تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
السلام عليكم ورحمة اللة وبركاته .. مش قادرة اقوللك انتى ريحتينى ازاى بكلامك معايا ربنا يخليكى يارب...بس عاوزة اقوللك على حاجة والدته طيبة ومعاملتها معايا كويسة المشكلة مع والدى ووالدتى هما اللى مش حبنها ودة عامل عليا ضغط علشان بيعملوا خطيبى بالتالى وحش ..اسراء انا بحاول اوفق بين الاتنين بس ساعات يجى وقت مش بعرف الوم اهلى ابدا ولا اقولهم انكوا غلطانين لانى مااقدرش اعمل كدة ابدا فبقعد ساكتة ..ممكن يحصل اى مشكلة مابقدرش اقول لوالدى انك غلطان لانه عصبى ويعتبر تصرفى دة انى ببيع اهلى علشان خاطر خطيبى المعاملة بجد صعبة ..ايام والدتى ماكنتش بتكلمنى خالص وفضلت اعدة حوالى تلات شهور حزينة جدا ودة اثر على نفسيتى بشكل غير عادى ..انا حسيت ان بقى قلبى قاسى ومابقتش بستامن حد خالص حتى لو حصل اى زعل بينى وبين خطيبى حتى لو تافة او حتى اثر معايا فى اى حاجة ارجع اقول كل الناس وحشة ومايستهلوش منى حاجة ابدا حتى خطيبى اللى بدافع عنه زيهم دى كلها افكار عمرها ماجاتلى قبل كدة وكل دة من المعاملة دى ادعيلى ان ربنا يبعد عنى الحزن دة تصدقينى لو قولتللك انى مستنية شهر رمضان يمكن ربنا يتقبل منى دعاء وانى افرح بقى زى اى بنت بتفرح لما بتتخطب انا حاسة ان حياتى كانت احسن قبل ما اتخطب بسبب سوء معاملة والدى ووالدتى ليا ..انتى لو عرفتى المشاكل اللى بتحصل كل اد اية كنت تعزرينى كنت تعرفى انى مابلحقش افوق من المشكلة اللى قبلها اساسا ادعيلى بجد محتاجة دعاء شكرا ليكى واسفة لو طولت عليكى
سبحانك اللهم وبحمدك عدد خلقك وزنه غرشك ومداد كلماتك
اشكركم كثيرا لاننى بحاجه الى شفاء ابنتى التى تعانى من 8 سنوات وعمرها الان 28 سنه وذلك منذ ان كانت بالفرقه الاولى بكليه التربيه وتركت الجامعه بالفرقه الثالثه وتعانى من انفصام بالشخصيه
يا ريت بجد يا جماعة احنا عايزين دكتورة نفسانية عشان تفهمنا وتكملنا
يا جماعة مفيش حد ما عندوش مشاكل
وبالذات البنات
وانا ادري بالبنات لاني بنت وعندي مشاكل كتير
السلام عليكم
بجد مشكلتى كبيره اوى ومحتاجه مساعدتكم معايا لانى بجد مش عارفه اتكلم
بدات مشكلتى ماما وبابا دايما بيتخانقوا على طول وانا عشان الكبيره كنت انا اللى فى النص ماما تسيب البيت تاخد اخواتى وتسيبنى انا افضل رايحه جايه عليهم وكانوا بيسيبونى الساعه2 فى الشوارع بتحايل على حد ياخدنى وكان بابا يتخانق مع جدى وجدتى عشان ميخدونيش عندهم وفى الاخر اروح عند ماما ببيت جدتى التانيه وانام كل خناقتهم بالمنظر ده انا بنقلكوا جانين عشان الامهات اللى هنا لازم تراعى النقط دى امى عمرها ماكانت صاحبتى ودايما كانت بتفضل عليه بنت خالتى لانها اللى مربياها كانت بتسيبنى العب مع ولاد خالى ولوحدنا ومفيش رقابه وطبعا برجع من اللعب لبسى مش نضيف تشوفنى مثلا وانا مروحه تقولى اجرى على الحمام وغيرى هدومك فى الوقت نفسه تكون بنت خالتى فى ايديها ورايحين يتفسحوا مقدرش اوصفلكوا كم التحرشات اللى اتعرضتلها فى طفولتى ومكنتش بلاقى حد اقوله وكنت افتكر ده عادى وكان من ناس كبار وولاد خالى كمان لما كبرت فهمت ان دى تحرشات كل ده ترسب عندى وبقيت منطويه واخاف من اى حد ومنغلقه على نفسى وكل ده وامى بعيد متعرفش حاجه عنى جدتى من والدى كانت بتخاف عليه اكتر منها لما ماتت اتأثرت اوى وكان جدى توفى قبليها وكنت مرتبطه باهل بابا جه موضوع الميراث فرقنا وبقيت لوحدى خالص دخلت الثانوى وكنا مشترك وحبيت زميل ليه لمجرد انه كان بيسمعنى كان اكتر تعاملتنا التليفون بس طلع ندل فى الاخر وجرحنى اووى لانه كان بيسمع اصحابه كلامنا وكان بيتسلى بابا كنت بعرف اتكلم معاه اكتر .
فى صغرى طولت ايدى على فلوس كانت عند جدتى ونزلت اشتريت بيها شيبسى ماما ضربتنى وكررتها تانى وتالت جه دور بابا بدأ يقولى فى حاجات اكتر وكان المبرر ان ماما دايما بتزعق على الفلوس كنت اخد وادى لبابا وكان فكرى ان المشكله هتنحل لكن للاسف بتكبر زى مانا كبرت ولقيت نفسى لوحدى صاحبت بنات هما اللى عرفونى على الشاب اللى حكيت عليه لانه كان صاحب اللى بتحبه وابتدوا اصحاب السوء الحمدلله معملتش حاجه غلط وصاحبت بنات منهم فضلوا معايا ومنهم خانونى تصدقوا انا لما لبست حجاب امى كانت تكرهنى فيه امى عمرها ماكلمتنى على الدين مع انها ازهريه ومحجبه ولا قالتلى صلى ولا اى شىء سمعت شرايط عمرو خالد كان اول ماطلع وعجبنى كلامه واتأثرت فلبست الحجاب وكان بدايه افاقه ليه حاجات كتير حصلت يطول شرحها .
حصلت خناقه كالعاده مابين ماما وبابا وناس دخلوا يحلوا الموضوع كان راجل اللى بيصلح بينهم كويس ابتدى يكلم امى وجدتى فاتحه له البيت ابتديت اشوف رسايل على موبايل امى وحب وكلام من ده قولت لبابا ومحدش حل حاجه اخوات امى معملوش حاجه قاله بيفترى عليها ومرت الايام الكلام وجت مشكله تانيه ماما سابت البيت لمده 4 شهور لوحدنا احنا 3 اخوات انا واخويا الكبار واختى الصغيره خدتها معاها مع العلم انها معلمتنيش اى حاجه ولا طبخ ولا غسيل ولا اى حاجه وسيبانى والمفروض انى اخدم ابويا واخويا رضيت تعملنا الاكل بس بشرط انها تاخد فلوسه مع العلم ان حالتها الماديه هى ووالدى كويسه اوى كان بابا ينام فى شقه تانيه بنفس العماره ويسيبنا انا واخويا لدرجه انه هو عمل عمليه فى ايده فكان صعب ياكل وكده وماما مكلمتهوش خالص جربت اصاحب ماما قولتلها مره سر فتنت عليه وقالته لبابا فقدت الثقه فيها لما تعامل اصحابى بتعاملهم احسن منى لما يجى ضيوف بولادهم الاقى معامله مع ولادهم استغرب وتصعب عليه نفسى ودايما تنقل صوره وحشه عنى للناس قريبنا فيستغربوا لانى هاديه بطبعى وكتير بتشتم فيه وبتدعى عليه كتير هتقوليلى بتدعى من ورا قلبها لاء اسمعها من ورا الباب وانا بره تدعى تشتمنى بالتليفون يااااااه عملت فيه كتيرررررررررر ماما رجعت البيت طبعا انا واخويا شايلين منها جامد جداااا بقينا عدوانيين معاها وتانى مره لقيت رسايل من زميل ليها وبتكلمه وبابا مش موجود وتضحك وتحكيله كل حاجه عنا على فكره هو من القاهره يعنى صله الشغل ضعيفه جدااا قولت لبابا وجاب اخواتها ومعملوش حاجه وطلع بابا هو للى وحش وبيتبلى عليها اللى انا فيه دلوقتى ان امى دايما تهددنا انها هتسيب البيت احساس رهيب اننا مهددين بالتشرد كل لحظه ونعدى الموجه واهى الحياه ماشيه لغايه لما والدى حصلتله ظروف انه خد 3 شهور سجن بسبب وصل امانه وسابنا بابا ودخل الفتره دى اللى احنا فيها اكتشفت ماما ان هو بيعرف ستات وبيقيم علاقه معاهم فى الشقه اللى بنفس العماره وانه متجوز بس مفيش تأكيد على كل ده مشكلتى انى كنت بصدق بابا كنت اساله انت بعت المحل الفلانى يقول لا وفى الحقيقه يكون بايعه بابا مبذر باع حاجات كتيررر اوى ومخدناش منه ولا مليم مفيش اى زياده علينا زى ماحنا فطبعا دلوقتى المتولى شئونا ابن عم بابا لانهم شركاء فى مشروع وبيشتغلوا مع بعض فبابا كمان واخد قرض فمرتبه بيتحول للبنك ابن عمه هو اللى بيجيبلنا الفلوس بتاعتنا وقعد يكلم ماما بالموبايل ويقولها اخبار عن بابا صدق وكدب وترتفع مكانه الراجل ده عند ماما وفجاءه ماما اتغيرت بقيت تاخدد الموبايل معاها بعد ماكانت بتسيبه الرسايل شغاله الله ينور وتدارى كسوفها تقولى دى من اخويا اجى اشوف تاريخ الرساله الاقيه قديم الشك بدأ يكبر فمره سابت التليفون يشحن ولقيت الموبايل بيرن الساعه4 قولت مين بيتصل الساعه دى لقيت اسمه جيت اكلمه مردش هعليه وبعت رساله لامى بعديها على طول (( انتى حياتى ودنيتى ومستقبلى االلى جاى بحبككك)) وقع الرساله مقدرش اوصف الاحساس ومش عارفه اعمل ايه رنيت عليه تانى مردش بعت واحده تانيه (( مش هتقولى حاجه انتى كمان )) فكرت شويه وقولت هقول لمين فكلمت بنت خالى الفجر وحكيتلها قالتلى قولى لخالك روحت لخالى قولتله انا مش هظهرك بالموضوع بس قولى حل مكنش مصدق وكدبنى قولتله دول عندها انا مخبياهم بالموبايل مكان متقدرش توصله قالى قولى لخالتك وقولها قدمها الرساله دى ينفع حد يبعتها لحد عملت كده ماما ارتبكت وخالتى انهارت وقالتلى لازم اقابله وفعلا روحنا نقابله انا وخالتى مكنتش عارفه تتكلم خدت الموبايل قولتله ايه دى قالى اصل وصلتكم غلط انا مسجل كذا رقم باسم والدك قولتله ليه هو بابا مؤنث وانت كداب وقالى انا معرفش رقم مامتك غير من يومين قولتله كداب عندى رساله ليك كنت بتسال فيها على بابا من شهرين قولتله انا عارفه انك مش محترم وتعرف ستات كتير وهقول لمراتك وهددته شويه وقومت وسيبته الراجل من خوفه يكلم والدى ويحكيله وبيقوله هدى بنتك هتقول لمراتى لان مراته عارفه عنه حاجات من دى كتير طبعا خالتى قالتلى نقفل الموضوع هو اللى مش كويس لكن امك كويسه قولتلها امال بترن عليه ليه وجيبتلها تاريخ والساعه فسكتت قولت لامى انتى متكلمنيش هلاحقها منك ولا من بابا انتم زى بعض بعت رساله لخالى قولتله الموضوع انتهى وبلاش تظهر بالموضوع راح تانى يوم قالى لخالتى جت قالتلى وراحت قالت لماما وقالوا لخالى التانى ومحدش عمل حاجه وانا بفترى على امى بعد ماشافوا الرسايل ورقم الراجل فوق يعنى مفيش مجال ان اكتب الرساله نسيت اقولك ان الراجل كلمنى بالبيت عشان يترجانى مقولش لمراته وقولتله انا اد بناتك ومش هفرح لما احطهم بموقف زى ده اما انت فشكرا اوى على امانتك .
ماما كبرت الموضوع وقلبته ضدى ليه ابن خاله كبير قولت اقوله قولتله راح لخالى وبيستفسر ماما جابت خلاانى وبنت خالتى اللى هى مربياها وخالتى وكل اللوم عليه وواحد منهم يقولى لو شوفت مامتك بتعمل حاجه وحشه دارى عليها استغربت للكلام خالى اللى قولتله قاعد بيسمع خالى التانى قعد يهاجمنى قولتله انت سمعت منى الموضوع عشان تحكم فراح ساكت وبياخد كلام امى صدق شدينا مع بعض راحت بنت خالتى تتكلم انتى قاعده معاهم ليه سيبلهم البيت قولتها اسكتى مرضتش حذرتها كام مره وخلاانى برضه حذروها قولتله طب اتفضلى اطلعى بره قالتلى لا قولتلها مش انتى شاتمه بابا داخله بيته ليه فخرجت وقالت بس هقول لمامتك كلمتين لو قعدتى هنا لا انتى خالتى ولا اعرفك ومعندكيش كرامه وانسى ان ليكى اخت اعتبريها ماتت بتقولى ازاى تقولى على مامتك كده قولتها انا مش هسوء صوره امى دى ماما قالتلى ماما هىء ماما راحت ردت دى بنتى لكن انتى مش بنتى الكلام ده عليه فراح خالى مسكتها ودخل رمضان بتاكل لوحدها واحنا لوحدنا وموصيه انى محضرش غسلها ان هى مش هتسامحنى خالص يا جماعه بتفترى عليه كلام كدب بتكره الناس فيه وكل لما اصلى هو انتى نافعلك صلاه انا عارفه حقوق والدينى بس دى حياتى تعبت اصلح
ولاد خالتى قالوا انتى عملتى الصح انا مش عارفه انا صح ولا غلط مش عارفه اتكلم ياريت تساعدونى انا اسفه على الاطاله
اذيك يا هدي (مجرد انسانه)
عامله ايه ؟ يا بنتي الدنيا قصيره ومش محتاجه كل اللي انتي عامله في نفسك ده
فعلا المشاكل عنديك تتعب وكتير لكن انتي محتاجه للقرب من ربنا اكتر وبصي يا حبيبتي محديش فينا بيختار ماما او بابا لكن انتي خلي اسرارك لنفسك او لوحده بس من اصدقك مش شرط تكون في سنك ممكن تكون ست كبيره او اكبر منك شويه وعندها خبره في الحياه تسمع منيك وتخفف عنيك وتقوليك الراي الصواب
ومهما علملت والدتك فهي والدتك وصاحبهما في الدنيا معروفا
وكمان مفيش حد مابيغلطش اكيد انتي في حاجات عاملها غلط ؟؟ ممكن طريتك في الكلام معاها أو ممكن تكون عصبية او انك تغري امك وتجيبي خلانيك وخالتك
يا حبيبتي مينفعش انتي لازم فى الشهر الكريم ده تكسبي رضا اهليك وخصوصا امك وابوبيك بوسي ايديها واعتذري منها وصلحي علاقتك بيهم
ده انتي بتتكلم في وقت مفيش اجمل منهوهو شهر رمضان ادعي ربنا ليها بالهدية وكتير ومن قلبك وبخشعوع وانتي بتعملي كده خليه بنية رضا الله وصدقني رنا مبيسبش حد في ضيقه او عبد محتاجه وبيقول يارب وبيتكلم من قلبه وكمان بيطيع ربه في اهله (امه وابوه)
بصي حبيبتي هو ده رايي فحاولي يلا تحطي نية طاعة ربنا وتصلحي مامتك وتطلع كل الحب اللي جواكي لربنا واختاري اصحاب من اول يساعدوكي علي طاعة الله وهستني تقولي عاملتي ايه.
واعرفي ان كل ده في ميزان حسناتك يلا فرصتك لاخذ اكبر ثواب الدنيا وحصوليك علي الجنة وله الجنه ما تستهلشتعملي علشانها حاجه ؟؟؟؟؟
ايوه يا ويلا انا فعلا دى بالضبط مشكلتى واسفه جدا على لغة الكتابه اللى انا اتعاملت بيها بس اصلى متعوده عليها فى حاجه كمان عاوزاكى تعرفيها ان جارى ده كان بدأ فى الكلام عن ان نفسه اننا نتجوز وحاجات من القبيل ده كده وعلى فكره انا كنت بكون مطمنه جدا وانا معاه لدرجة انه لما كان بيبص فى عينى انا كنت بتوه بصى انا برده عاوزه اعرف اذ كان ده حب بجد ولا مراهقه ولو انى حاسه انى كبرت على المراهقه اجوكى ابعتيلى الحل فى اسرع وقت
ارجو المساعده
مشكلتي صعبه بالنسبه لي فانا بنت عمري 18 عاما الان ..
قبل 4سنوات وعنما كنت في 14 عشر من عمري وما قبل
كنت فتاتا نشيطه وجريئه واملك الثقه في النفس ولا يهمني كلام الناس وكنت فرفوشه واحب الحركه والكلام والتحدث مع الناس والاصدقاء بكل جرئه واحب الناس وزيارات الرحم وغيرها واحب الحفلات والمناسبات وكنت محبوبه جدا والجميع يحبني ويرتاح لي>>وفجأه عندما دخلت المرحله الثانويه لاادري ماللذي حدث لي تغيرت كليا اصبحت هادئه وخجوله جدا جدا واصبحت فتاتا اخرى اصبحت جبانه جدا لدرجه انني لااستطيع وضع عيني بعين احد أيا كان عندما يكلمني وايضا اصبحت حساسه من أي شي حتى لو كان هذا الشي لايخصني,, ولااحب ان اتكلم مع احد او ازور احد اوالذهاب الى الحفلات ولا المناسبات او اجلس مع مجموعه من الناس او الاهل او ايا كان واحب ان اجلس دائما بمفردي وفي الضلام ولا احب النور وايضا عندما تذهبت امي عند اهلي او غيره تقول لي حضري نفسك سنذهب المكان الفلاني,, ابدأ بالعصبيه واحس بالخوف والكئابه والبكاء واللوم والشتم واصرخ : لااريد الذهااااااااب ولاكن امي تغصبني بان اذهب معها واضطران اذهب بالغصب وانا غاضبه جدا وعندما نصل لااكلم احدا واتصنع البسمه واجامل من يتكلم معي ولا استطيع ان اتكلم معه بثقه مثل أي شخص اخر فان اضطررت ان اتكلم معه فاتكلم وان ارجف والعرق يتصبصب مني واحس انني سيغمى علي واتمنى وقتها ان تنفتح الارض وتبلعني من ما انا عليه فلا اصدق متى نرحل حتى ارجع الى الوحده والضلام والسكون والهدوء وشعرت بأن الكل لاحض ماحدث بي باني تغيرت وتكبرت والله العالم بما في قلبي ليس كبر او شي بل لااعلم ماللذي حدث بي والكل بدأيتكلم عني باني معقده وانني اشكو من مرض نفسي واولهم امي >>دائما تصرخ علي وتقول: انتي مريضه نفسيا مالذي جرا لك لماذا انتي ليس كمثل باقي البنات الاخروات يتحدثن ويظحكن وياخذون ويعطون بالكلام بكل جرئه مع الاخرون لماذا دائما انتي هكذا منعزله ولا يعجبك احد << ولاكن مع امي الحق في كلامها هذا..فهي تصدق في كل كلمه تقولها..
تالله لقد حاولت ان اغير من نفسي ولاكن لم استطع..
ودائما ابكي واشكو من حالي هذه واتذكر كلام امي وتزيد حالي سوئا >> دائما اصلي وادعي ان يصلح حالي ويشفيني ويرجعني على ماكنت عليه >> الفتاه الفرحه الجريئه المحبوبه من قبل الجميع >>ولاكن الى يومي هذا وانا ازداد سوئا ...
وهذه هي معانتي اليوم..
"فارجووكم المساعده }}ويجزيكم الله الف خير{{
متشكره جنه اثير لتعقبك على مشكلتى بس صدقينى انا متدينه والحمد لله ولبسه الزى الاسلامى وكتير كلمت والدتى فى موضوع لبسها وكانت بتزعل وبابا كتير قالها وهى تسمع كلام يحسن باناقتها واختيارها لملابسها .
تصدقى عمر ماما ماخدتنى فى حضنها ودايما تظهرنى بمظهر مش كويس انتى عارفه مشكلتنا ايه ان مفيش حد بيسمعنا لو كل واحد استمع للتانى مش هيبقى فى شكوى لان ببساطه النفوس هتتصافى ولو فى مشكله هتتحل.
زى اختى فى الله بسمه حزن الدنيا شاغله الناس محدش فاضى لحد باختصار شكرا لاهتمامك
بالنسبة لمشكلة مجرد انسانة
انا رأي من رأي جنة اثير
ربنا يهدي الكل
اما بالنسبة لمشكلة بسمة حزن
انا شايفة ان تغيرك ده لازم يكون ليه سبب
و لما السبب ده يتحل اكيد هنقدر نساعدك
من خلال حل السبب و مساعدتك في الرجوع
الى شخصيتك الأصلية و اللي انتي مخبياها
و ربنا يحل مشاكل الكل
انتي في حاجه في حياتي انتي مقولتيهاش وهي ديه السبب في اللي انت فيه ما بين المرحلة الاعدادية والمراحلة الثانوية ايه سر التغييير الجزري ده ؟؟؟؟؟
اكيد في سبب وياريت تقولي عليها لانك لو عرفتيه مشكلتيك حتحل ده أولا
وثانيا انتي يا حبيبتي لازم تحاولي تغيري من نفسك مش تستسلمي ان الله لايغير قوم حتي يغيرو ما بانفسهم ...
مجرد انسانه ....
اجمل حاجه انك تكوني ملتزمه ده رضا من ربنا عليكي علشان كده بيكون في ابتلاء واختبارات من ربنا لعباده علشان يحمد الله عليها ويحاول يصلح لازم ترضي امك مهما عاملت ولو في حاجه مش عجبكي زي اللبس او غيره حاولي معها باللين والحسني والكلام الطيب حتي لو كان مش بطريقة مباشرة
بعد لمل تصلحيها هات مثلا شريط يوم الحساب ل عمرو خالد علي اساس انتي اللى بتسمعيه وخليها تسمع احيكي عنها علي اساس انك بتتكلمي علي والدة واحده صحبتيك بس مش كله مره واحده خديها واحده واحده ومتنسيش بنية ارضاء الله
..