[وردة الامل]

السلام عليكم يا Wella انا كنت بكلمك عن ابني هو اللي عنده مشكلة مش جوزي و حشرحلك دلوقتي ازا سمحت

[وردة الامل]

عزيزتي ابني عنده 3 سنين لما كان عنده 2 سنة تخلص من الحفاظات و لكن منذ 5 شهور عاد الى استعمالها و في بعض الاحيان يبلل ملابسه 3 الى 4 مرات في اليوم في هذه الايام نقص ذلك و لكن اضن انه انصدم لان في يوم وقوف عرفه ولدت عندي بنت لكن ماتت بعد رساعة و هو كان يستنى في اخوه او اخته تيجي و كل ما يسمع ان واحدة عندها بيبي يقولي ماما انا معنديش بيبي و هو عنيد افعل معاه ايه شكرا لك

[وردة الامل]

انت فين انا باستناك

[وردة الامل]

يا دكتورة انت مابترديش ليه

[دودو صلاح]

ياريت فعلا كلنا محتاجين لدنوره نفسيه

[ام شوشو]

السلام عليكم ورحمة الله وبركاته
عزيزتى الدكتورة ولاء عاملة ايه ربنا يجزيكى عنا خير الجزاء انا بس جيت اسلم عليكى
ربنا ما يحرمنا منك

[ام اسلم]

يارييييييييييييييييييييييييت انا اول واحده هاكلمها

[قطرات الندى]

ياريت لأحسن عايزين نفضفض تعبتنا الآآآآآآآآآآآآآآآآآآآه

[wella]

اختي وردة الامل انا بعتذر لك للمرة التانيه علي التأخير بس انا كمان مكنتش فاهمه المشكله ايه بالتحديد وشكرا علي توضيحك ، انتي فعلا تفسيرك صح ابنك واجه صدمه نفسيته الضعيفه مقدرتش تستحملها الولاده وموت اخته كل دي حاجات فوق طاقته انه يستحمله وهو دلوقتي عنده شعور بالوحده والعزله ومش عايز يحس انه لوحده وهو بيعمل كده عشان يلفت انتباهك ليه خصوصا انك بتقولي انه كان متعود علي الحفاضات وده علي فكره شئ مطمئن وان شاء الله المشكله حلها بسيط اولا اياكي تضربيه لو بلل نفسه لان ده مش بايده وممكن يزود المشكله اكتر ارجعي للاسلوب القديم انك تخليه يقضي حاجته اول ما يصحي وقبل ماينام وشجعيه علي انه يقولك انه عايز يعمل ببيي واول ما يعمل كده دعميه علي طول بحضن بوسه حاجه حلوه بيحبها عشان يعرف انه بيعمل حاجه كويسه هياخد عليها مكافأة ، تاني حاجه متخليش ابنك لوحده يعني العبي معاه خلي باباه ياخده معاه وهو خارج خليه يلعب مع الاطفال اللي في سنه سواء قرايبه او الجيران وطبعا ده غير الفسح والخروج خليه دايما حاسس بحبكم وحنانكم عشان الاحساس اللي عنده بالوحده يزول ولو جه قالك ناخد البيبي ده قوليله حبيبي مينفعش بكره ان شاء الله ربنا هدينا بيبي وهتلعب معاه براحتك واحضنيه وهزري معاه وان شاء الله هتلاقي المشكله بتتحل بالتدريج بس الموضوع عايز شويه صبر انتي برضه ممكن تخليه يروح الحضانه هيلعب مع اطفال في سنه وهينبسط ودي حاجه ممكن تلهيه عن الحكايه دي شويه وان شاء الله ربنا يرزقك بالذريه الصالحه ويخلي ليكي ابنك ويباركلك فيه وياريت تبقي تطمنيني عليه باستمرار

[wella]

الف سلامه عليكي يا هاله انا مقدره احساسك ده اوي وانتي اكيد وصلتي للمرحله دي من كتر الضغط والمشاكل ممكن لو تحبي نشوف المشاكل دي ونحاول نحلها واحده واحده حتي لو مقدرناش نحلها لا قدر الله مجرد انك تفتحي قلبك وتتكلمي ده هيهون عليكي كتير وانا تحت امرك في اي وقت

[wella]

anti انا كنت جايبه موضوع بعنوان "افكار تقرب الام من بنتها المراهقة " في قسم فضفضه وتجارب فيه مجموعه افكار لو حاولتي تعملي اللي ربنا يقدرك عليه منها مع ولادك ان شاء الله كل مشاكلك معاهم هتتحل بس انتي شوفي وجربي

[wella]

اختي ملاك الرجمه خلي بالك الموضوع ده مش قاصر عليا انا وبس انتي مش محتاجه تاخدي اذن مني او من غيري عشان تقولي رايك من حق اي واحده انها تقول رايها مادام الغرض منه مساعده ومسانده صاحبه المشكله وانا من اول ابتدينا في الموضوع وانا بقول الكلام ده عشان احنا هنا كلنا عيله واحده لازم نحس ببعض ونقف جنب بعض في الحزن والفرح . واتمني انك تفدينا بارائك ونصايحك دايما

[wella]

ازيك يا ام شوشو تسلمي يا حبيبتي ربنا مايحرمني من سؤالك عليا طمنيني بنتك اخبارها ايه يارب النهارده تكون احسن

[صبرين]

عسلامة اخواتي اغلبكم يتمنون انو يكون في دكتوره نفسية صراحة صعب انو دكتوره وحدة ممكن تساعد اغلبيتنا انا اقتراحي انو لازم نساعد بعض كل حسب خبرته و تجارب يمكن يساعد الاخر.....يمكن ان نضع باب خاص بالمشاكل و كل من لها مشكل او قصة تحكيها و احنا نجاوبها و نقترح عليها حلول ايه رايكم يا اخواتي. عندنا مثل شعبي في تونس يقول " اسئل مجرب و ماتسئلشي طبيب "
يالا لازم نتحرك و نحس ببعض يد الله مع الجماعة

[ملكة الحلم]

[]فكرة جميله يااااااااااريت الواحد حيفضفض ع طووووووووووووول

[بنوته شيك]

صبريين انا موفقاقى بس الموضوع دا يعتبر بااب المشاكل كل اللى عندو مشكله بيقولها وكلنا بنساعدو وكمان ولاء ربنا يكرمها بتساعد ناس كتييير بخبرتها
ربنا يكرمها ويجزيها كل خير

[ميامار]

[B]ياريت انا نفسى فعلا فى دكتورة نفسيه تحللى مشاكلى فكرة جميله بدل ما نروح لدكترة ونفضح نفسنا[/B]

[onlygirl]

[anti]

اشكرك ياملاك الرحمة انا مقتنعة كثير بكلامك وفهماه كويس لكن مشكلتى اني عصبيه جدا وعصبيتي دى متعباني لأنى فعلا ظالمة بنتي معايا ومفيش سبب لعصبيتي فانا اعيش احسن حياة مع زوج رائع وبيحاول يرضيني باي شكل يمكن عصبيتي الزايده لأني عندى ست عيال اربعة اصغر من البنت والولد دول ومش عارفة اوفق بينهم علي فكرة انا خريجه اداب ومابشتغلش لكن عندي هوايات كثير زى تصميم الأزياء والرسم وكتابة الأشعار وبمارسهم كلهم كل دى حاجات كويسة صدقيني مش عارفة الغلط فين لكن الى عارفاه ان عيالي مظلومين معايا وده شئ متعبني

[موبينيل]

اهلا بيكى ياولاء واللة انا كنت عاوزة اسال عن حاجات كتير بس هحاول ارسلها لكى على الخاص وياريت فعلا ياجماعة دكتورة نساء ضرروى جدا اكيد هانستفيد كتير يارب تتوفقوا وتلاقوها بينا وانا برحب بالموضوع دة وكل المواضيع وشكرا على اقترحاتكم