طريقة تخليل الزيتون الأخضر والأسود

haamohamed · #1 10-8-2011 10/8/2011 03:03am

بارك الله فيكو
عايزة طريقة تخليل الزيتون الأخضر والأسود ضروروي
بس طريق مضمونة ارجوكو يا فتوكات الخبيرات وبلاش تجربوا فيا
يعني طريقة متجربة؟؟ مبسوطة

اكرمنى يارب · #2 10-8-2011 10/8/2011 03:05am

يارب حد يفيدك

عبير المنصورة · #3 10-8-2011 10/8/2011 03:07am

ان شاء الله حد يقولك
انا آخري مخلل الخيار والفلفل

رورو وسنسن · #4 10-8-2011 10/8/2011 03:10am

واناااااااااااااااااااااااااا

سيدة اكتوبر · #5 10-8-2011 10/8/2011 03:25am

شوفى يا ستى انا خللته قبل رمضان بأسبوع واكلنا منه انهارده وطلع جميل ولو غاب كمان شويه هيبقى احلى انا بكلمك على الزيتون التفاحى تعصرى حوالى نصف كيلو ليمون لكل انتين كيلوا زيتون والاسهل تضربيهم بشوية ميه فى الخلاط وتمسكى الزيتونه وبأيد الهون وتفدغيها يعنى تكسرى من غير ما تنفصل عن بعضهاواللى تكسريها تحطيها فى الطبق اللى فيه عصير اللمون علشان الزتون ما يغيرش لونه ويبقى غامق ولما تنتهى من الكميه خدى الزيتون وحطيه فى البرطمان واللمون حطى عليه شوية ميه تكفى لتغطيته ودوبى فيها كميه كويسه من الملح علشان لو الملح قل الزيتون هيتهرى ونسيت اقولك تبقى جايبه فلفل حامى مع الزتون وممكن شطه مفرومه حمراء وممكن تضيفى جزر مبشور وكرفس بيبقى تحفه وبعدين تملى البرطمان لحد نهايته وياريت تحطى حاجه تقيله على الوجه علشان الوجه ميخسرش وتضعى شويه زيت على الوجه وديه الطريقه السريعه اما الطريقه العاديه بدل ما تكسرى الزيتونه تثقبىها ثقب مكان العنقود بتعها علشان ما يبنش وبرده تحطى فورا فى اللمون علشان ميسودش وبنفس الطريقه بس لو كميه ما تحطيش جزر علشان يعيش معاكى وبألف هنا نسيت اقولك انى خايبه شويه فى الزيتون الاسود مش بيظبط معايا ممكن فتوكه شاطره تفدنا ان شاء الله لانه بيطلع مر معايا

عمرة وحج يارب · #6 19-8-2011 19/8/2011 11:26am

بصي ياحبيبتي الزيتون الاخضر ان شاء الله زي ماقلتلك كدة ست الكل سيدة اكتوبر
الاسود شوفي طريقة عمرنا وهي سهلة جدا وجربي في كمية قليلة وان شاء الله تظبط معاكي
وحتى يافتاتيك لو طلع طعمه مر حبه احسن ماتشتريه جاهز الكيلو وصل ل 20 و 22 جنيه
ربنا يرحمنا برحمته

وهج القمر · #7 5-9-2011 5/9/2011 06:35pm

حبيباتى انا طريقتى بالزيتون الاسود انك تغسليه وتسيبيه يتصفى من الماء وبعدين تحطى عليه ملح كتير وتقلبيه فى طشت بلاستيك وتتركيه وكل يوم تقلبى الزيتون وهكذا لمدة اسبوع تدوقى منه حبة بقا تلاقيها استوت وطعمها حلو مش مر تسخنى ماء وتضيفيه فوق الزيتون ويترك ليبرد ثم تنشلى الزيتون بعد كده وتحطيه فى برطمان وتحطى عليه كوب خل وكوب ليمون معصور وكوب زيت زيتون ويقفل المرطبان وبالهنا والشفا

انا من هنااااااك · #8 29-9-2011 29/9/2011 05:28pm

المشاركة الأصلية كتبت بواسطة سيدة اكتوبر

شوفى يا ستى انا خللته قبل رمضان بأسبوع واكلنا منه انهارده وطلع جميل ولو غاب كمان شويه هيبقى احلى انا بكلمك على الزيتون التفاحى تعصرى حوالى نصف كيلو ليمون لكل انتين كيلوا زيتون والاسهل تضربيهم بشوية ميه فى الخلاط وتمسكى الزيتونه وبأيد الهون وتفدغيها يعنى تكسرى من غير ما تنفصل عن بعضهاواللى تكسريها تحطيها فى الطبق اللى فيه عصير اللمون علشان الزتون ما يغيرش لونه ويبقى غامق ولما تنتهى من الكميه خدى الزيتون وحطيه فى البرطمان واللمون حطى عليه شوية ميه تكفى لتغطيته ودوبى فيها كميه كويسه من الملح علشان لو الملح قل الزيتون هيتهرى ونسيت اقولك تبقى جايبه فلفل حامى مع الزتون وممكن شطه مفرومه حمراء وممكن تضيفى جزر مبشور وكرفس بيبقى تحفه وبعدين تملى البرطمان لحد نهايته وياريت تحطى حاجه تقيله على الوجه علشان الوجه ميخسرش وتضعى شويه زيت على الوجه وديه الطريقه السريعه اما الطريقه العاديه بدل ما تكسرى الزيتونه تثقبىها ثقب مكان العنقود بتعها علشان ما يبنش وبرده تحطى فورا فى اللمون علشان ميسودش وبنفس الطريقه بس لو كميه ما تحطيش جزر علشان يعيش معاكى وبألف هنا نسيت اقولك انى خايبه شويه فى الزيتون الاسود مش بيظبط معايا ممكن فتوكه شاطره تفدنا ان شاء الله لانه بيطلع مر معايا

شكرااااااااااا يا قمر