تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
ميرسى أناكلمت خالتى وهى هتركب العبارة وكلمت عيال خالتى الحمد لله هما بخيير أنا كل أما أحس إنى عايزة أفضفض أجى هنا وأحكيلكم علشان أنا من النوع المبيحبش يكتم إلى مزعله
اة ادعولي انا بالذات اتخلص من داء العصبية دة كلة بيقولي اني مش حتخن الا لما ابطل عصبية
بجد العصبية من واحدة خبرة فيها حاجة متعبة ومش بتتعب الا صاحبها
ربنا يشفيني كل حد مريض بيها
معلش يابثينه اسمحيلي اقولك انه مينفعش نفسر مشكله بيعاني منها انسان علي اساس بيولوجي بحت لان كل مشكله بتبقي محكومه بظروفها اللي حصلت فيها انا معاكي ان المراه بتكون المشاعر عندها هي اللي بتسيطر عليها بس اللي حصل لاميره ده كان نتيجه طبيعيه لفقدان امها رحمها الله مش بسبب مشكله هرمونات لاقدر الله
وانا اقدر اقولك من علاقتي بيها انها من اكتر الناس رقه وحنان اللي اتعاملت معاهم
ياسلام احنا تحت امرك يا جي جي في اي وقت
احنا كلنا هنا اخوات وبنات جدعان اوي
اي حاجه شغلاكي او تعباكي تعالي واتكلمي براحتك معانا
ومتنسيش بقي ابقي طمنينا عليكي
أنا والله حبيتك أوى يا ولاء قلبى إنفتحلك أنا سعات مبلقيش حد أتكلم معاه وأفضفضله بكتب فى ورق وأشكى وأكتب وبعدين أرمى الورقة والله بخاف حد يشوفها يقولوا عليه مجنونه وأناعارفة إن كلكم جدعين وإنتوا إخواتى مش صح
اكيد طبعا كلنا اخواتك ده انتي تنورينا في اي وقت
وان شاء لله لو احتاجتي تتكلمي في اي حاجه في اي وقت هتلاقينا كلنا معاكي
ايا كان اللي جواكي بسيط اوصغير احنا ان شاء الله هنقدره ونفهمه واستحاله نسخر منك او من غيرك متخافيش وبدل ما تكتبي وتقطعي اللي بتكتبيه تعالي اتكلمي معانا علي الاقل هتلاقي حد يحس بيكي ويشاركك تعبك
ربنا يديم محبتنا في الله ويكتبلك اللي فيه الخير دايما
