تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
انتي قلتليلي يا اميرة الرومانسية اني اشوفلي صحاب لذاذ بس مشكلتي في الدراسة بسبب اصحابي لان حصلت معانا شوية مشاكل و من ساعتها وانا مبقدرش اعمل صداقات زي زمان معلش انا تعبتك معايا بس انا مش لقايا حد افضفضله خالص و بالذات اني منزلتش مصر السنادي
انا عضوه جديده و ارحب بيكم جميعا و نفسي تقبلوني معكم في منتداكم
و انا معاكم في موضوع الدكتورة النفسيه و ايضا مع طالبة علم النفس باننا ميش محتاجين دكتورة فقط لحل مشاكلنا اكتر حاجه يحتاجها الانسان انه يلاقي حد جنبه يسمعه يشاركه المه و انا موجوده ايضا لسماع اي مشكله و لو قدرت و قدرنا كلنا كل واحد يدي رايه و ان شاء الله نقدر نفيد و نستفيد
اختي نور
احنا موجودين وشغالين الحمد لله علي اد ما نقدر
بس فيه اخوات بيشوفوا الصفحه الاولي بس وبيردوا علي اساسها
وبالنسبه لموضوع التقسيم ده مش بايدينا احنا ده بايد الاداره الموضوع ده ابتدي من شهر ابريل والاداره مشكوره قامت بتثبيته في الصفحه الرئيسيه ان شاء الله بعدين ممكن يكون ليه ركن خاص ومتقسم حسب نوع المشاكل
اختي ريهام
مش معني انه حصلتلك مشاكل بسبب اصحابك ان كل الاصحاب وحشين وانك مش هتقدري تعملي صداقات تاني لان دي مش النهايه ابدا
ياحبيبتي انتي لسه صغيره وياما هتشوفي في حياتك وياما هتمري بتجارب
تنجحي مره وتفشلي مره تزعلي مره وتفرحي مره والحياه بتعدي
اهم حاجه ان كل حاجه تمري بيها تتعلمي وتستفيدي منها الصح استمري عليه والغلط متكررهوش تاني
تعرفي انا من كام سنه كنت مصاحبه واحده كنت بحبها اوي بس هي اللي كان يهمها انها تاخد متديش وشئ طبيعي صداقتنا مستمرتش وانا تعبت ساعتها اوي بس الحمد الله ربنا عوضني بالاحسن منها الف مره والحمد لله بقالنا مع بعض دلوقتي حوالي سبع سنين وعلاقتنا كويسه جدا
اهم حاجه مادام بترضي ربنا ثم ضميرك يبقي خلاص متشليش هم حاجه
وان شاء الله ربنا هيوفقك
كل سنه وانتي طيبه
اختي اللينوفر
انتي عندك حق طبعا
بس احب افهم ان الموضوع ده مش حكر علي شخص معين
اي واحده نفسها عايزه تشترك معانا اهلا وسهلا بيها
اكيد كل واحده ليها خبرتها ورايها اللي تقدر تفيد بيه غيرها
وهو ده اللي يهمنا وحتي لو مش لاقيين كلام نقوله
اقل حاجه نقدمها لصاحبه المشكله اننا نشاركها مشكلتها ونقولها كلمه حلوه
والله الكلمه الطيبه بتهون علي الواحد كتير
السلام عليكم ازيكم يا بنات يا فتكاوات يارب تكونوا بخير والاول بهني بجد البنوته الجميله اللي عامله الموضوع وبجد انا تعبانه ومحتاجه حد اكلم مع اي حد يمكن تلاقوا حل مش لمشكلتي لا لكووووووووووووول مشاكلي
وفي هذا العصر بقت المشاكل النفسيه ده وضع طبيعي
واتمنى يا اخوات ان تقبلوني معاكم
وجزاكم الله خيرا
"سبحان الله وبحمده عدد خلقه ورضا نفسه وزنة عرشه ومداد كلماته"
