[جيهان 2008]

حد يرد عليه أنا بعيط أوى أوى مشعارفة كل أما أسكت إلقى عينى دمعت ياريت تسعدونى أو لو عندكم دعاء أقرائه كل شويه أتصل بخالتى وبعيط فى التليفون بس بعد كتمه لحد أما أخلص مكالمه

[crazy_tota]

انشاءالله يا جيهان حيوصولا بالسلامة واتمنيلهم الخير في حياتهم الجديدة وبكرة حتنشغلي انتي كمان في حياتك حتاخدي وقت شوية بس انشاءالله حتقدري

[جيهان 2008]

حد يرد عليه أرجوكم

[crazy_tota]

اة يا جيهني ممكن تدعي وتقولي لا اله الا انت سبحانك اني كنت من الظالمين ولا اقولك قومي اتوضي وصلي ركعتين واقري شوية في المصحف وادعيلهم ربنا يحفظهم

[جيهان 2008]

أنا بعيط أوى بجد شكرا يا توتا بس أنا خايفة إهئ إهئ

[crazy_tota]

هو انتوا ساكتين يا بنات ولا انا اللي مش شايفة انكم بتتكلموا ولا اية بالظبط
اكنش مت وانا فكراني حية

[جيهان 2008]

طيب هقوم أتوضى وأصلى

[crazy_tota]

متقلقيش يا جي جي قلقك دة بس عشان انتي بتحبيهم اوي بس انشاءالله حيكونوا بخير وسلامة

[crazy_tota]

قومي وانشاءالله خير

[crazy_tota]

لا بجد هو انتوا فين كدة انا حتجنن حد يرد

[wella]

اختي جيهان
الاحساس بالحزن نتيجه فراق الناس اللي بنحبهم ده شئ طبيعي وانتي واضح من كلامك انك انسانه رقيقه ومحبه ومخلصه
انتي عارفه ان الحمد لله ان البعد ده لفتره مؤقته
يعني ان شاء الله هتتجمعوا وتتقابلوا تاني بدل ماتعيطي ومتناميش ادعيلهم يوصلوا بالسلامه وانكم تتقابلوا قريب ان شاء الله علي خير
كمان هما استحاله يكونوا فرحانين بالحاله السيئه اللي انتي فيها دي لان اللي بيحب حد بيحب يشوفه دايما مبسوط وفرحان
وانتي ممكن تبقي تتصلي بيهم من وقت للتاني وتتطمني عليهم الحمد لله الموبايلات بتقرب المسافات
وانتي ان شاء الله حالتك هتتحسن مع الوقت ان شاء الله لان من رحمه ربنا بينا ان كل يوم بيعدي علي وجعنا والمنا بيقلل من عمره
وكل ماتحسي انك متضايقه قومي اتوضي وصلي علي طول هترتاحي اوي ان شاء الله وهتكوني احسن
وبدل ماتفكري في اللحظه اللي افترقتوا فيها فكري في اللحظه اللي هتتجمعوا فيها من تاني قريب ان شاء الله
خلي عندك امل واحسني دايما الظن بربنا ومتنسيش ربنا قال "انا عند حسن ظن عبدي بي"
ان شاء الله يوصلوا بالسلامه وتتقابلوا قريب

[جيهان 2008]

يسمع من فمكم ربنا ياااااااارب

[crazy_tota]

بنوتة ولاء سهام بوسي ازيكم عاملين اية
ومستنية ردكم علي سؤالي

[جيهان 2008]

الحمد لله صليت

[wella]

بعد الشر عليكي ياتوتا
ان شاء الله نفرح بيكي قريب
انا كنت عايزه اسألك هو خطيبك امكانياته وظروفه عموما شكلها ايه
وهو ازاي لسه بيدرس لحد دلوقتي هو اصغر منك ولا ايه؟؟؟

[crazy_tota]

تقبل الله يا جيهان وانشاءالله تكوني هديتي دلوقت وانشاءالله حيبقوا تمام

[wella]

عامله ايه دلوقتي ياجي جي يارب تكوني بقيتي احسن

[جيهان 2008]

يااااااااااااااااااااارب

[crazy_tota]

لا يا ولاء هو مش اصغر هو حقولك ايام جة في فترة باباة كان تعبان وبعدين اتوفي فا في الفترة دي كان وقعلة سنتين تلاتة وهو دلوقت في سنة تالتة
اما بلنسبة لامكانياتة هو عندة شقة وبيشتغل في الصيف والمفروض كمان ان عمة حيجيبلة شغل كويس انشاءالله في بنك بس اول ما يخلص امتحانات
ومعاة مبلغ كويس حيعمل بية مشروع