[رهف الوجود]

بسم الله الرحمن الرحيم
اولا كل سنة وانتم طيبين يا اجمل فتوكات فى الدنيا
انا انهاردة بئى جايبة ليكم

موضوع خفيف عن العناية بالرموش

موضوعي اليوم عن العناية فقط بالرموش

ولن أتكلم عن أمراض الرموش لان بابها واسع من تساقط وصلع وقشرة وحشرات أو خلل في إتجاه نمو الرموش وغيرها من أمراض الرموش

خلينا نتكلم الأول على الوصفات الطبيعية اللي بتحسن من الرموش وبتغذيها وبتعمل على نموها

::طبيعيــا::

1-كحل الأثمد الأصلي

عن عبد الله بن عباس رضي الله عنهما أن رسول الله صلى الله عليه وسلم قال: " إنّ مِنْ خَيْرِ أَكْحَالِكُمُ الاِثْمِدَ إنّهُ يَجُلُو الْبَصَرَ وَيُنْبِتُ الشّعَرَ " قال: وكان رسول الله صلى الله عليه وسلم إذا اكتحل يكتحل في اليمنى ثلاثة يبتدئ بها ويختم بها وفي اليسرى ثنتين [رواه الترمذي والنسائي وابن ماجة والإمام أحمد وقال الترمذي: حديث حسن]. عن ابن عباس أيضاً قال رسول الله صلى الله عليه وسلم قال: " اكتحلوا بالإثمد فإنه يجلو البصر وينبت الشعر " [رواه الترمذي وحسنه وابن ماجة، وصححه ابن حيان].

2-زيت الخروع

أكيد معظمكم جربوه للرموش قبل النوم مسحه خفيفه منه على الرموش

بعيدا عن تخصصي ((زمان أول دخولي للنت يمكن من 6 سنوات تقريبا قرأت وصفة وطبقتها واعتمدتها

زيت خروع وتضعي فيه قشرتين من قشر الليمون <<وانتبهي يكون القشر نظيف وحاولي وانتي بتقطعي القشر مايبقاش فيه ليمون علشان مايعفنش

تتركي القشور مدة أسبوع تنقع مع تقليبها كل يوم وبعدها انشليها واستخدمي الزيت

3-زيت اللوز الحلو وزيت الزيتون ((لكنهم حارين على العين إذا دخلوا فيها))

4- الفازلين الطبي

::مستحضرات طبية::

1- قطرة لاتيس Latisse

مشكلتها غالية وأعتقد لاتباع في مصر ولا الدول العربية وتشترى فقط من النت من موقعها

سعرها تقريبا فوق الـ 100 دولار

المنتج آمن
http://go2.wordpress.com/?id=725X134...onsight.com%2F

2- قطرات علاج المياة الزرقاء وعلاقتها بتطويل الرموش ((قطرة ليوميجان )) Lumigan

أشهرهم قطرة ليوميجان

وجد إن نفس المادة المستخلصة في مستحضر لاتيس السابق هي نفسها الموجودة في قطرات علاج ضغط العين المياة الزرقاء وأشهرهم قطرة ليوميجان

وفيه دكاترة مشهورين جدا في التلفزيون بينصحوا بإستخدام القطرة دي كبديل رخيص للمستحضر الغالي لاتيس

وطريقة استخدامها كالتالي بتحطي منها بريشة أو بقطنة أذن فقط على منبت الرموش مره أو مرتين باليوم

<<آثارها الجانبية>> ممكن تؤدي إلى خفض بسيط في ضغط العين وسالت دكاترة عيون فيه قالوا فعلا بتخفض ضغط العين لأن جزء منها بيدخل جوا العين

وفيه قالوا لاء دا بيدخل نسبة بسيطة جدا مش بتأثر

العرض الجانبي المهم كمان ودي شكوى مهمه واللي استخدموا القطرة دي ماعرفوش يستحملوا العرض دا وهي الهالات السوداء الشديدة جدا

رأيي الشخصي في المنتج:

لا أنصح به أبدا مهما كانت مشكلة الرموش خوفا من الأعراض الجانبية المصاحبة سواء ضغط العين أو الهالات السوداء الناتجة منه

مش معنى إن المريض عايز طلب إني أقوله على حلول فيها أذى عليه والإسم إني نفذت طلبه وحليت مشكلته

3- ماسكرا فولتين Foltene

ماسكرا طبية تبتباع بالصيدليات

بتعمل على تكثيف الرموش

المنتج آمن

4-ماسكرا إكرينال

مقوي للرموش ومكثف للرمش

المنتج آمن

5- مستحضر مافالا لتكثيف الرموش ((دابل لاش)) Double-Lash

مشهور وقديم ونتيجته كويسه جدا

المنتج آمن

الرموش مثلها مثل أي جزء من الجسم بيحتاج عناية دائمة علشان تبان نتيجة العناية والإهتمام
لو الموضوع عجبكم يا ريت تقيمو ومتنسوش التقييم والدعوة الحلوة

[البرنسيسة نوجا]

جزاكي الله كل خير

[ام محمود2004]

مشكورة ياقمر

[طريقى الى الجنة]

جزاكى الله خيرا جزيلا


انا كنت بدور على حاجة للرموش

بس معلش عايزة اسالك سؤال انا من 3 سنين كانت رموشى طويلة ودلوقتى حسيت انها قصرت جدا وخايفة مايبقاش فى رموش انتى طيب جربتى اى منتج من دول

او وصفة جابت نتيجة وياريت اسعارهم وجزاكى الله خيرا

[حنية الدنيا]

شكرا علي المعلومات الجامده دي

[tota & baskota]

جزاكي الله خيرا

[Hend1]

انا جربت زيت الخروع هاااااااايل بجد

[lonely love]

تسسسسسسسسسسسسسسسسسلم ايدك يا قمر
رمضان كريم يا حبببتى تسلمى موضوع جميييييل اوى

[م.م.م حبايب ماما]

شكرا يا قمر بس المنتجات ده انتى مجرباه يعنى نتيجتها حلوة وبتبان فى اد ايه

[طيف الحياةm]

جميل جداااا بس ياريت تقولى الحاجات الى هيه الماسكرات دى اسعارها ايه