|
رد: ادخلو دكتوره نفسيه هنا
wella بصي يا قمر انا بجد بجد بدور علي دكتور نفسي من فترة ولما لقيتك بقيت زي الغريق اللي متعلق بقشاية ويارب تنجديني وتجاوبيني
انا كنت مخطوبة لواحد من سنتين وكنت مش بحبة بس كان هو الهوا اللي بتنفسة واتغيرت عشانة كتير جدا بقيت من واحدة مش بتسمع غير لنفسها بس لواحدة تانية بتسمع كلامة وبتخاف علي زعلة وبعمل اي حاجة ترضية حتي لو مش مقتنعة بيها الانسان دة في الاول حسسني اني اهم واحدة في دنيتة بس بعد كام شهر اتغير جدا جدا بقي حد تاني وبقيت بحس اني حمل علية ولما كنت ابعد عنة كان يرجع تاني زي الطفل يقولي متسبينيش انا محتجلك ورغم كدة كان بيعرف بنات وكان كمان حب واحدة واتوفت وكان بيحكيلي عليها ديما طبعا كنت بتخنق جدا طب هي اتوفت انا عايشة المفروض خلاص حب وارتبط ابقي انا اللي بشغل بالة ورغم كدة مكنتش ببينلة دة وكنت بسمعة ديما وانا بتحرق من جوايا المهم انة جة بعد ما بقينا مخطوبين بقالنا سنة بدل ما يقولي كل سنة وانتي معايا يا حبيبتي جة يقولي انا بحب واحدة تانية ومش حقدر اكمل معاكي ساعتها بجد الدنيا اسودت في عيني وثقتي في كل حاجة حواليا اتهزت..... لا انعدمت خالص,كرهت كل الناس وعشت في حالة بجد الموت ارحم منها كتير ازاي طيب بعد ما استحملت وحبيت واديت كل اللي عندي يحصلي دة ,ازاي يسيبني عشان واحدة تانية عمرها ما حتحبة ولا تفهمة ولا تستحملة زي ما انا عملت,قررت اكرة كل الناس مش الرجالة بس بقيت بعامل اي واحد يجي يقرب مني معاملة وحشة جدا والاغرب اني مدمعتش دمعة واحدة حاولت ابين اني قوية جدا وانا من جواية مكسورة وضعيفة ,وعشت معرفش عشت ازاي من غيرة بس عشت ,للحق منستوش يوم معرفتش احب غيرة,حاولت مرة بس كانت النتيجة اني جرحت الانسان اللي حالوت احبة وقلتلة اني لسة بحب خطيبي الاول,وسبحان اللي فاتت سنة وحنا سايبيين بعض بالظبط سنة ولقيت واحد جي بيكلمني ,الواحد دة يبقي صاحبة قالي ان اللي كان خطيبي عاوز يرجع تاني ومستعد يعمل اي حاجة عشان يرضيني,طبعا قلت لا ومليون لا كمان,وفضل يضغط عليا ويخلي ناس تكلمني شهر كامل,وفي الاخر قلتلهم لو بابا وافق انا بعدها حفكر,بابا طبعا قال لا ومش ممكن ومش حيدخل بيتي تاني وجة سالني اذا كنت عاوزاة ولا لاء,ساعتها بجد اتاكدت اني فعلا لسة بحبة لاني لو مكنتش بحبة كنت قلت لا بسهولة,بس انا قلت اة,ولما رجعنا تاني قالي انة كان بيعمل المستحيل عشان يكرهني فية ويبعدني عنة لان ظروفة كانت وحشة ومكنش عاوز يظلمني معاة ,وانة منسانيش يوم واحد ولما ظروفة اتحسنت شوية رجع تاني عشان يبقي معايا ...... دة اللي حصل
المشكلة بقي في اني بقيت بشك فية في كل حاجة بيعملها في كل كلمة مستنية منة الخيانة في اي لحظة مش بصدق اي حاجة يقولها مش مصدقة حتي عذرة في انة بعد عني وهو مستحمل كل دة عشان مظلموش بس انا مش عارفة اتاكد ازاي انة خلاص مش ناوي يجرحني تاني كل ما اكلمة بقولة حتسيبني تاني يقولي لا طول ما فيا نفس مش حسيبك
هو حاسس اني متغيرة مش البنت اللي حبها زمان وطلب مني اثق فية المرة دي
بس انا مش عارفة اعمل اية ارجوكي ساعديني عاوزة ارجع اثق فية تاني واثق في الناس لاني كدة تعبانة اكتر ما بتعبة ولا بتعب اي حد
اة وحاجة كمان ازاي اقدر انسية البنت اللي حبها زمان واتوفت
انا اسفة اني طولت بس انا حبيت احكيلك التفاصيل عشان تقدري تساعديني
|
omyma