هام: من فضلك اذا كانت عندك اي مشكلة فاكتبي موضوعا في قسم الشكاوى او راسلي اي مشرفة، سيتم ايقاف الاشتراك عند اي تجاوز!
هام: الرجاء تجاهل اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
هام:
اذا وصلتك اي رسالة خاصة من عضوة تعرض عليك بضائع للبيع فراسلي اي مشرفة او مراقبة منتدى فورا و ارسلي لها نسخة من الرسالة و اسم العضوة.
علي فكرة دعاء المؤمن لأخيه المؤمن بظهر الغيب مستجاب
يعني لو كل واحدة منينا دعت للتانية او كلنا دعينا لبعضينا بأذن الله ربنا ها يستجيب لدعوتنا
يالا يا أخواتي كل واحدة تدعي لينا كلنا وتقول(اللهم اعنا جميعا علي القيام لصلاة الفجر)
(اللهم اعنا جميعا علي المحافظة علي الصلاة في مواعيدها)
آمين يارب
اهم حاجة العزيمة وكمان لابد ان تعرف كل فتوكة ان الشيطان يربط على ابن آدم ثلاث حتى لايقوم لصلاة الفجر فعند الاستيقاظ استعيذى بالله من الشيطان الرجيم وعند الوضوء يزول أثر الشيطان وابدأى يومك بطاعة الله وذكره وجربى كده تلاقى كل حاجة سهلة ان شاء الله
اللهم آت نفسي تقواها , وزكّها, أنت خير من زكّاها , أنت وليّها ومولاها ،اللهم إني أعوذ بك من علم لا ينفع, وقلب لا يخشع , ونفس لا تشبع , ودعوة لا يستجاب لها ،اللهم إني أعوذ بك من شر ما عملت , ومن شر ما لم أعمل , وأعوذ بك من شر ما علمت , ومن شر ما لم أعلم اللهم إني أعوذ بك من زوال نعمتك , وتحول عافيتك , وفجاءة نقمتك , وجميع سخطك "
ايوة بجد والله يامهندسة ماجدة انا دايما بلاحظ ان اليوم اللي ببدأفيه بطاعة ربنا وذكره بيبقي يوم سعيد جدا وما فيهوش أي مشاكل
يعني كل واحدة بتشكي ان بيتها مابيخلاش من المشاكل لازم في بداية يومها تطرد الشيطان من بيتها علشان هوة اللي بيملي البيت هم ونكد
وتطرد الشيطان أزاي؟؟ انها تبدأ يومها بطاعة لله وتنهيه برده بطاعة لله
شكرا يا وفاء موضوعك رائع جدا ومتميز ان شاء الله ربنا يجعله فى ميزان حسناتك
وزى ما قلت انا مشكلتى فى المواظبه على الصلاه
ربنا يسهل واقدر ابتدى معاكوا
شكرا مره تانيه يا وفاء
يا جماعة ياريت ابقي معاكم
انا رشا 30 سنة مهندسة عمارة عندي ادم وبسملة
نفسي اعل حاجة فعلا تقربني من ربنا ومن طاعتة لان الطاعات تقرب من الطاعات
انا معاكم
خليكي معانا بس انتي يا نور وانتي مش ها تزعلي تاني ان شاء الله
بس ابدأي معانا واحدة واحدة
يالا من دلوقتي ابدأي صلي معانا الفجر
حاولي تصليه بأي شكل وادعي انتي وبتصلي ان ربنا يقويكي ويثبتك علي طاعته وعبادته
ناجي ربنا وادعي بالمواظبة علي الصلاة
طب قوليلي يا حنان انتي مستعدة نبدأ صفحة جديدة مع بعض؟؟
يعني عندك العزيمة والارادة انك تبدأي تنتظمي في الصلاة؟؟
قوليلي يا حنان بتحبي تسمعي لمين من الشيوخ؟؟؟
علي فكرة انا لقيت نفسي سهرت شوية علشان كدة مش ها نام غير لما اصلي الفجر
علشان لو نمت عارفة نفسي مش هاصليه
ومن بكرة ان شاء الله ها حاول انام بدري شوية علشان اقدر اقوم اصلي
