[أم احمد]

كنت مطلقة وعندى ولد عمرة 4 سنين وعايشة فىبلد عربى بشتغل واتعرفت على طبيب حبنى وحبيتة جدا هو عمرى كلة اتزوجنا والحمد للة لكن من غير اهله مايعرفو وهو كان متزوج عشنا فى البلد دى حوالى سنتين عشت معه بما يرضى الله والله العظيم وبعدين اهلة عرفو بس مش متأكدين لغاية دلوقتى المهم مراتة طلبت الطلاق لكن للعلم هى كانت مش بتحبة فعلا طلقها وهربنا من اهلة وجينا على مصر هو بيكمل دراسات عليا هنا لكن مش مستريح فى مصر عايز يلغىالدراسة ويسافر بلد عربى يشتغل فيها وانا وابنى نفضل بمصر بس انا خايفة أهلة يضغطو علية ويطلقنى للعلم ربنا مارزقنا بأطفال لانه لا ينجب اعمل أه انا مش متخيلة حياتى من غيرة وياأخواتى الطلاق صعب اوى ربنا مايكتبة على حد فيكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
ساعدونى يا أخواتى برئيكم
http://forums.fatakat.com/thread19013

[wella]

هو انتي كنتي عايشه في البلد دي لوحدك واهلك فين من ده كله وايه اللي مخوفك من الطلاق انتو اصلا اتجوزتو وكنتو عايشين بره

[أم احمد]

ايوة كنت عايشة فى البلد لوحدى لكنى
اتجوزت بعلم اهلى واتجوزت بمصر

[a_raafat]

انا رايى انك تسافرى معاه وربنا معاكم

[wella]

مادام انتي بتحبيه وهو بيحبك خايفه ليه دوري علي راحته عشان هو كمان يدور علي راحتك ومتخافيش اللي كاتبه ربنا هو اللي هيكون سواء هنا او هناك توكلي علي الله وسافري معاه

[أم لوجى و ملك]

انا رأيى انك تحاولى تسافرى معاه

[سوكة الددة البيضة]

والله لو هو بيحبك زى ما انتى بتحبيه ...وانتى متأكدة من كده ؟؟؟؟
يبقى تسافرى معاه طبعا ....لأن ان شايفة انه ممكن يطلقك لو مردتيش تسافرى معاه مش لو سافرتى معاه....ومهما اهله ضغطو عليه ..محدش بيطلق حد بيحبه يا قمر.

وربنا يهديكى للفيه الخير ..وراحة زوجك..

[m.moon]

انا اسفة يا ام احمد ممكن راييى يكون صعب شويه بس البدايه غلط انتوا مافكرتوش من جميع النواحى وان ممكن ييجى يوم زى كده طبعا ربنا معاكم ورايى لازم
هو ياخد خطوة ايجابية انتى عملتى معاه اللى عليكى ولازم يتمسك بيكى

[nona79]

توكلي علي الله وسافري معاه عشان تكوني مرتاحة ربنا يسعدك

[ليالي الحنين]

أختي الكريمة أم أحمد ما دام أنتي بتحبيه وهو بيحبك يبقي مفيش غير أنك تكوني معاه وبجواره أينما يكون ولازام تعرفي أن وجودك جانبه هايخليه متمسك بيكي أكثر وحاولي تشوفي راحته في أيه وأعمليه وكمان راحتك انتي كمان هاتكون معاه 00 ربنا يوفقكم ويكتب لكم الخير 00 ولا تقلقي من أهله لازام هو يواجهم ويأخذ خطوة إيجابية لو بيحبك وباقي عليكي 00 والله ييسر لكي كل الآمور ويسعدكم 0000