[موبينيل]

anti ربنا معاكى ويعنيك عليهم دول نعمة من عند الخالقوحافظى عليهم وربنا معاكى احنا كنا اخوات 13 وبعد كدة بقنى 9 والحمد للة وكلنا طلعنى ربنا يخلهملك ويفرحك بيهم انشاء ويعنيك انتى وجوزك علشان الوقت دة مزاى زمان ربنا معاكى

[وردة الامل]

السلام عليكم يا ولاء انا سعيدة بردك لاني كنت قلقة على ابني انشاء الله حقولك على الاخبار السارة و اتمنى لك الاستمرار لانك فعلا بتساعدينا كتير

[leader]

يارييييييييييييييييييييييييييييييييييييييييييييييت

[rabab gamal]

انا كمان شايفه ان الفكرة دى هايله وهتفيدنا كلنا اوقات كتير بنحتاج نفضفض لحد نثق فى رائيه ونصائحه

[لنوشة الدلوعة]

والله الفكرة كتير حلوة وأنا كتير بحاجة لإحكي لحدا عن يلي جواتي وشكرا كتير للموضوع الرائع

[noha15139]

فعلا اقتراح رائع احنا كلنا محتاجين دكتورة نفسية جدا فى اسرع وقت

[halameme]

السلام عليكم
انا اتابع معكم المشاكل الي تعانون منها واحب جدا افكار ويلا والحلول الي تنصح بيها بس عندي تعليق بسيط اذا سمحتوا على مشكلة الزوجة الاولى
من تجربتي ومعرفتي بنفسية الرجل الي قرر يخون ويعطي مشششششششاعرة لامراة اخرى غير زوجتة فصدقوني ما يفيد اي حل الاالطلاق وخلص لا اريد ان اقفل االابوب كما يقولون بس الرجل لما يفكر يخون ويترك كل شي خلفه هذا لايعني وجود تقصير من الزوجة انا اعرف سيدات على قدر عالي من الانوثة والجمال والثقافة والنظافة والاتكيت
وزوجها يخونها .................. يخونها وبس بكل بساطة وبدون اسباب حتى هو لا يجد سببا لخيانته لها
فاتوقع ولو عذرا (ويلا هي المسوؤلة عن ايجاد الحلول واقتراحها)
لكني حبيت احكي عن تجربة شخصية
امامها اما ان تقبل بالامر الواقع وتلغي وجودها كانثى وتعيش لاولادها وبس
او انت تنتفض وتطلب الطلاق وتصر عليه وتجد لنفسها حياة اخرى بعيد عنه
بس بعد ما تدرس النتائج الي رح تترتب على اما بقائها او طلبها للطلاق
والله يعينها ويعين كل امراة تعيش مع رجل تعلم بخيانته

[ملكة الحلم]

السلام عليكم-انا ياجماعة بقيت بحس بالوحدة انا في اولي جامعة وفي امتحانات دلوقتى(ادعولى) لان اصحابي القريبين منى في كليات تانية فمش بنشوف بعض الا ع فترات .والسنين اللي فاتت كنا مع بعض ع طول وخصوصا في الثانوية العامة ومكنش لينا ارتباط بالبيت قوي لاننا يااما في الدرس يااما نايمين يااما بنذاكر في الوقت اللي فيه اهلنا نايمين .وفيالجامعة اتعرفت ع بنات كويسة بس لسا مش اصحاب قوي.وانا من النوع اللي مش بتصاحب ع حد بسرعة.دا في اصحابي اما في البيت حاسة ان مبقاش فيه تفاهم بينى وبين ماما وبابا مش مقدرين حالتيالنفسية وخصوصا اول السنة لانه كان ع ضغط في الكلية لانها كليه عملية .وماما مش فاضية ليا لان ليا اخوات صغيرين بتهتم بيهم.واخويا الكبير كليته مش هنا وبييجي خميس وجمعة.وانا البنت الكبيرة.واختى الاصغر مني اصغر منى بخمس سنين.وانا الفترة اللي فاتت كلها كنت عصبية جدا ومش بستحمل كلمه من اي حد ع الرغم من ان السنوات اللي فاتت بابا وماما كانوا بيقولوا عليا عاقلة وهادية ونسمة البيت.دلوقتي بحس بالوحدة حتى المصيف مش عايزة اروحه لان اخويا مش حييجي معانا وانا مش عاوزة ابقي لوحدى.فمش عارفه اعمل ايه.وماما كل حاجة تقولي اعتمدي ع نفسك طب مش عارفة اسال حد ماليش اخوات بنات كبار واصحابي مش معايا باستمرار وعايزة اهتم بنفسي ومش عارفة اعمل ايه.يااااااااااريت تساعدونى

[wella]

اختي الحبيبه هاله علي فكره مش انا المسؤله عن الحلول لوحدي كلنا هنا بنحاول نلاقي حل لاي واحده عندها مشكله يعني الموضوع مش قاصر عليا اي واحده عندها حل مادام هدفها مصلحه صاحبه المشكله يبقي لازم تشارك بيه وعلي فكره انا مقلتش ان الزوجه الاولي قصرت في حق جوزها انا كنت شايفه انها غلطت لما وافقت تتجوز واحد فرق السن بينها وبينه كبيراوي وكان متجوز قبل كده وطلق يعني كان فيه احتمال انه يكرر نفس الموضوع معاها وكمان مطلبتش مساعده اهلها ووقفت ضدهم عشانه يعني واضح انها عايزه تستمر معاه هو اكيد غلط وجرحها جرح كبير جدا الله اعملم ايه اللي ممكن يداويه بس مش كلنا لما بنواجه مشكله بنبقي عايزين نحلها بنفس الطريقه فيه واحده ممكن تصر علي الطلاق وواحده ممكن ترضي بالوضع ده وواحده ممكن تعتبره تحدي وتعمل المستحيل عشان تحافظ علي بيتها وولادها انا حطيت كل الحلول ادامها وهي طبعا ليها مطلق الحريه انها تختار الحل اللي يناسبها وكل شئ في الاخر قسمه ونصيب وهي الحمد لله دلوقتي بقت احسن وده اللي يهمنا انها تكون مبسوطه ومرتاحه بالطريقه اللي ترضيها هي وربنا يبارك لها في ولادها ويعوض صبرها خير

[boska]

والله فكرة عبقريه بس امتى التنفيذ

[powerey]

نعم أوافق على ترشيح للمنتدى دكتورة نفسيه و هذة فكرة جميله و أيضا نكون سوياً لحل بعض مشكلاتنا الشخصيه و السريه و العاديه
شكراً

[اية سعد]

ياااااااااااااااااااااااااااااااااااااااااااريت

[فتاة مصرية جدا]

لا الله الا الله محمدا رسول الله
يارب يساعد كل وحدة محتاجة المساعدة بجد

[شرين عمر]

ياريت لان الموضوع دة مهم وها يفيد عضوات كتير اوي

[منى2010]

فكرة جميلة جدا

[ملكة الحلم]

هو محدش رد عليا ليه وقالي اعمل ايه ليه

[wella]

معلش انا اسفه جد علي تاخير الرد غصب عني والله ، شوفي يا حبيبتي الاحساس اللي انتي عايشاه ده احساس طبيعي انك تحسي بيه لانك دخلتي علي عالم جديد غريب عنك اسمه عالم الجامعه وشئ طبيعي انك تحسي بالوحده وكلنا لما دخلنا الجامعه حسينا بكده بس الاحساس ده بيتلاشي تدريجيا مع الوقت ، الدنيا دي رحله بنمر فيها بمحطات بنقابل نحس ونفارق ناس نحب ناس ونكره ناس بس مينفعش نوقفها علي حد لان هي دي سنه الحياه وكل واحد ليه ظروفه صحيح ان الانسان كائن اجتماعي بطبعه بس مينفعش نوقف حياتنا علي حد او حاجه عشان الدنيا تمشي وهي بمزاجنا ولا غصب عننا لازم تمشي يبقي تمشي بمزاجنا احسن وخلي بالك الوضع اللي انتي عايشه فيه ده مش انتي لوحدك اللي كده اغلبنا بقينا عايشين بالطريقه دي احنا في وادي واهلنا في وادي وده نتيجه الظروف اللي احنا بقينا عايشين فيها انا مبقلش ان ده صح لا ده غلط طبعا بس انتي مفيش بايدك انك تعملي حاجه غير انك تحاولي تتقبلي الوضع ده صاحبي بنات تانيين في الجامعه بس في نفس الوقت حافظي علي صداقاتك القديمه سافري المصيف عادي وانبسطي غيرك مش لاقي بلكونه يشم فيها هوا الشارع عيشي حياتك اخرجي اتفسحي اضحكي العبي رياضه حاولي تثقفي نفسك خلي جزء من وقتك تساعدي فيه اي حد محتاج زي الايتام مثلا وانتي فاضيه ساعدي ماما في شغل البيت هتكسبي ثواب وهتاخدي خبره عشان بيتك بعد كده وهتراضي امك اتصاحبي علي اختك حتي لو كانت صغيره اخرجو سوا العبو سوا علي فكره لعب العيال اوقات كتير بيبسط اكتر من اي حاجه تانيه وقبل ده كله خليكي قريبه من ربنا دايما بالصلاه والصوم والذكر وعمل الخير وان شاء الله ربنا هيكتبلك كل اللي فيه الخير ليكي لو لقيتي نفسك فاضيه اشغلي نفسك بالاذكار هتكسبي رضا ربنا وهتريحي نفسيتك ومش هتحسي انك فاضيه كمان يا حبيبتي الوضع اللي انتي عايشه فيه ده وضع مؤقت بعد كده هيكون ليكي بيتك وولادك ان شاء الله وهتقدري تشكلي حياتك زي ما انتي عايزه دوري علي اسباب السعاده حواليكي هتلاقي مليون سبب يخليكي سعيده واولها نعم ربنا علينا اللي لا تحصي ولا تعد والعصبيه اللي بقت عندك دي نتيجه احساسك بالضغط ومجرد ما هيزول الاحساس ده هتلاقي نفسك بقيتي هاديه ونفسيتك مرتاحه ربنا يسعد ايامك ويكتبلك كل شئ فيه الخير ليكي ياريت تبقي تطمنيني عليكي وشدي حيلك في الامتحانات وربنا معاكي ويوفقك ان شاء الله

[ملكة الحلم]

مرسي ليك ياولاء وححاول في الاجازة ان شاء الله اشغل نفسي .وعرفت من كلامك مش انا لوحدى في الموضوع دا.وشكرا ليك وان شاء الله نتواصل ع طول

[wella]

دي حاجه تسعدني وتشرفني اهم حاجه ركزي دلوقتي في مذاكرتك وامتحاناتك وان شاء الله ربنا هينجحك بالتقدير اللي يفرح قلبك

[wella]

وعلي فكره انا قلتلك الكلام ده بناء عن تجربه شخصيه واللي نصحتك بيه هو اللي عملته فعلا ودلوقتي مش بلاقي وقت فاضي خالص حبيت اللي حواليا كلهم ومبقتش استني حاجه من حد بستني من ربنا وبس ومبحطش اللي بيعمله الناس في دماغي عشان متخنقش وبحاول اساعد اللي حواليا علي اد ما ربنا يقدرني وسبحان الله ربنا بيرزقني باللي بيحاولو يعملو اي حاجه عشان يسعدوني والحمد لله انا راضيه بحياتي كده وفي نفس الوقت اتعلمت من الاخطاء اللي عانيت منها في بيتنا عشان ان شاء الله استفيد منها في بيتي مع ولادي جربي اللي نصحتك بيه وصدقيني ان شاء الله مش هتندمي