[المحتسبة عند الله]

بالله عليكم يا اخوات الى عندة علم اوخلفية بالموضوع دة يطمنى اصل انا ولادى متعودين يفطروا فينو باللبن وممكن كمان يتعشوا سنوتشات فينو ودة بشكل يومى وواحدة صحبتى قالتلى انتى كدة هتجيبلهم انيميييييييييييييييا ومن ساعتها وانا مرعوبة ارجووووووووووووكم افيدونى

[mrmra]

انا اللى اعرفة ان الرغيف الفينو بيتخن بطريقة فظيعة
ويعنى كانة بيفرش فى البطن ههههههههههههه مش عارفة اوصف

[الاميرة نور ام عيسي]

لا يا حبيبتي اطمني مش هيجيب انيميا ان شاء الله
الفكرة بس ان القمح اللي ربنا خلقه بيكون فيه الياف وفيتامينات كتير اوي
البني ادم بقي بتدخله وحشريته اخد من القمح الجزء اللي بيعجبه وساب الباقي اللي هو القشرة الخرجية
وطبعا لا يخفي عليكي ان اكل القمح الكامل افيد بكثير ومنظم اكثر للسكر في الدم وكمان مفيد للجهاز الهضمي انما الفينو مش صحي للجهاز الهضمي والدقيق الابيض ده بيسموه صمغ المعدة لانه بيلبد جوة البطن
وفيه حل وسط لو اولادك بيحبوا الفينو فيه فينو اسمر ده طعمه حلو وطري زي الفينو العادي بس معمول من دقيق القمح الكامل

[eng x]

مين قال ان الفينو بيجيب انيميا ؟
انا في البيت عندي طول عمرنا بنفطر بفينو و الحمد لله مفيش انيميا غيري انا بس و ده عشان اكلي قليل مش اكتر

[نـــــور الجنـــــه]

لااااااااااااااااااااااااااااااااااا
معتش غير العيش كمان هيطلع عليه اشاعات
كفايانا ممنوعات ده حتي دوا البرد والمغص والكحه بقيت اخاف اديهم لبنتي
وبعدين ما انا وانتي وغيرنا اتربيسنا عالفينو والفينو مش من انهارده ده من قديم الازل والحمد لله معظمنا معندناش انيميا
وبعدين الانيما بتيجي من عدم اخد كميه حديد مناسبه في الاكل زي اللحمه والكبده والعسل الاسود وغيرها
ان مكانش عاجبنا الفينو نبعته الصومال ولا نبعته في المجاعات للعيال اللي مش باين فيها غير الهيكل العظمي اكيد هناك مش هيعملهم انيميا
اللهم لك الحمد والشكر حمدا كثيرا طيبا مباركا فيه مليء السماوات ومليء الارض كما ينبغي لجلال وجهك وعظيم سلطانك

[البرنسيسه ريم]

انا اعرف انه بيتخن جامد

غير مسمعتش عنه ولا انيميا ولا حاجة

[المحتسبة عند الله]

ما انا ولادى بيكلوة كل يوم ولابيتخنوا ولاحاجة باردو انا مفهمش يعنى هو مضر فعلا وبيجيب انيميا ولااتوكل على الله وافطرهم زى ما هما متعودينننن

[المحتسبة عند الله]

شفتو بقى ادينى مش عارفة اعمل اية انا لسة معرفتش امنعة ولا ااكلهلهم

[alaam]

اتطمنى مرضى السكر بس اللي ممنوعين منه
وهو بيتخن بس مش اكتر
ربنا يحفظلك ولادك من كل شر آمين

[ريحانة الجنة]

شوفى يا حبيبتى موضوع انه بيجيب انيميا ده مش صحيح الانيميا بتيجى لما نقلل من الاغذية التى تحتوى على الحديد وكمان شرب الشاى بعد الاكل مباشرة لانه بيمنع امتصاص الحديد فى الجسم( يعنى المفروض نبطل نحبس بكوباية شاى بعد الاكل) لكن اولاد اختى تقريبا عايشين على الفينو وبدات تظهر فى وشوشهم بقع بيضة دكتور الامراض الجلدية قال نتيجة الاكثار من الفينو والتقليل من العيش البلدى لان الفينو مفيهوش فيتامين B االموجود فى الردة اللى هيه احد مكونات العيش البلدى وكمان خدوا بالكوا انه بيعمل امساك وده مش بس العيش الفينو لا ده كل المخبوزات اللى بتعتمد على الدقيق الابيض لان مفيهوش الياف