[hanotif]

ممكن انضم لكن

[وفاء ام صغنونة]

ممكن انضم لكن

ممكن يا هانوتيف احنا يشرفنا انضمامك لينا

[نورال]

انا نورال 21 سنه
خريجه تربيه نوعيه اعلام (فنون مسرحيه )
شكرا يا سهيله علي الدعوه و بتمني ان تدوم هذه الصحبه باذن الله وكل واحده مننا تحقق كل اللي بتتمناه من هذه الصحبه

[وفاء ام صغنونة]

اهلا بيكي نورال صحبتنا نورت بيكي

[monaabdalla]

اقتراح جميل انا منى من اسكندرية خريجةحقوق لكن مش باشتغل وعندى اقتراح لكل الفتكوات اللى نفسهم زى اننا نحفظ القران اية رايكم نحدد كل يوم واجب اية اواتنين اوتلاتة للحفظ ونشجع بعض وكل واحدة من خلال الكمبيوتر تسمع للايات دى علشان تظبط القراءة

[اسماء ام عمر]

السلام عليكم ورحمة الله وبركاته
ايه أخبار جميع أفراد الصحبه؟ يارب تكونو في احسن حال. أحب اني أشكر وفاء وسهيله علي اهتمامهم بالموضوع وردهم علي مشاركات افراد الصحبه وربنا يجعله في ميزان حسناتكم. علي فكره أنا أول ماشفت وفاء من قنا افتكرتك واحده صاحبتي من قنا واسمها وفاء برضه بس لما كملت لقيتك مش هي
لكن طبعا احنا بقينا أصحاب وأخوه في الله .ربنا يكرمك

[اسماء ام عمر]

قبل الالتزام بالصلاه وأيام الثانوي والاعدادي كان الواحد مكلف ومحاسب علي أفعاله
لكن كان يفرط في الصلاه وكان بيفوتني اوقات كتير خصوصا في الأجازات والأعياد وعرفت ان الأوقات دي واجب عليه قضاؤها لأني محاسبه عليها. حبيت ألفت نظركم للموضوع ده.لان الاوقات الفائته دي واجب علينا قضاؤها قبل الممات والسؤال. ربنا يكفينا شر عذاب القبر..... اللهم اني أعوذ بك من عذاب الناروعذاب القبر

[ام جنى 2]

ممكن انضم ليكو انا معجبه بالموضوع اووووووووووووى
انا اسمى شيماء عندى 25 سنه عندى بنوته اسمها جنى عندها سنتين و انا الحمد لله لبسه الاسدال بس نفسى اصلى الفجر فى ميعاده مش بقدر اصحى و نفسى اقرب من ربنا اكترو احفظ القراءن و ربنا يعنا جميعا على طاعته

[كنوزالطبيعه]

انا فرح ام لولد وبنت من بغداد خريجه اداب لغات وعمري 34سنه ربه بيت حلمي بالجنه ككل مسلم واملي تربيه طفلي تربيه اسلاميه صالحه ونفسي ابتعد ابتعادكامل عن اي غيبه ونميمه ونفسي ثقتي بنفسي تردلي لاني فقدتها جدااااااا وشكرا لكن لاتاحه هذه الفرصه للبوح بالامنيات

[joly]

السلام عليكم ورحمة الله وبركاته انا عضوه جديده وعجبنى الموضوع ده جدا ونفسى فعلا اتعرف على صحبه صالحه لانى بحب جدا اتعرف على ناس كتيير و انا الحمد لله لى اصحاب كتيير وكلهم الحمد لله على خلق وهذا من فضل ربى.....

[joly]

عجبنى اقتراحك جدا يا منى وموافقه عليه ويا ريت كلنا نوافق عليه وعلى فكره يا جماعه بجد وعن تجربه اللى نفسه يحفظ القرآن و مخلص فى هذه النيه بجد أسرعوا لعمل ذلك و هتلاقوا ربنا عز وجل بيبارك فى الوقت واللى تفتكر إنها مشغوله بالشغل او الاولاد ده مش حقيقى بس انتوا قدموا المشيئه والنيه... والله الموفق وعلى فكره كمان مجلس القرآن محدش يقدر يجلس فيه إلا اللى ربنا يريد له فاطلبوا العون على ذلك من الله .....

[ام محمد77]

نفسي اوي يا فتكوات اننا نبدا بالقران
بحيث اننا نحدد لينا ورد بشكل يومي متفق عليه
وكل يوم ندخل نقول انجزنا ولا لا
ان شاء الله هننجز
والله اني احبكم في الله

[أمولة]

السلام عليكم اخواتي ----واهلا وسهلا بالصحبه الجديدة

[joly]

يا ريت يا ام محمد ونفسى نبتدى بسورة البقره على فكره هى صحيح اكبر سوره بس بجد سهله جدا حاولت احفظها لوحدى بس للاسف مش بكمل لانى لا اجد من يشجعنى

[روفا]

السلام عليكم
اعرفكم بنفسى
اسمى ميرفت
موظفةعلى الدرجة الاولى بالشؤن المالية
بكالوريوس تجارة شعبة محاسبة جامعة القاهرة
ام لثلاثة ابناء
عمر ثانية كلية السن
حبيبة ثانوية عامة اددعولها
يوسف اولى اعدادى

الفكرة جميلة جدا ياريت نقدر ننفذها

[روفا]

ياريت نقدر نتفق على تحديد وقت معين نتقابل فيه
على هذه الصفحة علشان نقدر نتكلم مع بعض ونعين بعض

[الليدي]

انا لسه مشتركه حالا وكنت بدور على طريقه لعمل شوربه الطماطم على جوجل ودخات عندكم
بصراحه زهقت من المنتديات والمواضيع والردود اللي لاتناقش ولاتفيد بطلت ادخل المنتديات رغم مايتحفوني باوسمه ورقابه لكن زهقت
مشكلتي اني مش بداوم على الصلاه
عارفه يمكن اكتر من شيخ الازهر عن كل حاجه في الدين والحمد لله ان راي دائما صائبا لان انا قرات اكثر مماتخيلوا في الدين وشتى العلوم
لكن الصلاه دي مشكلتي الوحيده اللي تعباني وقلقاني
انا عارفه انه الشيطان لكن دايما اقول حالا حقوم اصلي لكن بقف
شوفواحل ليه

[رفيدا]

انا مشتركة جديدة وبصراحة مبسوطة جدا لهذا الموقع

[رفيدا]

مشكلتى الوحيدة انى نفسى اصلى الفجر حاضر

[رفيدا]

يا ريت حد يقولى اعمل ايه علشان اصلى الفجر حاضر