[سميرة سامر سمير]

ل nefrtlove ؛للمناطق الحساسة اجمل حاجة مجرباها وسهلة مش هتصدقى :الجليسيرين مع الليمون الطريقة4ملعقة جليسيرين كبيرة مع عصير لمونة كبيرة كاملة وتحطيهم فى زجاجة وتدهنى منهم مرتين فى اليوم وتحاولى تقللى من السويت تحت الأبطين لانها بتلهب المنطقة عندك فتسود بعد كدة حاولى تستخدمى وسيلة اخرى سلام ياقمر

[ام شوشو]

موضوع هايل هايل هايل
انا عندى بنتى بتشرب الماء كتير قوىىىىىىىىى
وخايفة تعملها كرش ومش عرفة اعملها ايه

[سميرة سامر سمير]

ل أم شوشو؛ انتى ماقولتيش بنتك عندها كام سنة عموما لو هى صغيرة يبقى طبيعى ومتخافيش المياة كويسة للجسم ومبتعملش كرش الا لو اتشربت وسط الاكل فقط غير كدة هى امان ومفيدة وسلميلى على بنوتك القمر سلام

[هبهوبه هوبه]

كنت منذ بدايه ازاله الشعر وانا استخدم كريمات ازاله الشعر ومرات الحلاوة وبعد كدة اشتريت براون ماكينه ازاله الشعر وبعد فترة من استخدامها لقيت الشعر مدفون تحت الجلد ومش بيطلع وعامل منظر سيء وكمان مش عارفه اشيله ورجعت استخدمت الحلاوة بقالي 3 شهور لكن لسه المشكله موجودة الشعر الى بيطول بس هوة الى بعرف اشيله وباى الشعر المدفون تحت الجلد مش عارفه اشيله

[سميرة سامر سمير]

ل هبهوبة ؛اللى عمل كدة فى الشعر الكريمات مش الماكينة بس تأثير الكريمات بييجى متأخر عموما جربى تعملى كمدات مياة دافئة على الاماكن دى وبعد الكمادات علطول تبدأى تصنفريها بمسحوق اللوز مع الليمون بكدة بنفتح المسامات الأول وبعدين بنصنفر لعل وعسى الشعر يبدأ يظهر وانشاء الله هيروح ولو مرحش يبقى تروحى لدكتور جلدية وطمنينى

[سميرة سامر سمير]

ل هبهوبة ؛ نسيت اقولك ان بعد الصنفرة تعملى الحلاوة والمسام مفتوحة عشان يطلع الشعر معاها سلام

[ام شوشو]

شكرررررررررررا ليكى مدام سميرة وعلى فكرة ملك عندها سنتين

[عاشقة وطنها]

شكراً كتير حبيبتي على الموضوع الرائع
انا عندي مشكلتين الاولى التصبغات والكلف الي بالوجه نتيجة تعرضي للشمس
والثانيه جفاف شعري وتكسره فقط في مقدمة الرأس
يا ريت تلاقيلي حل ولكي مني كل الشكر

[سميرة سامر سمير]

ل عاشقة وطنها ~؛للتصبغات والكلف تستعملى مسحوق الرز النئ مع الليمون واللبن 3 مرات فى الاسبوع واستعملى صن بلوك كويس00 وكدهان يومى استعملى الجليسيرين مع الليمون هيخلى بشرتك منورة وتعملية 4ملعقة جليسيرين مع عصير ليمونة كبيرة اما الشعر المتكسر ابتعدى فترة عن السخونة للشعر واعملى حمام زيت من خليط زيت الثوم مع زيت حبة البركة مع زيت الخروع وممكن كدهان يومى ومتشديش الشعر من الامام على الوراء مع فيتامينات للشعر من الاجزاخانة وهتدعيلى بعد كدة

[2nashwa]

انا مشكلتى ان بشرتى اتحوات من الدهنيه الى الجافه ومش عرفه ليه رغم انى بشرب ميه كتير جدا وبحط كريم نيفيا يوميا ومفيش فيده

[سميرة سامر سمير]

ل nashwa ؛ بصى يانشوى البشرة الدهنية مش معناها ان احنا منرطبهاش لان لو سبناها هتنشف وهتتحول لجافة المهم العلاج انك تستعملى زيت الوز مع زيت جنين القمح كدهان يومى وتعملى ماسك من هريس الموز مع صفار البيض واللبن وهتلاقى بشرتك بقت روعة ومتكتريش من الكريمات عشان منرجعش لمشكلة البشرة الدهنية تانى0 تمام يا قمر0 سلام

[ALZAHRAA]

انا عندى هالاات سودا تحت عنيه ومستاءه منها جدا عندك حل حقيقى ومشكوره على الموضوع

[سميرة سامر سمير]

ل ALZAHRAA على فكرة انا بردة ساكنة فى 6اكتوبر يعنى جيران بصى يا جميل الهالات السودة بتتعالج من جوة قبل برة ازاى اقولك اولا :تاخدى فيتامينات وياريت يكون متركز فيها فيتامين A ثانيا:تعملى دهان يومى من نصف زجاجةصغيرة ماء الورد (الطبيعى)+عصير ليمونة كبيرة عليها مع ماسك مرتين فى الاسبوع وهو :هريس بطاطس نيئة مع اللبن والليمون بالتبادل البطاطس مع الخيار وصدقينى هداومى عليهم هتبهرك النتائج 0سلام

[حبيبة بابا]

السلام عليكم , ازيك يا سمورة على فكرة الموضوع ده مفيد جدا وربنا يجازيكى عنا كل خير ,
المهم انا يا ستى بشرتى دهنية ودلوقتى حاسة انها جافة ومشدودة وفيها بقع حمرا , انا مش باستعمل اى كريمات ممكن تنصحينى باى كريم مع العلم انى باشتغل وطبعا الشمس عندنا فظيعة ,
اعمل ايه وعايزة اعرف اسم كريم احطه الصبح قبل الميكب
معلش انا طولت عليكى وتعباكى معايا , شكرا جزيلا

[سميرة سامر سمير]

ل حبيبةبابا؛اذيك هقولك ياقمر اولا مشكلتك شبيهة شوية مع مشكلة واحدة قبلك مع فرق انك بتخرجى فى الشمس المهم هنستعمل الدهان اللى هو زيت اللوز مع زيت جنين القمح بالليل اما بالنهار فهنستخدم كريم اولاى للنهار اسمة اولاى كومبليت او اولاى للنهار مع حماية ضد الشمس مع حبوب فيتامين AوE وتخرميها وتدهنى بيها بشرتك مع الماسك الاسبوعى الموز مع زيت اللوز وسلام

[batota23]

انا وشى نحيف ونفسى يتخن شوية من غير ما انا اتخن اعمل ايه وفرحى بعد تلات شهور عايزه حل ارجوكى بس يكون حل مجرب عشان خاطرى

[سميرة سامر سمير]

ل batota23 ؛اولا الف مبروك ياجميل 0فى طريقة يارب تلحق تجيب نتيجة لقبل الفرح تجيبى حلبة مطحونة وتدويبيها فى زيت حلبة يكون دافى مع كبسولة فيتامين E تخرميها وتاخدى الزيت اللى جواها وتضيفية للخليط وتعملى بيهم ماسك على الخدين فقط ودة هيبقى كل يوميين ولو بشرتك دهنية ضيفى نص ليمونة للخليط ومتخافيش متجرب والله ولة نتيجة حلوة بس المهم استيعاب بشرتك السريع للخلطة ويارب يتمملك بخير سلام

[ام القري]

انا بنتي شعرها مش ناعم ونفسها انه ينعم ومش عارفه اعملها ايه

[خلود88]

شكرا لكى على موضوعك المفيد
ومشكلتى لون الركبة غامق اعمل ايه وكمان شعرى بدا يقصف

[حبيبة بابا]

الف الف الف شكر يا سمورة , مش عارفة اقولك ؟ ربنا يخليكى
بس ليا سؤال تانى معلش , منين اجيب زيت اللوز وزيت جنين القمح ؟ من العطار ولا الصيدلية ؟ تسلمى يا قمر