تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
الاول ميرسي اوي لبنوة شيك وبالنسبة للسؤال عن بوسة ولا حاجة متخافيش مش بيحصل ولا حيحصل
اما بالسبة لسؤال ويلا ازاي مش بحبة وبقي الهوا اللي بتنفسة انا اقصد اني مش بس بحبة لا دة كل حاجة في حياتي ,وسؤالك التاني ازاي خلاني افقد الثقة في اللي حواليا وازاي قدرت ارجعلة انا قلتلك لاني لسة بحبة وطول السنة اللي بعد عني فيها مقدرتش لا انساة ولا افكر في حد تاني غيرة
لو فية اي استفسار تاني ياريت لاني بجد محتاجة حد يساعدني ويقولي ازاي اعرف اثق فية تاني وازاي اتاكد اساسا اذا كان هو يستاهل اثق فية تاني ولا لاء
السلام عليكم
والله الواحد بجد محتاج قوى حد يتكلم ويفضفض معاه
انا مشكلتى بكل بساطه انى معيدة فى كلية الصيدلة طبعا هتقولوا وهى دى مشكلة؟؟؟؟؟؟
لا هى مشكلة لان كل اللى بيتقدمولى للخطوبة مش بيدوروا غير على واحدة صيدلانية وياريت تكون معيدة فى الجامعة مفيش حد بيجيلى لانه عايزواحدة على خلق او ذات دين او حد يدور على واحدةيحس انها تكون نصه التانى بجد
لا كلهم بيدوروا على مصالحهم بس مش مهم الاحساس والحب اوحتى التوافق النفسى
قولولى اتصرف ازاى واحكم على الناس ازاى
ماما متضايقة لانى بارفض الناس لهذا السبب
احب اقولكم انى كنت بحب واحد زمان صيدلى زيى بس اهلى رفضوه لانه اقل مننا اجتماعيا
اهلا وسهلا بيكى فى منتدانا الجميل دا وطبعا كلنا نساعد بعض ونستفيد من خبرتنا حتى ولو كانت صغيره
ويارب بنوتك تقوم لك بسلامه وبنوتك التانيه توصل بسلامه ونقول لها كلنا حمدالله على السلامه متنسيش تسلملنا عليها see u
اصعب الم يواجة الانسان هو الالم النفس
مجتمعنا الشرقى لا يعترف بهذا النوع من الالم فلذلك يخشى المريض من الذهاب الى الطبيب وهو يعانى الكثيربسبب نظرة المجتمع لة
هذة خطوة جريئة اتمنى تنفيذها فى اسرع وقت
انا واللة اول مريضة محتاجة لهذةالدكتورة النفسية وتحياتى لكم
الاول يارب يشفي كل حد مريض او تعبان ويرد كل حد بعيد عن اهلة والناس اللي بيحبهم وبيحبوهم بالسلامة ليهم
بالنسبة ليكي يا بطوطة افتكر ان مشكلتك زي مشكلتي ازمة ثقة في الناس ودي انا حقيقي مش حقدر اساعدك فيها والا كنت نصحت نفسي الاول
بس حسالك علي سؤال انتي فين ثقتك في نفسك ؟,لية مش شايفة في نفسك حاجة تستاهل ان اي حد من اللي بيتقدمولك يكون بيتقدملك عشان انتي من جواكي جميلة
عارفة اقولك علي نصيحة انا جربتها بنفسي ونتيجتها مضمونة جدا شوفي نفسك حلوة وجميلة وحسي بقيمة نفسك اوي وانسي انك دكتورة صيدلانية وانسي الشكليات دي انسيها حتي في تعاملك مع اللي حواليكي اة حسي بجمالك الداخلي والخارجي بس في نفس الوقت احتفظي بالبساطة وحتلاقي مليون حد يتمني يقرب منك عشان شخصك مش عشان مركزك ولا مستوي تعليمك,فكري كدة بينك وبين نفسك طب مش يمكن الغلط من عندك مش يمكن انتي باسلوب تعاملك مع الناس بتبيني ليهم انك مش حتقبلي غير بمستوي معين للشخص اللي حترتبطي بية
ملخص نصيحتي ليكي انك تحسي اوي اوي اوي بنفسك والاهم ان دة ميخرجش عن اطار البساطة بيني رقة وجمال البنت اللي جواكي وانسي ان تعليمك بدرجة كذا ولا انتي من الطبقة كذا
يارب اكون افدتك رغم اني مش متخصصة ولا اعرف كتير عنك غير اللي انتي حكتية
ولو مكنتش صح ارجوكي متزعليش مني انا بس حاولت افكر معاكي واساعدك
انا بعتذر للجميع عن تأخير الردود بس والله العظيم غصب مش اهمال مني ده بسبب الامتحانات ادعولي والنبي امتحانات الدبلومه بتبقي رخمه اوي
بس انا اوعدكم اني هحاول متأخرش عليكم علي اد ما اقدر
ممكن اسالك يا بطوطه ايه اللي مخليكي فاكره ان كل حد بيتقدم ليكي بيتقدم عشان شهادتك وبس
بصي انا عيزاكي تطلعي كل اللي جواكي كلنا هنا اخواتك هنسمعك وهنحاول نساعدك علي اد ما ربنا يقدرنا بس انتي اتكلمي براحتك
هو الاول قبل ما ننفصل كان بيعرف بنات ولما كنت بتكلم معاة كان بيقولي انة مش بيحب غيري بس انفصلنا ومن يوم ما رجعنا تاني وهو بجد مفيش في حياتة غيري بس انا اتاكد ازاي انة مش ناوي يعرف بنات تانيين بعد كدة انا عارفة انة مش بيبقي حب بس بيتسلي بس انا مش ناوية اقبل دة علي نفسي تاني هو اة مفيش دلوقت في حياتة واحدة غيري اة عندة اصحاب بنات بس في اطار الصداقة وانا عرفاهم كلهم بس انا عاوزة اعرف ازاي اتاكد انة مش ناوي بعد كدة يتسلي مع اي واحدة
بصي يا حبيبتي اولا انتي لما تتغيري للاحسن ده ليكي مش لحد تاني يعني المفروض انك بتتغيري عشان نفسك مش عشان خطيبك
ثانيا انا بحييكي علي اخلاقك العاليه وتمسكك بدينك واخلاقك خطيبك ده لحد ما يتكتب كتابكم ادام ربنا انسان غريب عليكي مش من حقه يمس شعره منك وهو ده الصح
ثالثا مفيش حاجه اسمها صداقه بين ولد وبنت احنا مش هنضحك علي بعض بدليل اوقات كتير الصداقه دي بتقلب بحب يعني المفروض انه يقفل الصفحه دي من حياته خالص هو واضح انه كان متردد في مشاعره وكان محتاج يبعد شويه عشان يتاكد من مشاعره ناحيتك ولما اتاكد منها رجعلك تاني وهو مفيش حاجه تجبره علي انه يرجعلك غير انه بيحبك وعايز يستمر معاكي وكمان الحب بيبان في كل حاجه الواحد بيعملها الكلام والافعال وده اهم وانتي مينفعش كل حاجه يعوزها تعمليها حتي لو مش مقتنعه انتي كده بتلغي شخصيتك ووجودك ادامه وهو عمره ما يكون عايز واحد تقوله حاضر ونعم وبس علي كده يروح يحب نفسه في المرايا ويتجوز صدي صوته مينفعش الكلام ده اتكلمي وقولي رايك بالادب والاحترام اتناقشوا في الكلام بهدوء لان هو ده الصح وبالنسبه للانسانه اللي كان بيحبها قبل كده مينفعش تغيري من واحده ميته دي انسانه في رحمه ربنا دلوقتي واللي هو فيه ده هياخد وقته وانتي تقدري تنسيه كل اللي فات بالحب والحنان والاهتمام والاخلاص بس كل شئ بياخد وقته ومتنسيش دي مشاعر انسان لازم تقدريها ومتنسيش انه في النهايه اختارك انتي يعني عايزك انتي مش حد تاني ولو هو مكنش قادر يتخطي الازمه دي مكنش خطبك ولا اتكلم معاكي عنها اديله فرصه وشوفي تصرفاته ده احنا بنحس بحب اللي بيحبونا واخلاصهم حتي لو كانوا في بلد تانيه وهو ادام عينيكي وعايز يفتح صفحه جديده معاكي ابدءوها بما يرضي الله عشان ربنا يباركلكم واهم حاجه من كلامي ده كله صلي صلاه الاستخاره اكتر من مره واكيد ربنا هيكتب لك اللي فيه الخير
اتمني اكون قدرت افيدك واسفه جدا اني اخرت ردي عليكي وتحت امرك وقت ماتحبي وياريت تبقي تطمنيني عليكي
