[فتاة مصرية جدا]

كل واحد فينا بيحتاج ان حد يسمعو ويفضفض له بدون ميخجل من شي
ودلوقتي تقدري تقولي اللي انتي عايزه وبكل صراحة ولو عندك سؤال تقدري تساليه وانا اكيد هحاول اساعدك ........ومش انا وبس لا
كمان كل اعضاء المنتدي هيحاولو يساعدوكي
ويدوكي رايهم في الموضوع وانتي مش هتخسري حاجة ابدا
وكمان تقدري تعتبريني صديقة ليكي ولو مش عايزة مشكلتك تظهر لكل الاعضاء
تقدري تبعديهالي علي الرسائل الخاصة
مستنية ايه انا منتظرة مشكلتك وان شاء الله اقدر احلها

[انا ليه دايما خايفه]

موضوعك جميل اوووووى شكرا وانا هقول كل اللى فى قلبى
بس انا قلبى كبير اووى

[فتاة مصرية جدا]

قولي كل اللي في قلبك وانا اكيد هحاول اساعدك

[سوكة الددة البيضة]

بصى يا ستى انتى الى طلبتى ...

جوزى العزير....مش بيساعدنى فى المذاكرة لذياد خاااااااااااااااالص
وبيبقى قاعد موراهوش حاجة وبيتفرج على التليفزيون ولما اطلب منه يقعد مع الولد علشان يحفظه قران مثلا....
يفرك ويحرك ويبص يمين ويبص شمال ...ويقولى بصراحة يا ننه مفييش دماغ.

مع انى ساعات احس ان الولد هو الى عايز يقول لباباه على الحاجات الجديدة الى هو حفظها....
دبرنى يا وزير.

[asmaa ebrahim]

مشكلتي اني دايما خايفة مش حسا بالامان بخاف دايما من بكرة

[فتاة مصرية جدا]

عزيزتي أسماء الاحساس ده عند كل الناس لكن بنسب متفاوته والاحساس بالخوف من بكرة كتر اوي اليومين دول علشان مبقاش في امان في الدنيا وكلنا بنقول لما دلوقتي بيحصل كدة أمال بكرة هيحصل ايه؟
انا معاكي في احساسك ده , بس مفيش احلا من الواسطة في كل حاجة خلي ديما عندك باحساس بالخوف من بكرا علشان تقدري تستفيدي من الحاضر وكمان تعملي حساب للمستقبل
بس افتكري اننا احنا اللي بنصنع بكرا بتاعنا ولو عملتي حساب لبكرا يبقي مفيش الداعي انك تخافي منه
ويمكن احساسك بالخوف ده ناتج من وحدتك وانفرادك بنفسك لان الوحدة كتير بتحسس بالخوف
حاولي ان يكون لكي اصحاب ومعارف تتكلمي معاهم وتتطمني ليهم في الكلام وتحسي بالصدق في حياتك وبكدة هيقل مقدار الخوف من حياتك بالتتابع
واتمني من الله ان يزيل عنك ذلك الاحساس المخيف

[منااااااال]

مشكورة على الموضوع الجميل داه

اكيد حؤلك كلي يلي بالبي

[منااااااال]

انا جوزي مبصارحنيش بمشاعرو وداه بدايقني اوي
انا محتاجة عطفتو محتاجةللكلام الحلو اتصوري اخر مرة قلي فيها كلمة بحبك كانت من 3 اشهر وانا بحب اقولهالي كل يوم وكمان اكتر حاجة بدايقني انو لما بعاشرني بظل ساكت مبيتكلمشي خالص كاني مجرد جسد من غير روح ولا قلب

شكرا ليكي على الموضوع الجميل

[فتاة مصرية جدا]

عزيزتي ساندي :ـ
عدم مشاركة الرجال في الحياة الاسرية مشكلة بتقابل معظم الزوجات وخصوصا زوجات العرب وده لان الرجال دائما يشعرون بعدم الرضا عند مساعدة زوجاتهم وان ذلك تقليل من شانهم وان الرجال تختصر واجباتهم الزوجية علي الانفاق علي الاسرة ماديا .
ولكن علينا ان نعلم ان معاملة الرجال تشبه معامل الاطفال فعليك ان تسيسيه وتراضيه وتكسبي ثقته وتجعليه يشعر بالرضا عند مساعدتك في المنزل
فاجعليه اولا يحب مساعدتك في المنزل دون ان تطلبي منه, كما ان عليكي تخبري زوجك بان مستقبل ابنه بين ايديكم انتم الاثنين وليس فرد بمفرده وليعلم ان تعليمه طفله منذ الصغر هو اساسا لمستقبله ولتحولي اقناعه بان ابنكم لا يرغب في المذاكرة معك ولكنه يريد المذاكرة معه هو
ولا اظن ان زوجك العزيز لا يهمه مستقبل ابنه .

[فتاة مصرية جدا]

عزيزتي منااااااااااااال:ـ
الحب ليس بالكلام وليس بلفظ كلمة بحبك الحب تضحية وافعال وبراهين تدلل علي حب زوجك لكي
وعلي الرغم من ذلك انا اعلم ان كل زوجة تحب ان تسمع تلك الكلمة من زوجها فعليكي اتباع الاتي:ـ
1ـ لا تكثري من كلمة احبك له لانه بالتالي يشعر ان تلك الكلمة كلمة معتادة القول وبالتتابع هيقل اثر تلك الكلمة في اذنيه
كما لا تطلبي منه ان يقول لكي كلمة " بحبك " لانه سيشعر انه مجبر علي قوله وبالتالي هتقل رغبته في قول تلك الكلمة.
2ـ التجديد عنصر التجديد يجعل الحياة اكثر حيوية ونعومة فعليكي ان تجددي من نفسك بتغير لون شعرك او بتجديد استيل ملابسك او تغير نوع رائحتك وبالتالي فانه دائما سيشعر انه يعيش كل يوم مع زوجة جديدة
ولتعلمي ان طبيعة الرجل التجديد والتغير .
3_ ربما انه لا يتحدث معكي بسبب بعد المسافة العقلية والثقافية بينكم فحاولي ان تقتربي من كل شى يميل اليه وان تقتربي اكثر من تفكيره وعقله وبذلك سيشعر معكي بالارتياح في التحدث ويخبرك عن مشاكله وهمومه ويتعود علي التحدث معكي في كافة امور الحياة
_ اما بالنسبة للمعاشرة بينكم حاولي ان تتحدثي معاه اثناء المعاشرة وتفاتيحيه في اي موضوع ولكن تجنبي ان يكون ذلك الموضوع موضوع يسبب ضيقه او غضبه.
واتمني من الله ان يقرب المسافة بينكم

[منااااااال]

اشكرك يا اختي على النصائح الهايلة
وحعمل بيها انشالله
ربنا اخليكي لينا

[نيللى]

شكرا ليكى على موضوعك الهايل دة

[حبيبةزوجها:-)]

مصريه شكرا على موضوعك الجميل .. انا بعتلك رساله خاصه ياريت تردي عليا ولو اني معتقدش الاقي حل غير عند ربنا..بس ممكن يبعتلي الحل عن طريقك ..
ربنا يوفقك لكل خير بمساعدتك للآخرين

[مدام ديدى]

موضوعك جميل ربنا يقدرك وتقدرى تحلى مشاكل الاخوات
جزاكى الله خير عنا ونفع بكى المسلمين

[سوكة الددة البيضة]

مشكورة يا قمر على الأهتمام بمشكلتى

[ام حمادة]

جزاكى الله خير

[mas171]

مشكورة غاليتي على الموضوع الجميل وجعلك ذخرآ لبنات فتكات

[بسمة محمود محمد]

انا بحث بلوحده اعمل ايه

[mon]

مشكر على الموضوع وربنا يقدرك عليه

[فتاة مصرية جدا]

ربنا يخليكم ليا يارب