[أم لوجى و ملك]

زوجك بيخونك
كلمه لاتستطيع أى امرأه تحملها ولكن افرضى انك سمعتيها وأتأكدتى منها تعملى ايه
تقومى بمواجهته وتخربين البيت وتطلبى الطلاق
تلزمى الصمت وكأنك معرفتيش حاجه
تواجهيه وتعرفى أسباب خيانته ايه
لو أعتذر ليكى مؤكدا عدم تكرار الخيانه مره تانيه وطلب منك انك تسامحيه
السؤال
هتقدرى تسامحيه هتقدرى تكملى حياتك معاه كأن شيئا لم يكن والحجه عشان مانخرب البيت عشان خاطر الاولاد
رأيك ايه؟

[hasna1488]

اذا طلب السماح اكيد ساسامح لكن بعد ان اعرف سبب خيانته لي ... وارى ان كان الامر يستحق او لا... ان اهذم كل مابنيناه في لحظة،اكيد ان ذالك لن يعجبني خصوصا اذا عرفت ان زوجي يخونني واسغل تقتي فيه لك يعبث مع الاخريات ..لاكن من اجل الحب الي بيني وبينه ساسامحه بشرط ان لايعاود الكر...

[ام مهند]

ومعرفش ساعتها هعمل ايه بس اكيد الموضوع ده مش هيعدي كده لازم وقفه ويعرف ان حاجه زي ده مش سهله ان الواحده تاخدها بسهوله وتسامح عالطول وبعدين نتصالح وااخد وعد وعهد غليظ ان لايكرر تلك الفعله مره اخري

[hala_2007]

والله مش عارفة دة بيكون حسب الظرف

[soly]

لا يا جماعه لابد من وقفه حازمه حتي لا يتكرر الموضوع ده تاني

[واحدة من الناس]

والله مش عارفة....
بس اعتقد انى ممكن اسامح فى حاجات كتيرة لكن الخيانة صعب.
ازاى اقدر اعيش تانى مع واحد و انا عارفة انه ممكن يطعننى بخنجر فى ضهرى اى وقت؟

[أم لوجى و ملك]

شكرا أخواتى على ردودكم ولكن بالنسبه لى اذا عرفت بخيانة زوجى سأواجهه وليكن ما يكون وأعتقد أننى لن أستطيع مسامحته يوما مهما قدم من اعتذارات لانه لو عكسنا الوضع فالرجل مستحيل يقبل خيانة زوجته .

[Mony_Mony]

اكيد طبعا لازم المصارحه واللي يحصل يحصل لانه ممكن يكررها وفاكر اني هسكت له !!
شكرا علي موضوعك

[داليا محمد نور]

لا يوجد أسباب للخيانة ، رجاء ماتدوش حجة للرجالة لما يتكشفوا،انا عمري ماأسامح نهائيا،ولو سبب الخيانة فية انا يبقى يسبني احسن،اما لوالسبب نقص منه يبقى اسيبه احسن،الخيانة حرام ، إزاي هيعلم ولادي الامانة والصدق والدين فاقد الشئ لا يعطيه

[توته1]

ما قصدكم بالخيانة ؟ انه يتجوز عليها وللا يعمل حاجة حرام أيا كان نوعها ودرجتها؟

[أم لوجى و ملك]

أنا أقصد بالخيانه اى معرفه غير شرعيه ويمكن أن تكون الخيانه بمجرد محادثة امرأه غريبه بشكل غير لائق أو أن يكون على اتصال بامرأه اخرى غيرك فكل هذا يعتبر خيانه

[توته1]

أشكرك على الرد أم لوجي
وأنا حاسه ان صعب المرأة تسامح في شئ كهذا ومش عارفه أكمل أصل الموضوع صعب ومزعج لأن الثقة اذا فقدت !!!!
ربنا يعافينا ويحفظ كل البيوت المسلمة

[هاله فاروق]

اعتقد ان زوجى لو خانى استحالة حاتناقش معاه وحسيبة على طول عشان انا بحبة قوى ولو خانى حاكرهه اد ما بحبة لانى مخاصة جداً فى حبة وبراعى ربنا جدا فى علاقتى معاه يبقى لازم المقابل يكون كدة مش الخيانة

[اسماء محمد]

ده شى مش جديد على الرجل المهم الست الذكيه اللى تعرف كده والله معكى ومعى لانى فى حاله شبيها لذلك و اولا واخيرا اى حكم على زوجك مدام كشفتيه مهما يكن هيكون اقل ما يجب ان يوخذ معه هو وامثاله

[أم لوجى و ملك]

مشكوره حبيبتى اسماء محمد على الرد بس احب اقولك انى مش بتكلم على زوجى انا حفظه الله لى انا بتكلم بصفه عامه فأنا قلت لو مقلتش انها مشكله خاصه بى لاسمح الله فزوجى الحبيب رجل يتمتع باخلاق حميده ومتمسك بدينه لابعد الحدود ولا يمكن ان يفعل شىء يغضب الله حفظه الله من وساوس الشيطان هو وجميع الازواج.

[simooooo]

لا
لا
لا
لا
لا
لا
لا
مينفعش ارجعلو مهما كانت مبررات الموضوع واللى بيضعف اول مره سهل جدا بضعف كل مره
انا ممكن فى الموضوع ده ابقى قاسه شويه
بس اعزرونى بالنسبالى ماينفعش ابدااااااااااااااااااااااااااااااااااااااااااااااا ااا

[ريري]

انا اسفه يا جماعه رايى غير الجميع............لان الزوجه اللى بتحب جوزها ما ينفعش تتنازل عنه بالسهوله ديه وتسيب واحده تانيه تاخد حبيبها منها... وللا ايييييييه؟
يعنى لا قدر الله لو حصلى كده اولا مش هاعرف جوزى انى عرفت ،وثانيا هاتسلح بكل الاسلحه اللى اقدر ادخل بيها الحرب مع (سارقة زوجى)
اذا حبيتوا تعرفوا اكتر قولوا وانا هاكمل لانى مش فاضيه حاليا،وشكرا لتقبلكم رايى

[اسماء محمد]

اريد مشاركة كل الاخوات فى حل مشكلتى

[اسماء محمد]

ام لوجى وملك حفظكى الله وحفظ لكى زوجك بس انتى تعرفين ان النساء ضعفاء وخاصة مع الحب اسئلينى انا الحب اطاح بكل ما املك من مشاعر بالذات بعد اكتشاف ضعف زوجى وانا اللى كنت فاكره ان القوه فى الحب والمصيبه لو تعرفى انى مازلت احبه وبيوصفونى انى اتنازل عن كرامتى مشكووره اختى ام لوجى

[أم لوجى و ملك]

حبيبتى أسماء محمد أراح الله بالك وحفظ الله ابنك ورعاه فى بداية كلامى أحب اشكرك جدا جدا على ردك الجميل وأحب أشاركك بالراى لحل مشكلتك يا رب أقدر أساعدك أنا سنى قريب جدا من سنك فعمرى هو 25 سنه وعندى بنتين لجين 3 سنوات وملك 10 شهور وأعرف تماما معنى انهيار بيت واسره ومعنى ان يولد طفل ولا يجد ابوه انا ضد الاستسلام للامر الواقع حاولى وحاولى وحاولى على قد ما تقدرى دافعى عن حق ابنك فى ان يتربى فى حضن ابوه حاولى تطلبى مقابلة زوجك على انفراد فى مكان لايوجد سواك انت وهو فقط بدون حضور احد من اهلك ولا هو طبعا واتكلمى معاه وفكريه بحبكما وحياتكما معا وانك لست السبب فى عدم انجاب اخيه وزوجته وان كلها اشياء بأمر الله سبحانه وعرفيه ان ابنه هيتولد مش هيلاقى ابوه وازاى ده هياثر عليه عرفيه ان ابنه هو اللى هيفضل وابوه وامه اكيد هيجى يوم وهيسيبوا الدنيا وهيلاقى نفسه لوحده وانه هيندم اشد الندم فى وقت لاينفع فيه الندم حاولى تقترحى عليه انك تسافرى معاه بحيث تبعدى عن اهله خالص لان وجودك معاهم فى نفس المكان مش هيحل المشكله بل هيعقدها اكتر حاولى مره واتنين دى حياة ابنك اللى جاى وما لوش ذنب فى اى شىء .وفقك الله وهدى لك زوجك ويا ريت تتابعينى بالتطورات لان مشكلتك شغلتنى كتييييييييييييييييييير اتمنى اسمع كل خير عنك باءذن الله.