[أسعد أم]

اولا انا سعيدة جدا لانضمامي ليكم لانكم رائعات. ستات- اقصد- فتوكات ممتازات عشان كده عندي امل ان حل مشكلتي باذن الله يكون عندكم
انا اسعد ام لبنتي منة سنها سنة ونص بس منة بتنام بالنهار وتصحى بالليل تنام 10 صباحا وتصحى 6 مساء ترجع تنام ساعتين من 12 ل 2 صباحا وتصحى لحد 10 وهكذا حاولت كتير اغير النظام السئ ده بس مش عارفة وكمان هي لحد دلوقتي مش بتمشي لوحدها بتسند لكن بتستسهل الزحف وخايفة يكون لقلة نومها ونظام نومها الفاسد علاقة بده
طولت عليكم بس يارب الاقي عندكم حل وآسفة جدا للاطالة

اذا اعجبك الموضوع و اردت نشره في المنتديات الاخرى فاستخدمي هذا الرابط:
حبيباتي محتاجة رأيكم
http://forums.fatakat.com/thread19123

[أم الطيب]

بالنسبة لنومها حاولي تشغليها أوي طول النهار وليكن توديها جنينة وللامكان فيه لعب أطفال على أد سنها وشبعيهال قدر الامكان طول النهار وزي ما المهندسة ماجدة كانت بتقول لرحاب اطفي كل انوار الشقة وماتقوميش خالص لما تصحى، ولو بترضع افطميها بالليل وأكليها كويس بالنهار.
وبالنسبة للمشي حاولي دايما تمسكيها من ايد واتحدة وتخليها تمشي ولو بتطلع ضروس يبقى سيبيها شوية علشان العظم مايضعفش لانه بيتسحب للأسنان
ربنا يعينك عليها

[أسعد أم]

جزاكي الله خيرا حبيبتي ام الطيب ولكن المشكلة انها بتصحى اصلا 6 المغرب ولكن هحاول اتبع نصيحتك ودعواتكم لي وان شا ءالله يكون خير والف شكر حبيبتي على ردك

[hana]

زى ما قلتلك أم الطيب حولى تلعبى معاها واشغليها باى حاجة وماتخلهاش تنام بالنهار وبالليل من كتر التعب هتنام واهم حاجه تطفى نور الشقة كله واى اصوات عاليه انا بعمل كده مع بنتى لما تاجى تنام وان شاء الله نومها يظبط وعلشان المشى اهم حاجه عليكى بالتغذية الكويسة واكليها ذبادى وصفار البيض والخضار المسلوق والفاكهة واديها فتامينات ومعلش لازم تعريضيها على دكتور يكتبلك على فيتامين كويس وعلشان كمان تطمنى عليها وان شاء الله خير
وربنا يطمنك عليها ويباركلك فيها .

[اصون كرامتى قبل حبى]

والله يا حبيبتى انا عندى نفس المشكله
تعالى نحط همك على همى ونستنى الردود ويارب يكون فى حل

[nehad]

أهلا بيكي يا اسعد ام
وربنا معاكي يا حبيبي
بس اعماي زي ما قالولك و ربنا معاكي

[ام حمادة]

حاولى تصحيها بالنهار باى طريقه ولو ليوم واحد نهارا واعطيها حاجه ساخنه ليلا حتنام طول الليل وبعد زلك حتتعود وربنا يهديها لكى

[سوكة الددة البيضة]

والله يا اسعد ام دى كانت نفس مشكلتى فى فترة ما كان ذياد فى نفس سن بنوتتك
بس صدقينى الحل مش فى وصفة ....
الحل من وجه نظرى وببساطة انك انتى مواعيد نومك تتظبت.....
عارفة يا توتة الدليل على كلامى انك متلاقيش واحدة بتشتغل ومواعيدها مظبوطة بتشتكى شكوتنا دى ابداااااااا ..الا لو كان النونو فى حاجة لا قضر الله ..

ربنا يوفقك ويهدى النونة ...

[راندام]

السلام عليكم و رحمة الله و بركاته يا أسعد أم فأنا رأى من رأى أم الطيب أضا" معلش لازم تتعبى شويه فى الموضوع ده علشان صحه الطفل .فقلة النوم تجعله عصبى جدا" أيضا" فمن الممكن أن تصحيها الساعه مثلا الواحده و حاولى الهائها بأى شىء خروج لأقارب عندهم أطفال أو غير ذلك و عند الساعة السابعة أعطى لها حماما" دافىء مع عشاء خفيف و أطفئى الأنوار مع الهدؤ
على فكرة أنا عملت كده فعلا" و كانت النتيجه هائله مع تكرار ذلك دون كسل يوميا"
و ربنا يقويكى يا أسعد أم (الجنه تحت أقدام الأمهات)

[أسعد أم]

جزاكم الله كل الخير اخواتي في الحقيقة انا عملت كده وتقريبا المشكلة اتحلت والف شكر ليكم انتم فعلا نعم الاخوات

[أسعد أم]

في الحقيقة انا كتا فقدت الامل ان في حد تاني يرد بس لما شوفت ردودكم فرحت جدا جزاكم الله خيرا

[سهم النور]

انا طفلة و سوف افهم ابنتك اتعرفين لماذا لانها تشعر بالملل العبي معها او ان تعبت من اللعب معها خبيئي لعبة و قولي لها ابحثي عنها و ان وجدتها اعطيها و لو حلوى و ستشعر بالمتعة

[أسعد أم]

جزاكى الله خيرا طفلتي سهم النور

[umaesha]

حبيبتى اسعدام بنتى عندها سنة وسبعة شهور لسه مخلصة المشكلة دى من اسبوعين ازاى
حيت اخر مزهقت منمناش طوال الليل وبعد الفجر خرجنا روحنا عند ماما يومنمتش الا الساعة11 كلده صاحية ثم نامت على ايدى ساعة بالظبط ومتطحتهاش على السرير بالنهار نهائى علشان متنمش اكتر من ساعة وجينا بليل نامت الساعة 11 لحد الساعة7 الصبح ثم اكلت ثم نامت تانى لحد الساعة11 يعنى حوالى 12 ساعة وهى فترة كافية لنمو الطفل وهو نائم وانا عملت دوشة وفتحت الشيش ودخلت الشمس فصحيت واكلت ثم نامت الساعة3 وانا برضه خلتها نامت ساعتين وفتحت الكومبيوتر واعد اعاكس فيها واصحيها بدلع وزغزغة وصحيت واتغدتن وعليها والحمد لله انتظم نومها
معليش طولت عليكى بس حبيت اوضح لكى الطريقة

[umaesha]

بالنسبة للمشى فى حقن ممكن تجبيها من الصيدلية هم 5 حقن انشاء الله بعد3 حقن هتمشى على طول انا ادتهم لبنتى
شكل كده بنتك فيها نفس صفات بنتى

[ام شوشو]

حبيبتى اهم حاجة الصبر فى تربية الاطفال
وربنا يهديهلك ان شاء الله

[أسعد أم]

حبيبتي ام عائشة جزاكي الله خيرا كثيرا وهحاول ان شاء الله استفيد من تجربتك وعلى فكرة انا كان نفسي اسمي بنتي عائشة جدا بس قوليلي الحقن دي دكتور قالك عليهم ولا الاحسن اعرضها على دكتور اللي مخليني صابرة انها زي ما قالت ام الطيب بتطلع ضروس
ربنا يباركلك في بنوتك ويبارك فيكي اختي

[أسعد أم]

جزاكي الله خيرا حبيبتي ام شوشو دعواتك

[umaesha]

حبيبتى ام منة انا دلوقتى صاحية لو ممكن اكلمك على الخاص

[umaesha]

الحقن دى الدكتور هو اللى كتبها لى وهى غير مضرة نهائى لانها حقن كاليسوم بل هتساعد فى نمو الضروس بسرعة وجمد عظم القدم وتخلى البنت واثقة من نفسها وتحب المشى وانتى هتلاحظى ده من3 حقنه