[nar83]

.كلنا بنفكر ازاى نعمل دايت بس احنا منثدرش نستغنى فى طبيخنا عن الرز انا بدات مع جوزى دايت السوتية بدل الارز وجمبه اى نوع من اللحوم وده فرق معانا كتير كمان فى الهضم ده غير فوائده عوزاكو تجربوه انا بحب الخضار موت

المكونات:
بروكلى مقطع ازهار
فلفل بارد اخضر واحمر واصفر مكطع مكعبات كبيرة
فاصوليا طويلة رفيعة مقطعة نصفين
كوسة خضراء كبيرة مقطعة بالورب شرائح اكبر قليلا من الدوائر
بصل احمر او عادى مقطع مكعبات كبيرة
جزر صغير (بيبى كاروت) لو ملقتيش يبقى شرائح رفيعة جزر ياريت يكون حجمه صغير عشان يستوى
زيت زيتزن
صوص صويا
ملح" فلفل" شطة .حسب الرغبة

الطريقة:
تسخن المقلاة جيدا
يوضع بها قطرات من زيت الزيتون تضاف الخضروات بالترتيب بروكلى وفلفل حتى ياخذ نص سوى ثم جزى وفاصوليا وكذلك اخر حاجة الكوسة والبصل حتى ياخذو سوى واحد ونضيف عند الحاجة قطرات زيت الزيتونثم صوص الصويا والملح والفلفل ونحاول منكترش حتى يعطينا طعم نص سوا ويكون ناتيورال
عندما تبدا الخضار تدبل ولكن لاتستوى نطفى عليها ونضعها مع الطبق الرئيسى وبها ممكن نستغنى عن الارز تماما.

[nar83]

ايه ياجماعة هوا محدش بيحب الخضار ولا ايه طب الى عنده طريقة تانية ينفعنا طيب

[مرمريكا]

بالعكس الطريقة دى حلوة قوووى
بصى ياستى انا بعمل الخضار السوتيه دة بس بسلقه فى مياه وبحط مكعب ماجى وممكن محطش
وبعد مايستوى بحطه فى الطبق واحط عليه نقطتين زيت زيتون بالعدد وليمون وملح
جربى الطريقة دى حلوة حتعجبك وبردة حتغنيكى عن الرز
على فكرة هى تشبه شوربة الخضار بس طعمها مختلف

[nar83]

اشكرك مرمريكا على ردك واهتمامك انا هجرب طريقتك والخضار السوتيه ليها كذا طريقة غير السلق والتشويح بتتعنل كمان على الجريلة بتبقى روعة وافيد لان بتاخد طعم الشوى منغير ماتضفليها اضافات وممكن على البخار كمان