تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
الله يا wella كلامك لا غبار عليه
أنا بحاول اتقرب من صديقات بنتي وما برفض زيارتهم بس هي مزاجيه يعني ممكن الصديقه الحميمه في أول السنه تتغير
وبعدين كيف بدي عاملها لما بتغلط علي؟ البارحه كلمتني كلام خارج عن نطاق الادب بين أم وبنتها ما بيخرج هكذا كلام وسكتت لأني إذا قمت عاقبها بالضرب يمكن كسرت شي ضلع فيها
لا تقولي أحرمها من حاجه بتحبها
ماهي الطريقه يلي بدي حسسها أنها مذنبة وأنها تتأسف أو تعتذر
وايه اللي وصلكم للمرحله دي ازاي تسكتي علي اهانتها ليكي هي كدة من زمان ولا لما كبرت مجربتيش تتكلمي معاها بس هو اكيد صورتك مهزوزة ادامها يمكن من سكوتك علي اخطائها المتكرر بس هي اكيد في حاجه بتفرق معاها حاولي تفكري شويه اكيد هتوصلي
بالعكس ما بسكت على اغلاطها ودائما بنبهها بس هي صعبة
مره اتخانقت مع معلمتها في المدرسه وصارت تقول أن هي كلامها بيتنفذ حتى زعلت المعلهم
بتعرفي؟ الحق على أبوها لما كانت صغيره يقول لا تضربيها ولما كبرت بيقول أضربيها
أنا تعباااااااااااااااااانه
هاى مروشكا على فكرة عندى اختى نفس المشكله فى بنتها قليله الادب فى الكلام معاها ومبتحترمهاش اما م حد وترد عليها وعلى فكرة اختى برده بتضربها من وهى صغيرة اعتقد ان ده اثرعليها بس هى فترة لان حاليا بدات تكبر وتفهم وهى من نفس سن بنتك وهى فترة وهتعدى متخفيش
حبيبتي مروشكا واضح جدا ان فيه اختلاف كبير في اسلوب التربيه بينك وبين ابوها لازم تحاولي تعالجي الاختلاف ده الاول بينه وبينك عشان الاختلاف دة بيخلي البنت في حاله تشتت مش عارفه مين فيكم الصح ومين الغلط وفي الاخر بتعمل اللي هي عيزاه انتوا ابسط حاجه ممكن تعملوها لما تغلط فيكي بالشكل ده كل اللي في البيت يخاصمها وتعرفوها انكم بتعملو كدة عشان هي غلطت في مامتها العمود اللي البيت مبني علي اساسه لان الانسان بطبيعته مرتبط بالجماعه وميقدرش يبعد عنها كمان لو هي بتحرجك ادام الناس ممكن انتي تعملي معاها نفس الموقف عشان تعرف اد ايه هي بتجرحك بس يكون زي اللي عملته فيكي وبعدين تعرفيها انها لما تجرح الناس برضه هتلاقي اللي يجرحها ولما تحافظ علي مشاعر الناس هتلاقي برضه اللي هيحافظ علي مشاعرها وحاولي تفتحي معاها صفحه جديدة بالحب والود والاحترام وقوليلها خليها تجرب يمكن الوضع ده يعجبها وخلي ايدك ممدودة ليها دايما مهما حصل دي مهما كانت برضه بنتك ربنا يخليها ويهديها وانا هتابع معاكي باستمرار بس انتي ابدئي وتوكلي علي الله
انا الحمدلله ويلا اشكرك على اهتمامك بس انا مش قادرة اديله حب او اى مشاعر الجرح جوايا عميق جدا بجد وهو مبيحولش انه يهتم بمشاعرى وقلتله ميه مرة اهتم بيا شويه بس هى خلاص انتهت انا مصممه على الطلاق بس خايفة من المواجهه وهى عمليه وقت مش اكتر .
ليه الاستسلام والتشاؤم دة وانتي لسه مدخلتيش المعركة من اصله هتسيبي واحده تانيه تخرب بيتك من غير ما تدافعي عنه انا عارفه ان الجرح والالم اللي جواكي صعب جدا وبجد ربنا يكون في عونك بس معلش انا كنت عيزاكي بس تحاولي عشان تحافظي علي بيتك وبعدين ابقي خدي حقك علي راحتك ومتزعليش مني انتي كان ليكي دور في اللي حصل المفروض كنتي اول ما تحسي بتغير في جوزك كنتي تتصرفي علي طول واول ما عرفتي انه اتجوز عليكي كنتي لجأتي لاهلك عشان يتصرفوا معاه بس اللي حصل حصل خلاص المهم نتعلم من اخطاءنا صدقيني الرجاله دول زي الاطفال بيبقوا محتاجين دايما للحب والرعايه والاهتمام ومفيش طفل امه بتقوله حاضر ونعم علي طول معلش حاولي وجربي عشان خاطر بيتك وولادك وانتي بتقولي انه كان بيحبك وبيعامل الولاد كويس اوي يعني ممكن يكون اللي هو فيه ده نزوة غبيه محتاج حد يفوقو منها وصدقيني محدش يقدر يعمل ده غيرك انتي ثقي بنفسك وبقدرتك وانتي هتعملي المستحيل الراجل ملوش غير المكان اللي بيحس فيه بالراحه والحب والاهتمام انا عارفه انه غلطان وانه جرحك جرح كبير اوي بس ده بيتك ومملكتك انتي اللي لازم تدافعي عنه بكل اسلحتك واكتر حاجه هتهديكي للصح هي صلاه الاستخاره ادعي ربنا لو ليكي انتي وولادك خير فيه يقربكم منه ويقربه منكم ولو ليكم شر فيه يبعده عنكم ويبعدكم عنه ويعوضكم خير وربنا ان شاء الله هيريحك ويهديكي للطريق الصح لو حسيتي براحه جربي اللي قلت لك عليه وصدقيني مش هتندمي اما لو فضلتي مصممه خلاص اعملي اللي يريحك وربنا يكتب لك اللي فيه الخير وبالله عليكي فكري في كلامي كويس اوي قبل ما تاخدي اي قرار وياريت تطمنيني عليكي باستمرار
وعلي فكرة ياريت متطلبيش منه انه يهتم بيكي ومتتكلميش معاه خالص في موضوع مراته التانيه هو لوحده لما يلاحظ انك متغيره في معاملتك معاه للاحسن ومبتزنيش علي دماغه ومش عايزه حاجه منه هيتجنن عشان يرضيكي واتمني من كل قلبي ربنا يحل مشكلتك في اقرب وقت
