[om yoyo]

يا حلوين الطريقة سهلة جدا جدا ما تتخضوش علشان انا هشرحه بالتفصيل

الكسكسي

المقادير
6كوب كبيرة دقيق منخول
كوب الا ربع سمن+زبد فلاحي
حوالي 2كوب ماء بارد مضاف اليه ملعقة صغيرة ملح

الطريقة

1. ينخل الدقيق و يوضع في اناء واسع
2. يذاب الملح في الماء
3. يرش الدقيق بالماء رشا خفيفا و يبس باليد (يفرك باليد)
4. يرش ثانيا ويبس مرة اخري حتي تتكون كرات رقيقة
5. يوضع العجين في منخل ضيق نوعا ما و يفرك حتي تتساقط الحبيبات الصغيرة والدقيق
6. الذي تساقط من المنخل هو( الكسكسي ) ناخذه و نضعه في منخل اخر ضيق حتي نتخلص من الدقيق الزائد
7. ثم ناخذه و نضعه في اناء اخر
8. يضاف الدقيق المتبقي من عملية النخل الي العجين وكذلك كرات العجين الكبيرة التي تبقت من عملية النخل الاولي
9. يرش بالماء مرة اخري و يبس و يفرك و ينخل و نكرر الخطوات السابقة حتي نتخلص من مقدار العجين بالكامل
10. كده اصبح لديك كمية الكسكسي ياله بينا نسويه

طريقة الطهي

1. نحضر حلة واسعة و عميقة و نملاها بالماء الي نصفها
2. نضع مصفاه فوق الحلة بنفس مقاسها و نضع عليها قطعة قماش بيضاء
3. نضع الحلة علي النار حتي تغلي
4. نضع الكسكسي في شاشة او قماش ابيض خفيف جدا ونطبق الشاشة زي الظرف بعد طبعا مانضع فيها الكسكسي ونرفعة علي النار
5. نغطي الكسكسي بغطاء الحلة ويترك علي النار لمدة ربع ساعة
6. نرفع الشاشة من علي النار و نفرغ الكسكسي في بلاستيكة كبيرة ونفركه حتي تنفصل الحبيبات عن بعضها و نتركها حتي تبرد شوية
7. في اللحظة دي نزود مقدار الماء في الحلة علشان الغليان بينقصها طبعا
8. يعاد الكسكسي مرة اخري الي الشاشة و يوضع علي المصفاه و يغطي و يوضع علي النار مرة اخري لمدة ربع ساعة
9. يفرغ الكسكسي كله بعد اتمام عملية الطهي في البلاستيكة
10. يقلب حتي يتفكك من بعضه

طريقة التقديم

ناخذ المقدار الكافي لنا و نضعه في طبق كريستال ثم نضع عليه ملعقة سمن فلاحي
و نقلبه جيدا ثم نضع عليه السكر البودرة (كمية السكر و السمن حسب رغبتك)
ثم نضع من فوق ملعقة كبيرة مكسرات مفرية و نجمله بوحدات لوز ان وجدت

ملحوظة

والهي مرة ثانية الطريقة سهلة بس هي طويلة شوية بس بصراحة المتعب في عميله النخل المتعدد بس كله يهون مع طعمه اللي بيبقي تحفة

جربوه و قولوا لي ايه الاخبار ياحلوين

[nona79]

طيب جيبي كسكسي جاهز يا يويو انا حاجربه مع اني مش متخيلة الكسكسي
حلو عشان احنا بنطبخة باللحمة والخضار

[om yoyo]

حبيبي الكسكسي جربية مرة واحدة حلو هيعجبك جدا
علي فكرة حاليا في سبوع المولود بيعملوا كميات كبيرة كسكسي حلو و يتقدم مع المغات للضيوف

[مرام شريف]

على فكرة انا بعمل الكسكسى فى كبة الخلاط بدل المنخل والطريقة دية اسهل واسرع وبتدى نفس النتيجة

[reham10]

طريقة حلوة لو تسمح يا ام يويو عايزة طرق البسكويت وحلويات العيد والكب كيك وشكرا

[ALZAHRAA]

مشكوره انا بحبه وبموت فيه

[hany]

ربنا يعطيكى العافيه والصحه وتسلم الايادى وبالنسبه للكسكسى الليبى فهو يختلف عن المصرى الكسكسى المصرى دقيق فرينا فقط اما الكسكسى الليبى دقيق فرينا+دقيق سميد وياكل بالطبيخة والخضاروالاثنين احلى واطعم من بعض مع تحياتى

[rwan]

شكرااا ياجميل

تسلم الايادى

[فيفي1]

طريقة حلوة لو تسمح يا ام يويو عايزة طرق البسكويت وحلويات العيد والكب كيك وشكرا

انا اكلته في تونس منذ عشرين سنة ولد الان مانسى طعمته كتير لذيذ

[nar83]

:dياااااااااااااطيبة قلبك انتى فعلا بتعمليه من الالف للياء دنا حتى مبعرفش اعملالجاهز عاشت اديكى والهى