هام: من فضلك اذا كانت عندك اي مشكلة فاكتبي موضوعا في قسم الشكاوى او راسلي اي مشرفة، سيتم ايقاف الاشتراك عند اي تجاوز!
هام: الرجاء تجاهل اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
هام:
اذا وصلتك اي رسالة خاصة من عضوة تعرض عليك بضائع للبيع فراسلي اي مشرفة او مراقبة منتدى فورا و ارسلي لها نسخة من الرسالة و اسم العضوة.
خلاص يا حبيبتي مادام وصلت الامور للدرجه دي بلاش تضغطي علي نفسك اكتر من كدة وملكيش دعوه بحد الناس مش هيقدروا يعملو ليكي حاجه وانتي تعبانه في حياتك اعملي اللي انتي شايفه انه فيه راحتك ومصلحتك انتي وبناتك واتمني من قلبي ربنا يهديكي للطريق اللي فيه الخير ليكي
سلام الله عليكم ورحمته وبركاته اخواتي كل الل شاركوني بآرائهم والمتابعات علشان منساش اي حد ويزعل مني جزاكم الله كل خير والله انا استفادت برايكم في مشكلة ابني وه اعمل زي ماقلتولي ........لا انا بدات فعلا انا وباباه وهو الحمد لله متعاون معاية علي اد ما بيقدر لظروف العمل معلش بقي فيه حاجة تانية انا عايزة اتكلم معاه بخصوص سامحوني في اللفظ <التحرش الجنسي >بالفاظ سهلة يفهمها وانا متحرجش وانا باكلمه انا بدات افهمه ان جسمنا امانة ربنا اعطاها لنا لازم نحافظ عليها ده اللي قدرت عليه ......شكر ا لكن جميعا
انا متشكره جدا علي ثقتكم الغاليه فيا واتمني اني اكون استاهلها ومخيبش ظنكم فيا وبأكد تاني الموضوع ده مش قاصر علي فرد معين لازم كلنا نشترك فيه اللي عندها اضافه راي او نصيحه او حتي مجرد مشاركه وجدانيه لصاحبه المشكله ياريت متبخلش بيها علينا كلنا لما بنبقي تعبانين بنكون محتاجين لو حد بس يحس بينا ويشاركنا اوجاعنا ومتهئيلي ان الموضوع ده هيساعدنا علي كده ان شاء الله
انتي ممكن تقومي بالمهمه دي بدون استخدام الفاظ غربيه عليه اولا لازم تعرفيه ان كل واحد ليه جسمه اللي هو ملكه و مينفعش اي حد يشوفه ويقرب منه ويلمسه كده من غير حساب خصوصا الناس الغريبه ، ثانيا لازم تعوديه انه يقفل الباب وهو بيغير هدومه ولو فيه حد بيساعده يبقو اشخاص محددين زي الاب والام ميتغيروش ولما يدخل الحمام يقفل الباب ولما يقضي حاجته يكون في الحمام وبس لان فيه صبيان كتير بيستسهلوا ويقضوا حاجتهم في اي حته كل الممارسات دي هتخليه يعرف ان جسمه ليه خصوصيه ممنوع الاقتراب منها كمان نهيه عن اللعب باعضاءه ومتخليهوش يشوف اي منظر خارج في التليفزيون او الحقيقه لان فيه ناس كتير ممكن تغير هدومها او تستحمي وغيره امام الاطفال بحجه انهم مش فاهمين وده مش صح طبعا ، بالاضافه لتحذيره من الذهاب للاماكن الخاليه من الناس والكلام مع الناس الغريبه وحاولي دايما تخليه تحت عنيكي من غير ما تحسسيه انك بتراقبيه وياريت وهو خارج من البيت تحطي ايدك علي راسه وتقولي " استودعتك الله الذي لا تضيع ودائعه " وان شاء الله ربنا هيحفظه واهم حاجه تعوديه علي الصلاه والقراءن وخلي والده ياخده معاه الجامع عشان تغرسي جواه الدين من الصغر وده اكبر حامي ليه من اي شر
والله ياويللا بصدق احنا بنعمل كده فعلا ويمكن سفرنا للسعودية قربنا من ربنا كتير وعرفنا حاجات كنا غافلين عنها الحمد لله ادينا فريضة الحج وعملنا كذا عمرة ربنا يكتبهالكم جميعا واحنا فعلا احضرنا محفظ للقرآن لهم في البيت وماشاء الله عبودي في الجزء الثالث الحمد لله من الناحية الدينية احنا معاه هو واخوه من نفسه يسمعو الآذان يصلو حتي لو باباهم مش موجود في البيت ربنا يحفظ هم لي ويحميهم وانا نفس اتواصل معاكي لما انزل مصر في الاجازة انشاؤ الله انا من القاهرة من منطقة شعبية <المطرية>لو تسمعي عنها وجزاكي الله كل خير حبيبة قلوبنا كلنا جعله الله في ميزان حسناتم
يسلم ذوقك مش عايزة اي حاجة من هنا وانا نازلة اؤمري شوية حر حبت رمل اللي انت عاوزاه انا باهظر طبعا علي فكرة انا اول عريس جاني كان من بني سويف من الفشن وزوجي كمان صعيدي من نجع حمادي شوفتي الصدف بقي الله يصلح حالك يارب
كله يهون بس نكون جنب الحرم ده القرب منه اكبر راحه واحسن امان انا ليا طلب عندك لو تسمحي ادعيلي هناك ربنا يهدي اهلي عليا ويحنن قلب امي عليا ويرزقني الزوج الصالح ويفرج كربي
حبيبتي ويلا
شكرا على أهتمامك لموضوعي
فكرة المقاطعة كنت بستخدمها بس ما بتطول يعني لما يصير بيننا جدال بزعل وما بكلمها بتصير هادئه بس بتحاول تكلمني وبالآخربتكسب وبكلمها غصب عني لأني بعتمدعليها في كتير شغلات
وإذا مدحتها بتتمادى كتير يعني ما بيلبقلها
السلام عليكم ويلا.عامله ايه حبيبتى مش عارفه ابدا كلام ازاى بس انا محتارة جدا فى موضوعى وحاسه انى مخنوقه وكل ده صابرة علشان البنات لانى بجد خايفه عليهم ومش قادرة برده اواجه حد حاسه انى ضعيفة مش عارفه اعمل ايه
ازيك يا مروشكا انا جبت لك مجموعه افكار ممكن تساعدك في حل مشكله بنتك هتلاقيها في موضوع " افكار تساعد الام في التقرب لبنتها المراهقه " وربنا يوفقك ان شاء الله
والله يا حبيبتي انا مقدره اللي انتي فيه بس انا كان نفسي تجربي وتحاولي ولو لمره اخيره عشان بيتك وولادك ومتزعليش مني انتي كان ليكي دور في اللي حصل ده ولازم تعترفي بكده بس سيبنا من اللي فات خلينا في اللي جاي .طيب ايه رايك لو تجربي اللي هقولك عليه ده ولو محصلش تغيير ان شاء الله ابقي قولي عليا البت ويلا دي عبيطه ومبتفهمش حاجه
. اولا عليكي بكتر الاستغفار والله هتشوفي العجب من وراه استغفري ربنا كتير اوي علي اد ما تقدري في كل وقت ومكان استغفري من قلبك وانتي عندك يقين في رحمه ربنا اللي وسعت كل شئ
. شغلي صوره البقره باستمرار في البيت واقريها كل يوم مش هتاخد من وقتك كتير وابقي اقريها وهو موجود وخليه يقراها معاكي ان شاء الله يحس ويتكسف علي دمه
. روقي نفسك علي الاخر كلي وغذي نفسك والعبي شويه رياضه وانتي لابسه بادي ارقصي وحطي مكياج والبسي احلي حاجه عندك سرحي شعرك وانتي واقفه في المرايا قولي يا حلاوتك يا جمالك مين احلي منك يا قمر انتي ومتتكسفيش من حد انتي مش بتعملي حاجه غلط ولا عيب او حرام وسيبك منه خالص وعلي فكره الكلام ده ليكي انتي مش عشانه هو انتي لما تبقي نفسيتك مرتاحه هتقدري تفكري بذهن صافي وتحلي مشاكلك بهدوء وهو ولا يشغل بالك سيبيه يموت بغيظه وهو شايفك بالروقان ده والنبي ده انتي هتجننيه
. وانتي بتطبخي ولا بتعملي شغل البيت غني ايوه غني مستغربه ليه هتقولي صوتي وحش هقولك انتي في بيتك اللي هو مملكتك وانتي اميرته حد بيقول للاميره في مملكتها انتي بتعملي ايه غني حتي لو صوتك وحش دول بتوع الخضار كل يوم بيغنوا في السوق ولا بيهمهم حد ايوه كده روقي نفسك ولا يهمك من حد
. لو حب يضايقك ويعيب عليكي قوليله اتحداك تطلع فيا عيب ولو قالك عيوب الدنيا كلها قوليله ملقوش في الورد عيب قالو يا احمر الخدين قوليها كده بثقه وانتي عينك في عينه ولا يهمك منه ولا هيقدر يفتح بقه بكلمه
. خلي الابتسامه علي طول منوره وشك الجميل ده وهزري معاه حتي لو كان هزارك تقيل ولا يهمك حاجه المهم تروقي نفسك
. خلي الاوضه بتاعتكم جوها رومانسي ومريح للاعصاب علشانك برضه ولما تكون نفسيتك مهيئه ادلعي عليه شويه سيبك انتي الرجاله بتموت في الجو ده
. متتكلميش معاه في موضوع مراته التانيه دي خالص ومتشتكيش ليه من حاجه وخلي لسانك بنقط شهد ومتستنيش منه رد عشان يتجنن اكتر
. خلي بيتك جنه شغلي فيه قراءن وحطي فيه مسك وبخور خلي اللي يدخله ميبقاش عايز يطلع منه
وخلي بالك ومتنسيش اجدع شنب بيسلم و بيرفع الرايا البيضا ادام اصغر ست ما بالك انتي بئه مراته وام عياله وانتي بتقولي انه كان بيحبك وبيعاملك انتي والولاد كويس اوي والله انا حاسه ان اللي انتو يه ده مرحله وهتعدي وان شاء اللي هترجعوا لبعض واحسن من الاول كمان ان شاء الله وكمان يا حبيبتي متنسيش الراجل ملوش غير المكان اللي بيلاقي فيه الراحه والدلع والحب والاهتمام والحنيه والنبي عشان خاطر ربنا اول ما تقري رسالتي قومي اتوضي وصلي صلاه استخاره وان شاء الله ربنا هينور بصيرتك للطريق الصح وفكري في كلامي وشوفي اللي يريحك اتمني ان مشكلتك تتحل في اقرب وقت
ايه يا فتكوات ان عندي حق في الكلام ده ولا لأ متقولو حاجه معايا
اللهم صلى على سيدنا محمد
