[فتاة مصرية جدا]

السلام عليكم ورحمة الله وبركاته
الشعر زينة المراء وعلشان كدة لازم كلنا نحافظ عليه والنهاردة انا جايبة وصفة سهلة جدا لتطويل الشعر وبجد انا جربتها وهي وصفة فعلا ممتازة
المكونات :ـ رأس ثوم وقشريها بنفسك مجموعة زيوت (زيت أملا + زيت جوز هند + زيت زيتون + زيت لوز + زيت خروع + زيت جرجير + أي نوع آخر من الزيوت الموجودة عندك والمفيدة للشعر ) ملعقة كبيرة او اثنين من كل نوع (حسب طول شعرك)
طريقة التحضير:ـ
قومي بخلط مجموعة الزيوت على النار وقمي بوضع الثوم علي الخليط بعد فرمه ناعما جداوبمجرد ان يأخذ سخونة الزيت اطفيئي النار بسرعة ثم قومي بأخذ الخليط وضعيه على شعرك (بالثوم) ولفي شعرك بعد ذلك بالبونيه الخاص بالشعر واتركيه على شعرك مدة ثماني ساعات واغسليه جيدا بعد ذلك .

هذه الوصفة لا تقومي بها كل يوم بل يوم واحد في الاسبوع (السبت مثلا) ثم قومي بها ثانيه في السبت الذي يليه أو الجمعه ثم قومي بها في الجمعة التي تليها وهكذا لمدة ستة أسابيع ولا تقومي بها في أي يوم آخر غير الذي قمتي بتحديده لنفسك بمعنى ان تختاري يوم معين للقيام بهذا الموضوع ستلاحظين في اول مرة ان شعرك يتساقط بمعدل كبير لا تقلقي فهذا الشعر الساقط هو الشعر الضعيف او الشعر الموجود بالبصيلات الضعيفة برأسك وستتناقص كمية السقوط بالتدريج في كل اسبوع.

سبب قولي بان تختاري يوم محدد في الأسبوع هو ان الثوم يعمل على بصيلات الشعر كالمضاد الحيوي (الأنتيبوتك) وتأثير المضاد الحيوي على الجسم كما نعرف يزول ان أخذتيه بعد المحدد له (ست اوثماني او اثنى عشر ساعة حسب قوته) وان أخذتيه قبل الميعاد المحدد له تكون له أضراره على الجسم والدم (كورس كامل)
وصدقوني هذه الوصفة كما اخبرتك انا جربتها بنفسي في بيت بابا وماما (لكنهم بصراحة كانوا بيطفشوا من الرائحة) لكن النتيجة كانت أكثر من مذهلة فقد زاد معدل نمو شعري جدا وزاد لمعانه وقوته.

ملحوظه:ـ
: ان لم يكن لديكي مجموعة من الزيوت تستطيعين استخدام نوع او نوعين من الزيوت التي كتبتها فوق والزيوت التي ذكرت أسمائها هي من افضل الزيوت للشعر على الأطلاق)

تحذير :
أحذروا استخدام الأستشوار خلال فترة العلاجوجربوا بأنفسكم وأدعوا لي (بس لا تقولوا لأهلكم كي لا يدعون علي بسبب رائحة الثوم) فقط قولوا لهم بعد النتيجة النهائية
أتمني ان ينال اعجابكم

[sasoooooooooooooo]

جزاكى الله خير
انا نفسى شعرى يطول
تسلم ايديكى

[بسمة محمود محمد]

جزاكي الله كل خير

[ام سيكا]

هجربها يمكن تنفع بنتى

[فتاة مصرية جدا]

ان شاء الله تنفعكم كلكم وصدقوني انا جربته بنفسي والنتيجة كانت فوق الممتاز

[دمعه]

وصفه تحفه مرسى كتير

[ief_gha]

ان شاء الله راح اجربها وتسلم ايدكى

[ملاك الجنه]

السلام عليكم ورحمة الله وبركاته

اشكرك اختي علي الوصفه ويارب تجيب نتيجه
جزاكي الله خيرا

[batota23]

يارب تعمل نتيجة بجد انا هجربها بس ع مسئوليتك انا فرحى قرب اوعى ........................................
ميرسى ع موضوعك

[ام ايفان]

شكرا على الوصفة بس انا سامعة انك تبللين المنشفة بماء دافي قبل وضعها على الراس...
تحياتي

[ام سعيد]

تسلمى على الوصفة هيا سهلة جدا بس الريحة بتفضل كتير فى الشعر ولا إيه؟؟انا هجربها على ضمانتك أوكى!!

[فتاة مصرية جدا]

انتي عارفة اختي ان رائحة الثوم صعبة شوية بس بجد الثوم هو اللي فيه الفائدة
فعلشان كدة حاولي تغسلي شعرك كويس بالماء الدافئ والشامبو
وبعد كدة اعملي طاقية في شعرك النتيجة هتبقي احسن واحسن

[فتكوت]

مشكوووورة حبيبتى على الوصفة

[بنوته شيك]

عارفه الوصفه دى بتعتى وانا دخلت قبليكى من فتره وكتبت الوصفه دى وتعبت على ماوصلت للوصفه دى ومكتوبه بأسم لو عاوزا تطولى شعرك تعالى
دا اسم الموضوع بتاعى
ومرسى ليكى ومبروك لتثبيت موضوعك اللى هو موضوعى اصلا

[فتاة مصرية جدا]

اكيد انا اسفة بس بجد انا مقراتش الوصفة بتاعتك ديه علي المنتدي هنا ومعرفش انك اساسا كتباه
وعلي العموم الوصفة ديه عندي من زمان علي الكمبيوتر ولما اشتركت بالمنتدي قررت انزلها اول موضوع ليا علشان انا فعلا جربتها وجابت معايا نتيجة واكيد ان شاء الله هتعجب كل اللي هيجربها
ومظنش اني عرفت الوصفة ديه من الموضوع بتاعك
علي العموم شكرا لكي

[فتاة مصرية جدا]

والدليل اني مش نقلها من موضوعك اني موضوعي مختلف عنكي
مثلا انا عندي تفسير لكل طلب بالوصفة انا ملقيتش التفسير ده عندك
فاظن ان ده دليل قوي اني مختوهش من عندك

[مهوهه]

شكرا على الوصفة ولكن عندك فكرة لو الحامل تقدر تطبقها
والف شكر ليكي

[ام شوشو]

تسلمى انا اسمع عن الثوم سمع خير

[رفيدا]

شكرا على الوصفة السهلة

[prettyangel]

تسلم ايديكي عالوصفة