|
طريقة رائعة لعمل الدجاج المحشى بالجبن والبقدونس
طعمة بشكل انا ياجماعة بجد زهقت من الفراخ واللحمة كل يوم وبنفس الطريقة خصوصا الفراخ عندنا هنا مش حلوة زى مصر فجبت طريقة لذيذة اوى وسهلة وكانك طلبتيها فى مطعم بصو بقى يافتوكات ركزو معايا
 هنجب صدور الفراخ طبعا بتبقى كبيرة هنتبلها بالملح والفلفل والنعنع الناشف هنقطعها حتت رقيق بالطول والى عاوز يدقها عشان يفردها اكتر يدقها مفيش مشكلة خالص ثم نجيب بقى قطعة جبن رومى قطعة جبن شيدر قطعة زبد وبقدونس مفروم كترى بيبقى حلو تعجنو الخلطة دى مع بعض فى طبق يا حبايبى بعد ماتبشرو كل حاجة عشان تعرفو تدمجوهم وتحطوها جوا كل قطعة صدربملعقة صغيرة عشان تتحكمووتخلوها مبقلبظة وتقفلوها عليها بالخلة او بابرة وخيط كل واحدة يكرر نفس الخطوات ماشى وبعدين عنكو طريقتين واحده ياما تحطوها بالبيض والبقسماط وتقلوها بتبقى لذيذة وتخلص بسرعة يأما تحطوها فى صنيه وتدخلوها الفرن وتوسطنو درجة حرارته بحيث تبقى مشوية قليلة الدسم وهيا فى كلتا الحالتين طعمة واما تخرج من الفرن رشو الموتزرلة فوق وشها ودخلوها المكرويف تسيح وخلو اجوزكم ميكلوش عند مامتهم بعد النهاردة   
التعديل الأخير تم بواسطة : nar83 بتاريخ 2-5-2008 الساعة 11:20 ص.
|
NERMOO
