هام: من فضلك اذا كانت عندك اي مشكلة فاكتبي موضوعا في قسم الشكاوى او راسلي اي مشرفة، سيتم ايقاف الاشتراك عند اي تجاوز!
هام: الرجاء تجاهل اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
هام:
اذا وصلتك اي رسالة خاصة من عضوة تعرض عليك بضائع للبيع فراسلي اي مشرفة او مراقبة منتدى فورا و ارسلي لها نسخة من الرسالة و اسم العضوة.
السلام عليكم انا عندى مشكله مش عارفه بجد هى مشكله فعلا و لاايه؟ انا متزوجه من اربع سنين وعندى طفلتين و انا زوجى بيحبنى و الحمد لله و لكنى اشعر بملل مميت فهو على طول مشغول بيخرج من الصبح ميدخلش غير بالليل و افضل قاعده لوحدى طول النهار ولما يعود للبيت يبقى عايز ياكل او حينام او حيقعد يشتغل لدرجه انى افتقر للحوار و الكلام معه يقتصر الكلام للسؤال عن الاولاد و انتى عامله ايه او عايزه حاجه بعكس فتره الخطوبه اللى مكناش نبطل كلام حاسه انى عايشه فى وحده او كانه مسافر انا مقدره انه مشغول بس لكل انسان طاقه انا بس مجرد بفضفض معاكم
جربي تتعلمي حاجه او تحضري دروس او تقرئي المهم هو الاستفاده من وقتك
الملل ده من الفراغ فين صديقاتك ؟؟انت مثلا ممكن تتفقوا علي حضور درس ديني معين وتروحوا سوا
او تخدي اولادك وتخرجي بيهم الي النادي او الي البلاج تغيري الروتين بس طبعا بعد اذن زوجك
وهو الله يكون في عونه انا زوجي كان بيخرج من الساعه 7صباحا والله ساعات كان بيرجع 12مساءا و1ليلا وكنت بجلس لوحدي انا والاولاد وحاولت انمي من قدراتي واشغل وقتي بشئ مفيد والحمد لله
تعلمت اللغه والحاسب وصاحبت اولادي بالعكس لم يكن عندي وقت وكنت اتمني لحظه هدوء واجلس لوحدي
شكرا لكى ام مهند والله انا بحاول اعمل كده فى الوقت اللى هو مش موجود فيه لدرجه انى كنت بذاكر النيابه بتعتى بس اجلتها لما العيال تكبر عشان هو رافض اترك العيال و اذهب النوباتشيات يقولى بيتك و عيالك فى الاول بس المشكله فى تواجده بالبيت كانه مش موجود اكانى مش متزوجه نفسى يتكلم معايا زى ايام الخطوبه لدرجه انى طلبت منه يخصص ليا ساعه من وقته كل يوم
ضحك عليا و سخر من كلامى
طب انتي عارفه انا زوجي كده بس بحاول اوجد كلام مشترك واهتمام مشترك شوفي ايه ممكن يشده للكلام واتكلمي فيه
اكييييد هيتكلم معاكي لما يلاقي الموضوع جاي علي مزاجه
بس عاوزه اقولك حاجه
الكلام قبل الزواج ده حاجه وبعد الزواج حاجه تانيه يعني لايوجد اي وجه مقارنه ابدا ده مرحله وده مرحله تانيه خالص
المسئوليه بتكبر وبيبقي في اهتمامات اهم وهكذا
على فكرة كلام ام مهند صح لو شغلتى وقتك مش هتحسى بملل وبعدين اناى كمان زوجى كدة بس انا مقدرة انة بيعمل كل دة علشان خاطرى انا وولادة وعلى فكرة زوجك لو حس باهتمام منك مش هينام ويسيبك
أنتي زوجك مشغول الله يعينه وبس يرجع على البيت بيكون تعبان
بس أنا زوجي شغله بكيفه ممكن يذهب بأي وقت بيحب
ولما بيرجع بيكون نعسان بينااااااام أو بيجلس على النت
حتى في شغلات بالبيت ما ممكن ساويها لوحدي وما بيساعدني يعني ممكن اصلح كهرباء أو تلفون أو حتى بلاليع البيت (أكرمكم الله)
وعادي هو جالس
خلاص تأقلمت على الوضع صرت سلي نفسي بأي شي أشغال يدويه على كروشيه
على خياطه على دراسه
يعني كوكتيل تسالي
وأنا بشعر انو فترة الخطوبه كلها كذب
بس انتى يا مودى كاتبة انك موظفة يعنى شغلك بردو واخد كل وقتك لانك طبيبة!!!!!!!
لكن انا اخدت اجازة من شغلى وسافرت مع زوجى واشعر بملل فظيع
فانا ايضا طبيبة لكن اجازتى جعلت وقت فراغى كبير
وحاسة انى بضيع مستقبلى
لكن اعمل ايه؟؟؟؟؟؟؟؟
وكمان الغربة صعبة لا ارى احد ولا اكلم احد ولا استطيع الخروج وحدى
لا بل ان زوجى احيانا يسافر ويتركنى فى الشقة لفترا طويلة اكلم نفسى
لكن بحاول اشغل وقتى هنا فى فتكات
وربنا يصبرنا ويصبرك
أختي الغالية
أنا معك الملل فعلا مميت ولكن معلش برضه إعذري زوجكك ربنا يكون في عونه
هو بيشتغل و يتعب علشان مين مش علشانك أنت و أطفالك و الحياة صعبة جدا و كل مدي تزداد صعوبة و غلي .
و مثلما قالت المشرفة الجامدة بتعاتنا اللي بموت فيها
و لكن حتي لا تملي يمكن شغل وفت فراغك مع أطفالك
أو أصدقائك .
و ممكن تعرفي تنشأي لغة حوار بإيجاد كلام مشترك واهتمام مشترك شوفي ايه ممكن يشده للكلام واتكلمي فيه
اكيد هيتكلم معاكي لما يلاقي الموضوع جاي علي مزاجه .
على فكرة يا حبيبتى اغلب البيوت كدة وانا زيك زوجى طوال اليوم مش موجود وبحوال اشغل وقتى بحاجات تفيدنى وطبعا مع فتكات .......
ويا حبيبتى خاليكى معانا فى المنتدى وانتى صدقينى مش هاتحسى بملل خالص نتكلم كلنا مع بعض وان شاء الله تخرجى من حالة الملل دة
كلام mas171 عين العقل يا مودي كل واحدة بذكائها تعرف أزاي تخلي جوزها هوة اللي ييجي لغاية عنديها ويتكلم معاها
اهم حاجة تكوني فاهمة جوزك كويس وفاهمة طباعه وأيه اللي بيحبه وأيه اللي بيكرهه
وبكررها تاني اهم حاجة يا ستات(ذكائكم)
الذكاء يا مودي وحسن التصرف وبرده ارادتك وتصميمك علي ان حياتك لازم تكون زي ما انتي عايزة وما تسيبيش ظروف الحياة هية اللي تتحكم فيكي
لأ من دلوقت يا مودي قولي( انا لازم حياتي تتغير ) واقري في مواضيع عن الملل وازاي نقضي عليه - ازاي يبقي زوجك صديق وحبيب في نفس الوقت
علي فكرة في مواضيع جميلة جدا وها تفيدك علي النت بس انتي اعملي بحث عنها وصدقيني ها تستفيدي خالص
بصي كلام البنات كله جميل، والمشكلة دي في كل بيت لأن الراجل مينفعش في زماننا ده يقعد في البيت اللي عنده شغل حكومي بيشتغل شغل تاني اخر النهار واللي بيشتغل شغل خاص بيرجع بعد نص اللي وطبعا هلكاااااااان وتعبااااااااااااان..
بس ليه تستني لما يرجع علشان تحاولي تتكلمي معاه؟؟؟ انت طول اليوم ابعتيله مسجات رومانسية تحسسه بإنك مشتقاله ومستنية يرجعلك وانك من غيرة جسد بدون روح والكلام الحلو اللي كلنا عارفينه بس مش بطريقة تزهقه منك طبعا.
حطيله في جيب قميصه ورقة كاتبه فيها بيت شعر رومانسي او حتى كلمة حلوة منك لمايوصل يقرأها أو اعمليله فايل على الديسك توب بتاع اللاب توب بتاعه لو عنده او الكمبيوتر العادي عنوانها طارئ يفتحها يلاقي ايقونهتاني مكتوب عليها ادخل فورا وهكذا ايقونات جوا بعضها فيها مثلا اضغط تاني، معلش كمان مرة، قربت، انت زهقت وللا ايه، لو بتحب اولادك اضغط كمان مرة ، طب آخر مرة، خلاص، هانت، وبعدين صورة الولد الصغير اللي بيبوس بوسة صوتها حلو او اي حاجة تانية انت عايزاها.
وطبعا ده بجانب اللي اخواتك قالوه انك تشغلي وقتك بأي حاجة مفيده.
وده كله علشان ما نبقاش عبء أكبر على ازواجناكفاية اللي بيشوفوه في الشغل.
السلام عليكم ...... مودى .... انا نفس حالتك بالظبط ... الكلام كتير و النصايح اكتر .. بصى من الاخر ....... خلصى اللى عليكى فى البيت و بعدين اقعدى على فتكات .... و الله ما حتحسى بالوقت .... و بالنسبة لجوزك .. طول ما انتى متأكدة انه فى الشغل .... حطيه جوة عنيكى ... و كفاية انه بيعمل كل اللى عليه علشان يوفر لكم الفلوس .. دى الدنيا بقت غالية اوى
انا يمكن قريت الموضوع متأخر ويمكن مش متجوزة ومليش خبرة في الحاجات دي بس قريت وسمعت كتير جدا عن مشكلتك دي
وافتكر اللي تاعبك اكتر انة جوزك لما بيكون في البيت بتحسي انة مش معاكي طب انتي حاولتي تشغلية بيكي مش معقول يعني يكون طول مهو في البيت شغال وحتي لو شغال ناقشية في شغلة حاولي تشاركية اهتمامتة لو بيحب الكورة وبيسمعها برة مثلا طب ما في يوم يكون فية ماتش مهم كدة امسكي فية واعمليلة جو جامد جدا شاي ولب وسوداني اقلبيلة البيت قهوة يا ستي دي فكرة
فكرة تانية جربي مثلا في يوم اتصلي بية علي الموبيل وهو في الشغل وقوليلة عامل اية يا حبيبي وحشتني وفي اليوم دة جهزي البيت ودي الولاد عندك مامتك ولا حاجة واعملي جو رومانسي كدة زي الروايات مفتكرش حاجة زي دي حيقولك انا داخل انام
الرجالة اطفال كبار عاملية كأنة طفلك بس طفل كبير شوية اهتمي بية احتمال كبير يكون انقطاع الحوار بينكم يكون بسبب انك اتحولتي من البنوتة اللي مفيش في حياتة اهم من جوزها حبيبها لام وست بيت اديلة اهتمام اكتر واستحملي في الاول شوية حتتعبي لحد ما تقدري تعملي وقت ليكم مع بعض تتناقشوا فية وتتكلموا زي الاول بس المهم النتيجة في الاخر وياريت دي بس شوية افكار سمعت عنها جربيها وححاول اشوف افكار تانية وابقي اوقلهالك
على فكرة كلام ام مهند صح لو شغلتى وقتك مش هتحسى بملل وبعدين اناى كمان زوجى كدة بس انا مقدرة انة بيعمل كل دة علشان خاطرى انا وولادة وعلى فكرة زوجك لو حس باهتمام منك مش هينام ويسيبك
اللهم صلى على سيدنا محمد
