغوط والمشكلات اللي بتكون فوق قدرته علي الاحتمال وبالتالي الجسم بيعبر عن شكوته في صوره الامراض دي زي الهستيريا والاكتئاب والوسواس القهري
وبطريقه ابسط نقدر نقول ان تسميه المرض جايه من الجزء المصاب في الجسم
يعني في حاله الامراض العصبيه بيكون الضرر واقع علي الاعصاب وفي حاله الامراض النفسيه بيكون الضرر واقع علي النفس او التكوين النفسي الداخلي للشخص
اما علم الايحاء والايماء هو ده اللي بنسميه التنويم المغناطيسي وده علاقته علم النفس انه بيستخدم كاحد طرق علاج بعض الامراض النفسيه لانه عن طريقه بيوصل المريض لحاله من الاسترخاء الكامل وبيكون قادر علي التواصل مع عقله الباطن وبالتالي بيكون اكتر قابليه لتقبل نصائح وارشادات الدكتور النفسي وده طبعا بيكون مقنن الاستخدام وعلي يد متخصصين مش اي حد وخلاص
اتمني اني اكون قدرت افيدك واي اسئله عندك انا في الخدمه دايما
العمر لحظة ونحزن لية...بحبك مووووت...خليني اموت في حضنك
