هام: من فضلك اذا كانت عندك اي مشكلة فاكتبي موضوعا في قسم الشكاوى او راسلي اي مشرفة، سيتم ايقاف الاشتراك عند اي تجاوز!
هام: الرجاء تجاهل اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
هام:
اذا وصلتك اي رسالة خاصة من عضوة تعرض عليك بضائع للبيع فراسلي اي مشرفة او مراقبة منتدى فورا و ارسلي لها نسخة من الرسالة و اسم العضوة.
مفيش حاجة بتحصل بس انا قليل لما
بضحك بحب الوحدة جدااااااااااااااااااااااا
وفى ناس تشوفنى بحس انك معقدة هو
يعنى مش هبقى معقدة الا لما اضحك
فى اى مكان ولا ى سبب او من غير سبب
بجد محتارة فى الناس كلها
حبيبتي رضا الناس غايه لا تنال ولو فضلنا نقول فلان شايف وفلانه شايفه مش هنخلص اهم حاجه ان الانسان يرضي ربنا ويراعيه في كل تصرفاته واكيد انتي عارفه ان تبسمك في وجه اخيك صدقه وربنا سبحانه وتعالي بيربي لنا الصدقات لحد ما تبقي جبال يعني انتي لما تبتسمي في وش اللي ادامك اولا هتكسبي ثواب ثانيا هتسيبي انطباع جميل عنك عند الناس كمان الانسان لما بيبتسم او بيضحك بتتحول الابتسامه او الضحكه من مجرد تعبيرات وجهيه الي احساس بيغمره بالسعاده كمان انتي مش معقده ولا حاجه بعد الشر عليكي انتي بس ممكن تكون عندك شويه مشاكل واحنا ان شاء الله هنحاول نحلها سوا وعلي فكره مش صح ابدا انك تحبي تكوني لوحدك لان الانسان كائن اجتماعي بطبعه اندمجي مع الناس ودوبي فيهم هتلاقي ناس كتيرعندها مشاكل ممكن تكون اصعب منك فيهون عليكي او ممكن تكون اقل منك فتقدري تساعديهم هتحسي بفرحهم واحزانهم وهما هيحسوا بفرحك واحزانك
مروشكا فينك ايه الاخبار معلش فيه حاجه نسيت اقولهالك حاولي تركزي شويه برضه علي الجوانب الايجابيه في بنتك لان ده هيخليها تحس ان فيها حاجات برضه كويسه وانك بتشوفي حاجات كويسه فيها وشجعيها لما تعمل حاجات كويسه وهي بكده هتحاول ان شاء الله ترضيكي لانها هتحس ان الموضوع متوقف عليها وعلي حسن تصرفها
صدقينى ياويلا انا عملت بالكلام الاقولتيه ده كتير بس هو الا اتغير وبهتم بنفسى وبيتى بس كل ماتقرب منه مش شايفة من ناحيته حاجه ولو فيا حاجه جديده لازم الفت انتباه ثم هو اختار وقالها ان لو فكر فى طلاق يبقى انا الاولى بالطلاق يعنى هنت عليه خالص يبقى اعيش معاه ليه . انا كل ده مستحمله علشان البنات بس خلاص بعد الا قاله جرحنى اكتر واكتر لان فعلا انا معملتش حاجه لكل الاعمله فيا
ليه كده اكيد عدم حبك للضحك وراه حاجه ومتزعليش مني لما تكشري في وش اللي ادامك محدش هيحب يتعامل معاكي كمان انتي لما تضحكي في وش الناس هما هيضحكو في وشك كمان انتي مش هتخسري حاجه لما هتعملي كدة بالعكس انتي الكسبانه قبل ما نفكر نرمي اللوم علي الناس لازم نشو هما بيعملو معانا كدة ليه كمان انتي بتحبي الرسم يعني مشاعرك رقيقه ايه اللي يخلي واحد زيك تحب الوحدة وعدم الضحك
معلش يا حبيبتي ده ابتلاء من ربنا ارجوكي جربي ولو لاخر مره مش هتخسري حاجه انتي الكسبانه لو جاب نتيجه هتكسبي بيتك ولو ما جبش نتيجه هو اللي خسران وربنا معاكي
حبيبتي تتكسفي ليه ومن ايه هما الناس هيعلقولك المشنقه يعني انا مقلتش اضحكي عمال علي بطال بس علي الاقل قابلي الناس بابتسامه صدقيني انتي لو ابتسمي بقلبك هتتنقل لوجهك ولو ابتسمتي بوجهك هتتنقل لقلبك وهتسيبي اعظم واجمل اثر عند الناس احنا اغلب الحاجات اللي بتأثر فينا اغلبها حاجات صغيره كلمه شكرا اسف بحبك وحشتيني كلها حاجات بسيطه ومبتكلفش حاجه بس بتسيب فينا اكبر اثر وليها علينا مفعول السحر وبتنقلنا من حال لحال الابتسامه كده برضه حاجه بسيطه وصغيره بس معناها وتأثيرها كبير اوي
علي فكرة انتي لو مش بتحبيه مكنتيش اتجرحتي منه ومكنتيش اتكلمتي في الموضوع ده من الاول صدقيني هو لسه جواه حاجه ليكي لانك لو مش فارقه معاه كان سابك من زمان ومكنش هامه حاجه هو بس محتاج حد يشيل له الغشاوة اللي علي عينيه وانتي لوحدك اللي هتقدري تعملي كدة اقري الكلام اللي قلته كله وفكري تاني ده مش قرار سهل
انا بقا مشكلة ابنى غريبه طول
عندوا سنه و3 شهور وعصبى جدا ولو عملتوا اي حاجه يخبط رائسه فى الحيط او يرمىنفسه على الارض راسه حمرا من كتر الخبط فى الحيط
انا بعترف انى عصبيه بس عمرى ما خبط راسى فى الحيطه علشان يقلدنى
وعلى فكره احنا فى غربه يعنى بعيدعن اهلنا ومفيش حد جنبه
ومعندوش اخوات هواول طفل لى
يارب تقوليلى اعمل ايه
تفاصيل لقاء عيد ميلاد فتكات في الموضوع ده:
