تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
انا مشكلتى انى عندى عقدة الحنان ناقصنى حنية جامدة اوىىىىىىىىىى ....أناامى توفت من حوالى سنة وكانت أحن ام فى الدنيا كلها بعديه اتخطبت لانسان بحبه وبموت فيه لكن المشكله انه بيحصل ما بنا مشاكل كتير بسبب انى محتاجه حنيته الضعف مع انه حنين بس بيجى عليه اوقات من ضغوط الشغل مبيكنش قادر يدينى الحنيه دى ويعتبر هو الوحيد فى الدنيا الى بتكلم معاه بس والله الى بيحصلى ده غصب عنى ومش لأياله حل ياريت لو عندك حل تقوليهولى وياريت نبقى اصدقاء وربنا يجازيكى خير يا قمر
حبيبتي اولا انتي بمجرد ما فتحتيلي قلبك احنا بقينا صحاب تاني حاجه انتي معندكيش عقده حنان ولا حاجه بعد الشر عليكي اللي انتي بتحسي بيه ده احساس طبيعي نتيجه غياب امك عنك اسكنها الله فسيح جناته وانتي كنتي فاكره ان خطيبك ممكن يعوضك عن ده بس ياحبيبتي مفيش حد بيحل مكان حد مامتك الله يرحمها كانت نعم الام عشان خلتك دلوقتي بعد ما ماتت تقولي عليها انها احن ام في الدنيا جزاها عنكي الله كل خير غيرك امه عايشه ومحروم من حنانها من غير سبب طبعا انتي الله يكون في عونك وامك انا عارفه ان مفيش حد هيعوضك عن حنانها بس ياحبيبتي الدنيا مش بتقف علي حد اوحاجه لو كانت كده كانت وقت بموت النبي عليه الصلاه والسلام بس ربنا ليه حكمه في كل حاجه كتب لنا اننا نشوفها وانتي الحمد الله ربنا عوضك بخطيب محب حنون بس بطبيعه وضعكم هو مينفعش يديكي كل حاجه دلوقتي انتي ان شاء الله بمجرد ما تكوني مراته هيديكي كل حبه وحنانه واهتمامه بلا قيد او شرط يعني اصبري شويه كفايه عليكي انك الحمد لله مطمنه انك ان شاء الله هتقضي بقيه عمرك مع انسان بيحبك وتحبيه حبيبتي فكري في كل النعم دي اللي ربنا انعم بيها عليكي هتحسي بالرضا من جواكي ونفسيتك هترتاح اوي وامك متنسيهاش ابدا من دعائك وعملك الصالح لان ده اقل حاجه ممكن تقدميهالها تالت حاجه انا فعلا عيزاكي تعتبريني صحبتك وانا اوعدك اني اسمعك وقت ماتحبي تتكلمي وهقف جنبك واتمني انك تعتبريني محل ثقتك ومش انا لوحدي هتلاقي كل الاخوات في المنتدي عندهم نفس الحساس ده لاننا كلنا عيله واحده اتمني اكون قدرت افيدك وياريت تطمنيني عليكي
طبعا اخواتى الفكرة عجبتنى
واذا سمحتولى انا اخصائية اجتماعية
ممكن اساعد الاخت wella فى اى مشكلة
يعنى انا مش بدخل على طول
لكن لو حبيتوا انى اشترك معاكم بحل المشاكل انا تحت امركم
وسلامتكم جميعا من المشاكل
والله يا دكتورة انا مشاكلي كثيرة بس هذة اولا عندي اولاد بعمر المراهقه بتصير بينهم مشاكل لحد الضرب وبعدين يتخاصموا وينقطعوا عن الكلام فيما بينهم اني ما اريدزعلهم يطول كيف احل المشكله هذةاهم شي انو ماريدهم يتعودو على الزعل واحد عن الاخر
حبيبتى الدوكتورةولاء
بسى هى دلوقتى بتعيط بقلها ساعة من اول ما رجعت من الحضانة حطيت لها الاكل هى واختها
مارضيتش وفتحت فى العياط
والله انا بسيسها علشان ماطعيطش لكن مفيش فايدةبتخلق اى مشكلة علشان تعيط
انابجد تعبت منها قوى لانها بتطرينى اضربها
غصب عنى لانها مزوداها قوى
حتى وهى فرحانة بدور على اي حاجة تنكد بيها علينا
قوليلى اعمل ايه
انا اسفة انى طولت عليكى
حبيبتي ازاي تضربي بنتك عشان تبطل عياط ده مستحيل يحصل ده انتي كده بالعكس بتزودي المشكله لانها علي الاقل لازم تعيط من الالم عشان اتضربت بنتك لو مبتعيطش لسبب صحي فهي بتعيط لاسباب نفسيه واجتماعيه وهي بتعمل كده عشان تلفت انتباهكم ليها بنتك مش حاسه بحبكم وحنيتكم عليها كفايه يعني ايه المشكله انها اول ما تيجي من الحضانه تخديها في حضنك وتبوسيها وتقوليلها وحشتيني ياحبيبتي عملتي ايه النهارده هي و اختها طبعا وتبقي تخليها هي واختها ياكلو في طبق واحد ويلعبوا مع بعض وتقعدي معاهم وتلعبو سوا كلها حاجات بسيطه بس بتفرق مع الاطفال فوق ما تتخيلي وخلي بالك لو عايزه بنتك تبطل عياط لازم تعيش في الجو اللي يساعدها علي كده يعني اضحكو في وشها وهزروا سوا ومتتخانقيش انتي وجوزك ادامهم لان ده بياثر علي نفسيتهم اوي ومينفعش تحسسي نفسك ان بنتك بتعيط من غير سبب لان ده مش حقيقي اكيد فيه سبب حاولي تدوري عليه وتعالجيه ممكن تكون حاسه انها لوحدها او مش محبوبه كل الاسباب دي ممكن تكون ورا عياطها الكتير اتكلمي معاها واسمعي لكلامها حتي لو كان عبيط بتبقي حاجات كبيره بالنسبه ليها قومي دلوقتي خديها في حضنك وقوليلها بحبك اوي واغسلي وشها وهديها واكليها بايدك وان شاء الله ربنا يهديهالك
متشكرة على ردك واهتمامك لكن والله انا بعاملها
زى مانتى قولتى علطول بشجعها لانها فعلا مطيعة شاطرة ومحبوبة من الكل والحمد لله الامور مستقرة فى البيت
ومرة تانيا اشكرك ويارب ما يحرمنى منك
بحبك فى الله
طيب هي دلوقتي عامله ايه طمنيني عليها
وياريت تبقي تاخديها وتخرجو كلكم سوا مع بعض يمكن تكون محتاجه تغير جو وتلعب وتجري وتتنطط الاطفال في الفتره دي بتبقي جواهم طاقه كبيرة بيبقو محتاجين يطلعوها في اللعب والجري والفسح خليها تعمل كده وهي ان شاء الله هتبقي احسن وانتي ممكن تعملي حاجه تانيه ابقي شغلي محطه القران الكريم جنبها وهي نايمه ده بيريح نفسيه الواحد اوي كبير وصغير وان شاء الله هتحسي بالفرق
انا بشكرك اوى اوى اولاعلى اهتمامك تانى حاجه على كلامك الى حسيت انى ارتحت والله العظيم لما قرأته انتى خليتينى أعيط لأنك قولتىلى كل الى جوايا وحسيته اوى ربنا يباركلك يارب ويوفقك فى أحلى وفيد طريق اختارتيه لنفسك هو انك تعالجى قلوب الناس الى جواها تعب مالوش دوا غير الكلمه الطيبه بجد ربنا يجازيكى خير وانا حقيقى ارتحتلك اوىىىىىىىىىىىىىىىى وان شاء الله نبأه صحاب وانا بجد هسأل عليكى على طول وأحكيلك على الى جوايا ...ومره تانيه بشكرك على اهتمامك
الحمد لله هى كويسة دلوقتى ونزلت تلعب عند جدتها والحمد لله القران شغال على طول فى البيت
وهى كمان بتحفظ قران ماشاء الله
وشكرا على الاطمانان وربنا يخليكى ليا
انا بشكرك اوى اوى اولاعلى اهتمامك تانى حاجه على كلامك الى حسيت انى ارتحت والله العظيم لما قرأته انتى خليتينى أعيط لأنك قولتىلى كل الى جوايا وحسيته اوى ربنا يباركلك يارب ويوفقك فى أحلى وفيد طريق اختارتيه لنفسك هو انك تعالجى قلوب الناس الى جواها تعب مالوش دوا غير الكلمه الطيبه بجد ربنا يجازيكى خير وانا حقيقى ارتحتلك اوىىىىىىىىىىىىىىىى وان شاء الله نبأه صحاب وانا بجد هسأل عليكى على طول وأحكيلك على الى جوايا ...ومره تانيه بشكرك على اهتمامك
طبعا اهلا وسهلا فيكى وكمان ايه رايك انا كتبت موضوع لو اى بنت عندها مشكله عاطفيه تتفضل ايه رايك بردو تتابع الموضوع دا واحنا كمان معاكى نشارك
وكمان مرحبا بيك الموضوع دا وفى كل موضوع
بالنسبه لااسراء
البقاء لله لولدتك
ومش هقدر اقول كلام اكتر من اللى ولاء قالته
وهى كمان فعلا افدتك بس انا عوزا اضيف حاجه
لما تحسى ان خطيبك عندو ضغط من كتر الشغل سيبى متسئليهوش انت فى ايه انت بتعمل ايه
كل دا بيزود عليه الضغوط
بالتالى مش هتلاقى حنان حتى ولو بكلمه واحدا
كلمه حب حاولى تستحملى
عشان تحسى ان فى حنان منه لان لما يحس انك مستحملاه هتبقى عندو كل حاجه
وهيحسسك فعلا بلحنان وانت هتحسى بالحنان اللى انت عوزاه
انا بقولك لانى كدا فعلا مع خطيبى وفى الاول كان بيحصل مشاكل مابيناهو قالى انا عندى ضغط شغل استحملينى
ف دا اللى مخلينى اقولك كداااااااااا
راحتك يا اسراء كفيله بإسعادي متتخيليش انا ببقي فرحانه اد ايه لما ربنا بيقدرني اني اساعد اي حد محتاج مساعده مني وانا ياحبيبتي مش عيزاكي تعيطي تفتكري مامتك لو شيفاكي دلوقتي هتبقي مبسوطه وانتي بتعيطي لا طبعا اكيد هتبقي عيزاكي مبسوطه وسعيده والابتسامه مش بتفارق وشك الجميل انتي الحمد لله الدنيا كلها ادامك فتحالك دراعاتها عيشي حياتك وانبسطي وان شاء الله لما تبقي ام اعملي مع ولادك زي ما امك رحمها الله عملت معاكي كل ده بيدي حسنات لامك لانها هي اللي علمتك كل الحاجات الحلوة دي يارب تكوني دايما بخير ويكمل فرحتك باتمام جوازك قريب ان شاء الله
السلام عليكم لقد اعجبني الموضوع لانه عندي مشكلة ابني ذو 3 سنوات تخلى عن الحفاظات عندما كان عمره 2 سنة و لكن عاد اليها و اصبح يبلل نفسه كثيرا و لا يقول لي الا بعد ذلك عندما انجبت بنت و ماتت شكرا
انا بشكرك اوى اوى اولاعلى اهتمامك تانى حاجه على كلامك الى حسيت انى ارتحت والله العظيم لما قرأته انتى خليتينى أعيط لأنك قولتىلى كل الى جوايا وحسيته اوى ربنا يباركلك يارب ويوفقك فى أحلى وفيد طريق اختارتيه لنفسك هو انك تعالجى قلوب الناس الى جواها تعب مالوش دوا غير الكلمه الطيبه بجد ربنا يجازيكى خير وانا حقيقى ارتحتلك اوىىىىىىىىىىىىىىىى وان شاء الله نبأه صحاب وانا بجد هسأل عليكى على طول وأحكيلك على الى جوايا ...ومره تانيه بشكرك على اهتمامك
