[المخملية]

الاخت الكريمة ام روان انا ايضا عندي معرفة في العلوم الروحيةوقد رة على تفسير الاحلام وبشكل جيد وصحيح ارجو منك ان تجربيني اختك المخملية

[raghoda]

مساء الخير ام روان انا حلمت ان انا واقفه فى مكان قرب البحر مع صحبتى ومره واحده لقيت مياه البحر طلعت بره فى الشارع و ملقيتش صحبتى مش جانبى و المياه ابتدت تعلى اوى حسيت ان ده يوم القيامه و اعدت اقول يا جماعه القيامه قامت اتشهدوا اتشهدوا ومره واحده المياه عليت جيدا جيدا وكل الناس بتطفوا على وجه المياه و لقيت ماما وبابا بجانبى وفى كرسى ماما ماسكه فيه وكل الناس بتعوم علشان تنقذ نفسها و المفروض ان فى جامع على مسافه بعيده واللى حيوصله حينق1 ويدخل الجنه و ابتدى الصراع بين الناس وبابا بقى عمال ينزل فى الناس فى قاع المياه علشان ينقذ نفسه و فى ناس اخرى بتقع من نفسها .... و فجأه لقيت نفسى بطير فوق المياه و ابواب الجامع بتفتح ليا ودخلاه وانا طايره و بقول اشهد ان لا اله الله و اشهد ان محمد رسول الله بصوت عالى و محدش دخل ورايا الجامع .....
اسفه جيدا على التطويل

[ماجدة حسن جمال]

ياام روان انا حلمتان مرات اخويا ماسكه اخويا ونزليين البحر لوحدهم ومافيش حد فى البحر وانا وناس كتيرة بنتفرج عليهم من بعيد تقريبن منبيت ازاز ومتعجبيين ارجو الرد سريعن لانى قلقانة

[ملايكة]

مرسى جدا جدا ياقمر انا مش ازعل من خخالص

[drnahla]

ازيك ام روان
انا امبارح حلمت بنفس حلم رغودة حاجة غريبة
بس الاختلاف انى كنت مع ناس لا عرفهم فى الدور التانى من بيتنا القديم
وفجاة جات علينا مية البحر وغطتنا
وبعدين رجعت الموجة وكل شوية ترتفع مياه البحر وتغطينا
ثم ترجع للخلف ولما تهدا الموجة لقيت امى لسه قاعدة تحت فى الدور الاول
نزلت ليها وقاتلها انتى مش خايفة
احنا خلاص هنموت
قالت لا
ادعى وقولى
اللهم انى لا اسالك رد القضاء ولكنى اسالك اللطف فيه
وانا ببص للبحر لقيته بدا يرتفع تانى وهيغرقنا ويفطسنا
وانتهى حلمى
هل من تفسير
ومبروك ع جعل موضوعك من المواضيع الرئيسية فى مقدمة المنتدى

[أميرة الرومانسيه]

أنا بحلم حلم كل يوم بيجيلى انى داخلة امتحان وماسكه الورقه ومش عارفه أحل أى حاجه فيها ياريت تردى على يا أم روان ..شكرا ليكى..وبجد ياريت نبأه أصدقاء

[um_tareq]

شكرا حبيبتي على التفسير

[أم روان]

مساء الخير يا جماعه ردود سريعه
الاول بشكر كل الى ردو على تفسيرى لاحلامهم
وكمان بشكر الى هنونى على التثبيت
والى زعلان من تاخير التفسير هاحاول حل المشكله دى بكتابه الاسماء بالترتيب والتفسير بالترتيب وربنا معايا
وبرحب بالاخت المخمليه على وجودها معايا ولازم ان شاء الله تفسر حلم من احلامى الخاصه
اما الاخت ام تسبيح الظاهر انها نسيت تكتب حلمها
ولو اتاخرت شويه هاروح منكم فين هالف الف وارجع تانى

[المشتاقه لحب الله]

حلمت انى لابسه صابو الماظ بكعب وماشيه فرحانه جدااا انى لابساه

فى احلام خاصه ممكن ابعتهالك على الخاص

[المشتاقه لحب الله]

وفيه دعاء بحاجه بتمنى من ربنا انها تتحقق

حلمت انى كنت ادعو بهذا الدعا وانا رافعه يدى للسماء وكانت النيا تمطر

وحلمت انى ادعو بنفس الدعاءوانا قاعده على السجاده بعد الصلاه ومتجهه للقبله


وحلمت انى ادعو بنفس الدعاء وانا واقفه على الارض عادى

فهل ان شاء الله هيتحقق اللى بتمناه

[drnahla]

انتى بتتقلى علينا ام روان
وبعدين طيب ردى ع اى حد يا جميل
تمشى كدا وما تعبرناش

[أم روان]

معلش ياد نهله والله مش بتقل
معلش يا جماعه بنتى عندها امتحان بكره يالله نبداء

[drnahla]

خلاص يا جميل بيتك اولى بك
والله فعلا احنا تقلنا عليكى
ربنا معاها ويسهلها كل امر عسير

بس شكلها لسه ف ابتدائى

[hager aly]

ازيك يا ام مروان ويارب موضوعك ده يفضل متثبت على طول

انا حلمت بثعبان كبير بيهاجمنا انا وابويا اخضر وتخين اوى وداخل شقتنا من الشباك ياريت تفسرهولى

وياريت تقوليلى انا ليه على طول بحلم بصراصير وابراص مش عارفه ليه

[اخلاق]

انا قليل ما بتذكر بس اللي بتذكرو انو انا دايما في بيت وسيع وحوالي شجر وخضار بس البيت بلاطو مقبوع

[أم روان]

رضا محمد
قد يترك زوجك عمله ثم يعود اليه مره اخرى اويدخل فى عمل احسن منه
وأسأل الله لك العافيه

[أم روان]

أمة الله
سيأتيك رزق من سفر ان شاء الله ويلتبس عليك امر من امور الدنيا ووجود الجامع فى رؤياك هو فصل بين الحلال والحرام وقد يأتيك رزق من أرث

[أم روان]

رضوى30-70
هذه الرؤيا فيها بشرى لك ولصديقتك
لك معرفة امور الدين وتذوق حلاوة الايمان ولصديقتك تزوجها برجل شريف كثير البركه

[المشتاقه لحب الله]

ام روان انا منتظره تفسيرحلمى


هو قرب ولا لسه

[أم روان]

ام مياده سينال ابنك مكانه عاليه وعلم بالدين ان شاء الله