[crazy_tota]

بصي يا حبيبتي انتي قلتي انة بيتهرب من الرد عليكي هدي اللعب معاة شوية لانة كمان في ايام امتحانات ومتديش للبنت دي فرصة انها تعرف انكم متخاصمين وتبدا تقرب منة وتستغل بعدكم
قلتي ان اختة صحبتك وعوزاكي واختة كمان ليها كلام مع البنت دي
اتفقي مع اختة ان في مرة انتي وهي والبنت دي تكونوا موجودين مع بعض
وبعد كدة تبقي انتي وهو مع بعض مثلا وتيجي اختة وبصنعة لطافة كدة تجيبوا سيرتها واختة تقولك مثلا انا مش عارفة انتي ازاي سكتي علي اسلوبها في الكلام معاكي فاهمة شغل توقيع بس مش من ناحيتك من ناحية اختة لانو لو من ناحيتك هو حيرفضة وحيدافع عنها زي كل مرة
لا خلي اختة هي اللي تقولك ازاي مستحملاها ومصحباها دي مش كويسة دي حتي حراكاتها واسلوبها مش مظبوط
وانتي قوليلها وانا يعني حعملها اية وحدها وحشة حنزل انا لمسواها واتعامل معاها باسلوبها
يعني كرهية فيها بس مش بصورة مباشرة لان اي راجل في الدنيا مش بيقبل علي كرامتة ياخد اوامر من الانسانة اللي بيرتبط بيها
ومفيش حد مش بيتمسك علية غلطة
وخصوصا اذا كان بالاخلاق اللي انتي بتقولي عليها دي اكيد ليها غلطة
بس انتي تفهمية عيوبها دي بخبث وزي ما هي بتعمل اعملي
هي رايحة الكلية عشانة روحي انتي معاة واستنية
وريها انو في الاخر انتي اللي اختارك مش هي
يمكن تياس من المحاولة وطمنيني عليكي

[ننوسه]

انا مع توته فى كل اللى قالته
وانا هقولك على حاجه تعمليها عن تجربه شخصيه
بصى ياقمر
احنا دلوقتى هنستعمل كل دفاعاتك ممقوماتك ومتنسيش ان الكفه فى صالحك انتى لانه بيحبك انتى
احنا هنبدأ الاول بخطوات
1- هتقطعى كلام نهائى عن البنت دى كانها مش موجوده اصلا وفى نفس الوقت تقطعى صلتك بيها
هتيجى معلش على اعصابك شويه انا عارفه انها صعبه بس صدقينى هتجيب نتيجه
2- هتهتمى بنفسك اليومين دول فى مظهرك وتحاول تشدى انتباهه ليكى من غير ما يلاحظ انك بتعملى كده واستعملى ذكائك فى النقطه دى
3- حسسيه انك مهتمه بيه بس مش لدرجة انك تكونى مدلوقه يعنى تتصل تطمنى على امتحانه ومذاكرته ولو احتاج حاجه فى المذاكره تساعديه زىورق عايز يجيبه او كده
4- تحاولى تشركيه فى حياتك بمعنى مثلا انك تتصلى بيه تقوليله عايزه رايك فى حاجه هعملها ( خلى بالك انتى فى الفتره دى محتاجه تطلعى كل اسلحتك)
5- ابعدى تمام عن فكرة انك تخيريه بينك وبينها لانه طبعا هيعند لان طبيعه الراجل الشرقى بتخليه مش يقبل على نفسه ان اى ست تحطه فى موقف اختيار
6 - هتقوليله اننا هنبدا صفحه جديده وكان مفيش حاجه حصلت
7 - البت دى بقى قفلى عليها كل الطرق اللى هتخليها توصل ليه بيها زى مثلا التليفون وكمان موضوع انها هتروح الجامعه فى اليوم اللى هيروح فيه انتى ممكن يومها تقوليله انك عايزه تيجى معاه عشان تغيرى جو او تجيبى اى حاجه من الجامعه او اى حجه وفى اليوم ده تبقى على سنجة عشره
ابداى بالحاجات دى وستنيه ضرورى اعرف عملتى ايه ولو افتكرت حاجه تانيه من اللى كنت بعملها هقولك عليها
خلى بالك النتيجه دى جابت معايا نتيجه بنسبه 100%

[سماح الامام]

اخبارك ايةwella

[سماح الامام]

عاملة اية فى المنتدى والفتكاوات

[ريماس البحر]

ازيك يا ويلا حبيت بس اسلم عليك

[crazy_tota]

ايوة يا ننوسة صح عندك حق كويس ادينا انا وانتي اتفقنا نصدع حد بحاجة مشتركة بنا
فاكرة صدعينا براحتك ها ههههههههههههههههههههههه
بس والله يا لوفر جربي اللي قلتهولك انا وننوسة وخلي عندك صبر وطولة بال
وبصي عوزة دلع وشغل بنات مش زيادة عن الحد بس حسسية انك بنت مش شيخ غفر
واهم حاجة فعلا زي ما ننوسة قالتلك حسسية انك محتجالة في حياتك الراجل الشرقي بيحب المرأة اللي تحسسة انو كل حاجة في حياتها واللي تحسسة بضعفها وبقوتة
وزي ما قالتلك برضو متدلقيش
وحاولي من غير ما يبان انك متعمدة تخلية يغير عليكي
بس اوعي تزوديها لتتقلب ضدك
يعني حد عاكسك
قوليلة انا مخنوقة اوي اصل حصل موقف النهاردة واخترعيلة موقف عن حد عاكسك وانك مخخنوقة من كدة
بس بلاش تكتري في المواقف دي يعني مرة كل شهر كدة ولا حاجة
اة وكمان بصي رنيلة مثلا رنة كل ساعة لمدة اسبوع مثلا وتعالي في يوم ومترنيش خالص
ولا تتصلي بية حتي وحتلاقية هو بيتصل بيكي يطمن عليكي
هم الرجالة كدة عاوزين اللي يضحك عليهم
وللاسف رغم كدة منقدرش نستغني عنهم

[lovereyes]

بجد ميرسي على النصايح دي بس انا نسيت اقولكوا اني سافرت ففكرت اني انزل الجامعه دي مستحيله حاجه تانيه انا مش عارفه ياننوسه ازاي اقفل عليها انها تكلمه في التلفون انا طلبت منه مايردش عليها ولما غير نمرته جابتها وبرده بتتصل بيه معلش تعبتكوا معايا بس انا بعيده عنه الوقتي ومش عارفه اعمل ايه هي اللي معاه في نفس البلد الوقتي علشان كده انا خوفي زاد ممكن تساعدوني

[lovereyes]

حاجه تانيه انا كنت متنرفزه منه اوي امبارح وقولتله لو هتفضل معايا اقطع معاها والا نسيب بعض اعمل ايه وكنت برن عليه بطلت ارن اعمل ايه

[crazy_tota]

البعد في المسافات يا قمر يقربة التليفون
كلمية يوم الامتحان اللي هي حتروح فية دة كتييييييييييييييير
حسسية اني كنتي معاة طول اليوم
معلش حوشي كل مصروفك لليوم دة واشحني حتي لو بكارت 100 ولا خمسين
وقلنالك
متجيبيش سيرتها خالص نوهائي
تتصل بية ما تولع
الشاطرة هي اللي حتتجوزة في الاخر
المهم هو عاوز مين
فية اغنية بتقول
كلنا بنحب القمر بس القمر بيحب مين
وخدالي بالك متحسسيهوش انكم بتتخانقوا علية لحسن يتغر في نفسة ويتعوج عليكي ها
حاولي تخلي كل حاجة كانها طبيعية

[crazy_tota]

وبعدين عاوزة انبهك للاهم من البنت دي
انك ضروري تحاولي تصلحي علاقتك بمامتة

[lovereyes]

توتا بجد ميرسي ليكي انتي ريحتيني كتير بس شكلك انتي كمان مرتي بنفس حواري علشان كده متوقعه انك هتقدري موقفي بجد ميرسي

[crazy_tota]

هو مش بالظبط نفسة بس هي كانت واحدة عاوزة توقع والسلام رغم انها كانت مرتبطة
والحمدلله عالجت الموضوع زي ما بقولك كدة

[سهاا]

ازيكم يا بنات وحشتونى جدا
انا عندى مشكله ومن ساعتها وانا خايفه وعماله ابص ورايا
انا وابنى كنا فى المطبخ وكان زوجى نزل الشغل وبعدين كنت بحضر الغداء وبعدها رحنا انا وابنى اوضتنا ورجعت اشوف البوتاجاز
لقيت باب الشقه مفتوح
اتخضيت ورحت قافله الباب وجيت احطت المفتاح علشان اقفله كويس لقيته مقفول بالمفتاح قاعدت ادور فى الشقه يمكن يقون زوجى رجع وانا مسمعتوش ملقيتهوش ومن ساعتها وانا حاسه
انى حتجنن
واتاكدت من زوجى لما رجع قالى انا قافل الباب كويس علشان ابنى كان بيجرى وراه علما بان
ابنى صغير ومبيطول المفتاح والمفتاح اصلا مكنش فى الباب
انا حاسه انىهيجرالى حاجه من الخوف
ولابكون بهلوث
بس انا متاكده ان الباب كان مفتوح

[سهاا]

حد يرد
عليا

[سهاا]

اخبارك يا توتا

[سهاا]

انتى فين يا ولاء بقالى مده مشفتكيش
ربنا يوفقك

[crazy_tota]

انا الحمدلله كويسة يا سها
مش عوزاكي تفكري في حاجة تقلقك ممكن تكوني انتي قفلتي الباب بالمفتاح ونسيتي
او يكون متهيالك انو مقفول بالمفتاح

[سهاا]

يا توتا انا اصلا بخاف جدا علشان كده بتاكد دايما من باب الشقه والنهادة كنت بوضب الشقه واتاكدت انو مقفول علشان كده اتخضيت لما شفته مفتوح لدرجت انى بعد ماقفلته فتحته تانى علشان اتاكد من لمنظر اللى شفته لقيت نفس اللى شفته قبل ما اقفل الباب وده خوفنى اكتر

[سهاا]

انا اكيد جاتلى حاله نفسيه من القاعده لوحدى
ربنا يستر

[بنوته شيك]

لوفر حبيبتى شغلى كيد النسا

ازاى اهتمى بى اوى زياده عن اللزوم اطمنى عليه اتكلمى معاه رنى عليه كل 5 دقائق

قولى له انا بصلى بدعيلك ياحبيبى طول الليل بقرا قران وبدعيلك كتييير

عوزاكى تنسى البنت دى خالص بمعنا انك تشغلى عنها

ومتجبيش سيره البنت دى خالص ولا بخير ولا بشر

وحسسى انك دايما وثقا فى وانك اتنرفزتى بس بسبب شئ مالوش معنى ولا له شئ من الوجود اصلا

انت اللى فهمتى غلط بس واختو اتصلى بيها دايما هى تقولك على اخباره اتصلت بى

متصلتش بى

كدا يعنى
بس اوعى تقولى له اختك قالت حاجه اوعى

كيدى البنت دى هو لما يشوف اهتمامك بى وحدا وحدا هيبعد عن البنت دى

وصدقينى انا وقعت نفس موقفك دا ومكنش حد جامبى خالص وخسرتو بسبب بنت متستاهلش والله ماكانت محترما خالص وصحبتنى وقالتلى انه بيقول عليكى كلام مش كويس
وتروح تقول له دى بتقول عليك كلام مش كويس

وانا سبتو وهو فى الاخر سبها وحاول يرجعلى ومرضتش ارجعلو الابعد سنه ونص

دوختو وهنتجوز اهو

ادعيلى وطمنينى عليكى وعوزا اقولك انك رقيقه اوى وحساسه اوى ومحترمه اوى اوى اوى

وحبيتك جداااا ومشكلتك انشاء الله هتنحل بسرعه اختك رهف