[wella]

اختي دلع البنات
اهلا وسهلا بيكي معانا
فضفضي بكل اللي جواكي
وان شاء الله هترتاحي معانا هتلاقينا كلنا اخواتك
كل سنه وانتي طيبه

[wella]

اختي سنيوريتا
بشكرك من كل قلبي علي كلامك الجميل
واحب اقولك اهلا وسهلا بيكي في اي وقت
ولو محتاجه اي حاجه تحت امرك دايما

[wella]

اختي رورو
اهلا وسهلا بيكي معانا
وشكرا علي مشاركتك معنا وردك علي شيبست وطبعا انتي من حقك تساعدي اخواتك برايك في اي وقت وليكي منا كل التقدير والاحترام انتي وكل واحده بتساعد غيرها بنيه خالصه لوجه الله
وبالنسبه لمشكلتك تقدري تضيفيها في المكان اللي يعجبك هنا او علي الخاص
كل سنه وانتي طيبه

[أميرة الرومانسيه]

بالنسبه لشروق
حبيبة البى
انا عايزاكى تعتبرينى اختك الكبيره وتتكلمى براحتك
وعشان انا بعد ماقرأت مشكلتك واعتبرت نفسى كده
بقولك انتى برضو عليكى غلط كبير مش تزعلى منى حبيبي
اول حاجه انتى لسه صغنونه 16 سنه يعنى موضوع الشاب الى انتى متعلقه بيه ده
والله غلط من الاول .....
بصى انا معاكى انه بيبأه غصب عنك وبتبقى عايشه احساس رهيب انه بيحبك
وانتى بتحبيه كل ده لما تكبرى هتقعدى تضحكى عليه لان لا انتى
ولا هو لسه عقلكم نضج انا حسه بيكى اوى لانى مريت بنفس المرحله دى
وكنت زيك كده
بس بعد كده لما بفتكر بقعد اضحك
ده اولا.....
بالنسبه انتى لمامتك اتعودى على الصراحه معاها
حاولى تكونى قريبه منها اوى احكلها على كل حاجه متخبيش عليها اى حاجه
لان دايما وحطى عند دايما مليون خط ان رأى الام بيكون صح
حاولى تقربى منها تعتبريها صحبتك واختك
انا كنت كده مع امى الله يرحمها وكنت مبخبيش عليها اى حاجه
هتحسى براحه هتحسى انك جنبك حد بتشوريه ورأيه مهم بالنسبالك
بس ابل كل ده لازم لازم تصلحى علاقتك بيها
بالنسبه لعصبيتك دى مينفعش خالص انك تتعصبى على مامتك
الام دى قيمتها كبيره اوى لو فكرتى هتقولى يااااااااااااه دى بتتعب اوى معانا
حاولى تصلحى فى نفسك وبعلاقتك مع مامتك واختك والى فى البيت عشان
متنكديش على نفسك حبيبتى ومامتك تدعيلك بدل ماتدعى عليكى
الا دعوة الام بالدنيا والى فيها
اعملى كل ده ووالله والله حبيبي هتلاقى نتيجه كويسه اوى
استحاله تكونى معاملتك حلوة وطيبه وحنينه معاهم وهم يقسو عليكى
ابداااااااااااا
ويارب يخليهملك ويخليكى ليهم ويهديكى ليهم ويروق بالك يارب
وابقى قوليلى عملت اه حبيبتى اوك
ولو احتجتى اى حاجه ومحتاجه تتكلمى احنا تحت امرك فى اى وقت
كل سنه وانتى طيبه

[أميرة الرومانسيه]

بالنسبه لاخت فى الله
موضوع النقاب دة انا عارفه ان فى اهالى كتير مش بتوافق عليه
وتلاقى شد لو انتى عايزه تلبسيه وهم مش موافقين
بصى زى ماقلتى لى نيتك لله انك نفسك تلبسيه ده اولا
ثانيا بأه حاولى كل فتره تكونو اعدين شغلى دروس
مثلا للشيخ الفاضل محمود المصرى
او الشيخ محمد حسان مقنعين جداااااااااا
وصراحه هم اكتر ناس ليهم الفضل بعد ربنا فى ارتدائى للنقاب
وطول مانتى فى دماغك الموضوع هتلاقى ربنا سهلهالك والله وكله هيبأه تمام
وياستى لو خلاص مفيش فايده اما تتجوزى ان شاء الله البسيه براحتك
بس انتى متيأسيش لانه فعلا بيستر وبيمنع الفتنه الى زادت اوى الايام دى
وربنا يوفقك حبيبتى ويثبتك ويجعله فى ميزان حسناتك
كل سنه وانتى طيبه

[أميرة الرومانسيه]

حبيبتى dnsh
لا كلاكيع ولاحاجه ربنا ميجيبش مشاكل ابدا
انتى حبيبتى محتاجه شوية ثقه فى نفسك
اكيد فى حاجات حصلت كانت سبب فى عدم ثقتك دى
ياحببتى انتى لسه صغنونه والعمر قدامك لسه
اوعى تيأسى بالطريقه دى
زى مافى الوحش فى الحلو
حاولى تخرجى نفسك من الى انتى فيه ده لانه غلط عليكى سواء دلوأت
او فى المستقبل
قربى من ربنا اوى حاولى تكونى صداقات كتيره
اخرجى من عزلتك دى
اتعاملى مع الناس ومتخافيش منهم
لازم تتعاملى والا هتعيشى كانك مسجونه قربى واخرجى واضحكى
ان شالله تلعبى بس متقعديش كده وخايفه تتعاملى معاهم
واهم حاجه طريقتك فى التعامل اوعى تبينى لاى مخلوق انك مش واثقه فى نفسك
لازم تعرفيهم ان ليكى شخصيه خليكى اقوى من كده
الحياه مش مستاهله لازم نعيشها
واحنا حبيبتى معاكى وتحت امرك اذا احتاجتى تتكلمى وتفضفضى
وده شرف لينا انك تبقى موجوده ومنورانا فى التوبيك ده
كل سنه وانتى طيبه حبيبي

[أميرة الرومانسيه]

بالنسبه لقمر الصعيد ونوووووور 81
حبايبى قولو مشكلتكم ولو مش هتقدرو تتكلمو كده
ابعتو لى او لويلا او تيمون وبومبا واحنا تحت امركم حبايبى

[أميرة الرومانسيه]

حبيبتى اخت فى الله
التردد ده عادى جداااااااا انتى بس برضو محتاجه شوية ثقه
مش عيب انك تاخدى رأى حد يكون مصدر ثقه بس فى نفس الوقت
انتى محتاجه تاخدى قرار من غير ماتستشيرى حد
وعامة ده حبيبتى بيبأه سببه راجع لكل مراحل حياتك
ان جايز يكون اهلك بيعتبروكى لسه صغيره وبيعاملوكى على الاساس دة
فعشان كده كانو بيخلوكى متاخديش اى قرارات
وانهم هم الى مسئولين عنك لحد ماكبرتى
فانتى حاولى تعودى نفسك واحده واحده انك تاخدى قرار
اتجرئى مثلا فى قرار معين وخديه واوعى تندمى عليه جايز يطلع صح
ولو طلع غلط يبأه كفايه عليكى شرف التجربه
ابدأى واحده واحده وهتلاقى نفسك اتغيرتى فى الموضوع ده حبيبتى
كل سنه وانتى طيبه

[أميرة الرومانسيه]

بالنسبه لحنين 2008
بجد الله يكون فى عونك قلبى اتوجع وانتى بتحكى والله
بس انتى محددتليش انتى عندك بيبيهات ولا لا؟؟؟؟؟؟؟؟
انا عامة عايزاكى تعملى اخر تجربه وتديله اخرفرصه
هقولك ازاى حبيبتى
اول حاجه متواجهيهوش عشان طول ماهو عارف انك عارفه انه بيخونك
هيسوق فيها وهتبأه علنى كده قدامك هيكلم اى حد فانتى متواجهيهوش دلواـ اصبرى
اول حاجه تعمليها....
انك تغيرى من نفسك
بمعنى انه ييجى يلاقيكى جاهزاله
شكلك مظبطاه لابساله كويس
خليكى رقيقه ان شالله تصطنعى بس الرجل بيحب الست الرقيقه والمتجدده
خلى البيت دايما رايق
غيرى فى بيتك كل شويه غيرى اماكن الحاجه
عشان ميحسش بروتين الى يقوم فيه يصحى فيه
حاولى لو عصبيه اهدى شويه خدى الامور ببساطه
اوعى تبينتيله انك شكه فيه خليه يستغرب من كل حاجه

اشغليه متخليهوش يكون عنده وقت انه يبص لواحده غيرك
هو جوزك متتكسفيش منه ويكون ملهوف انه يرجع البيت عشان يشوفك
ويشوف مفاجئتك الى عملاهاله فاجئيه كل يوم بأكله
بلبس جديد لبساه بتسريحة شعر لذيذه
كده يعنى.........
حاولى تجربى الموضوع ده واهم حاجه زى ماقلتلك انك متبينيش شكك من ناحيته
وبعد ماتعملى كل ده هيحس انه ظالمك وهيحس بتأنيب الضمير
والله بأه بعد كل ده ومتعدلش
يبأه هو عمره ماهيتغير وساعتها هتكونى مش غلطانه لانك بذلتى قصارى جهدك
عشان تحافظى على حياتك معاه وهو الى باعك
جربى وشوفى
وربنا يعينك حبيبتى ويوفقك يارب ويروقلك الحال يارب ويهديهولك

ولو عايزه تبعتى على الخاص تدوسى على الاسم بتاع الى عايزه
تبعتلها وهتلاقى ارسال رساله خاصه
واحنا تحت امرك حبيبتى

[مدام محمد الجرجاوى]

والله يا ريت بس امتى

[أميرة الرومانسيه]

حبيبتى ام عباده
انا عارفه ان السن الى بنتك فيه ده متعب كتير
بس انتى حاولى تفهمى دماغها فيها اه بالضبط
اولا انتى بتضربيها لا حاولى تبطلى الموضوع ده انا عارفه
انه بيبأه غصب عنك بس حاولى تهدى شويه ومتاخديش كل حاجه على اعصابك كده
انتى بتقولى رغم كل ده حنينه عليكى فأكيد يجى منها
بصى عن تجربه حاولى فى السن ده تقربيها من ربنا اوى تتشغل
انا فى سنها كنت بروح بحفظ فى مسجد قريب منى قران
ساعتها هتحس انها لازم تراعى امها وتسمع كلامها وتطيعها عشان اتعلمت حاجه زى كده............. وانتى حاولى من دلوأت تخليها قريبه منك صاحبتك اختك
ده اهم شئ عشان متنفرش منك
طول مانتى بتكلميها بعصبيه وبتضربيها هتزيد اكتلر عشان بس تعند معاكى
حاولى برضو تجيبي كتاب بتاع محمود المصرى اسمه تربية الابناء
ده فظيع فعلا بيعلمك اصول التربيه الصحيحه
وربنا يخليهالك يارب ومتقلقيش هم كلهم فى السن ده كده
بس زى ماقلتلك حبيبتى انتى حاولى تهدى شويه
ربنا يهديهالك يارب
يارب اكون افدتك حبيبتى
ولو احتجتى اى شئ اؤمرينى بس ياقمر
كل سنه وانتى طيبه

[بثتنه]

فكره جميله وياريت نحن نساعد بعض للوصول الي تصحيح بعض ما يعترينا من نقص

[جنة اثير]

ويلله
الصراحه اختي ويلله انا خايفه جدا لان اتعملي اكبر مشاكل فى حياتي
وبامانه انا بقيت كلي عقد وكلاكيع وقرارت اني عمري ما اتكلم مع حد ابدا ومش عارفه ده صح؟؟؟ ولا غلط؟؟؟

[laa]

السلام عليكم ورحمة الله وبركاته
اختى wella جزاكِ الله خيرا على سؤالك عليا انا بعتلك رسالة مرتين بس واضح انهم موصلوش الكلام ده من فترة طويلة وبعد كده حصلتلى ظروف مقدرتش ساعتها انى ادخل والحمد لله كلها عدت على خير والحمد لله كله تمام بارك الله فيك وكل سنة وانتى وكل الفتكوات والمسلمين طيبين وعلى طاعة الله قائمين وانا هابعتلك رسالة على الخاص ولو مش وصلت لك ابعتيلى على الخاص انه مش وصل

[mnhl]

يعنى مش لوحدى عايذة دكتورة دة احن كدة عايزين مشفى هههههههههههه والله فكرة هايلة فعلا ومشكورة حبيبتى

[اسراء حجازى]

السلام عليكم ورحة اللة وبركاته انا اسراء سنى 20 سنة نفسى اتكلم مع حد يفهمنى كويس ويقدر ينصحمى باللى يفدينى ارجوكى انا هحكيلى وقوليلى اعمل اية؟ انا مخطوبة من شهر 10 اللى فات بس من يوم الخطوبة مافرحتش خالص بابا اتضايق من والدة خطيبى فى شىء من الاتفاقات ومن ساعتها المعاملة سيئة جدا ودة مسببلى ضغط عليا جامد جدا حطيبى انسان كويس وفاهمنى ومحترم وبيحبنى المشاكل دى مخلية والدى يقعد يثولى كل شوية انى هفسخ الخطوبة وانه هيعمل مشاكل معاهم ايام التجهيز وانا خايفة انا حاولت اتكلم مع خطيبى بس اتحرجت . فية مشكلة كمان انا مش لاقية لا والدتى ولا اختى واقفين جمبى ماحدش فى صفى خالص وهما كلهم متضايقين من والدة خطيبه وماثر دة فى معاملتهم معاه. مش بيتكلموا معاه كويس انا متضايقة حد يتكلم معايا ويقولى انا دورى اية فى موضوع زى دة ارجوكم ادعولى ان ربنا ييسر الصعب ويبعد عنى المشاكل وشرها لانى خايفة شكرا

[اسراء حجازى]

كنت عاوزة حد ينصحنى بالكل اللى اعملة بجد محتاجة النصيحة انا صابرة ومستنية فرج ربنا

[جين صبرى]

السلام عليكم
أنا فيه حاجه مضيقانى
أدعولى ربنا يفك كربى