[nar83]

صباح الخير عليكو كلنا عارفين صنية البطاطس العادية وساعات بنزهق منها وبتبقى
مسبكة وتقيلة فى الهضم لكن انا جبتلكو طريقة تانية لصنية البطاطس جميلة

المقادير بسيطة:

1. 4 او 5 بطاطس حسب حجمها وحجم صنيتك
2. بصلة متوسطة مقطع مكعبات
3. عصير 4 ليمونات كبار
4. زيت زيتون
5. شوربة(مرق) او ميه
6. ملح
7. فلفل
8. كمون
9. بهارات
10. شطة

الطريقة:

• تقطع البطاطس شرائح رفيعة جدا دائرية مثل الشيبسى بس اطخن حبه بالسكين
• توضع البصلة المقطعة مع البهارات فى الصنية وعليهم اليمون وزيت الزيتون وعليم البطاطس ويقلبو جيدا
• توضع عليهم المرقة او الميه حتى نغطى البطاطس حوالى 3/4 ملو الصنية توسطن فى فرن درجة حرارته عالية حتى تشرب ميتها وتحمر الوجه وتتاكل مع رز وفرخ محمرة او لو حبيتى تضعى قطع اللحمة بها تستوى معاها حسب الرغبة

ياريت تعجبكم

[nar83]

وين الردود ياحلوين

[مرمريكا]

ميرسى ياجميل انا لسة عاملاها النهاردة والله بعملها كتير
وبحط عليها لحمة وممكن كمان سجق
وبيبقى طعمها لذيذ قوى
تسلمى حبيبتى ماهو الواحد لازم يشغل مخه ويحاول يبتكر شوية اكلات من دماغه
بس فى الاخر بتطلع النتايج حلوة جدا

[nar83]

اه والهى عندك حق انا زهقت من الاكل التقليدى