[اسماء ام عمر]

الحمد لله يامؤمنه صليت المغرب وهقوم أصلي العشاء. لأنه أذن عندنا
عن اذنكم ولما أرجع ياريت ألاقي حاجات جديده..... يالا سلام عليكم

[وفاء ام صغنونة]

انا باستأذنكم يا جماعة اصل جاتلي خروجة فاجئة
ان شاء الله اشوفكم قريب
استودعكم الله الذي لا تضيع ودائعه

[مؤمنة بالله ورسوله]

فى رعاية الله يا وفاء

[أشرقت]

الحمد لله صلينا جزيتي خيراً يا مؤمنه

[أشرقت]

اختى وحبيبتى غاده
الحمد لله انكي تذكرتي, واتم الله عليكي نعمة الطاعه ونحن جميعاً
اعلمي اختى انكي لستي وحدك
وانما يأكل الذئب من الغنم القاصيه
ونحن صحبه ولا يتملك منا الشيطان انشاء الله
"ويد الله مع الجماعه"

اختي الغاليه هبه اهلا بيكى نحن لسنا صديقاتك فقط بل أخواتك كمان
هههههههههههه

[مؤمنة بالله ورسوله]

الصلاة يا اخواتى صلاة العشاء

[صراحة]

أخواتى
ياريت نخلى اول حاجة لينا فى الوقت ده يكون لينا هدف ان يكون فيه قسم الصحبة الصالحة إن توفر هذا القسم مع الأدارة وبمتابعتهم نفكر يكون فيه ايه وعايزين ايه
بحلم انه يكون مرجع لينا لحواء فتاة وزوجة وام فيما يخص ديننا
نحلم الأول إن الأدارة توافق على القسم

[مؤمنة بالله ورسوله]

معلومة
لفظ الجلالة "الله" جل وعلا، ورد في القرآن الكريم "2707" مرات، "980" في حالة الرفع و"592" في حالة النصب و"1135" في حالة الجر

[مؤمنة بالله ورسوله]

معاكى يا صراحة ربنا يوفقنا لصحبة الخير الصحبة الصالحة

[نعوم]

السلام عليكم
فكره جميله وجزاكى الله خيرا وبارك فيك
وانا ان شاء الله معاكم ونفسى ادخل جنه الفردوس الاعلى ونكون صحبه ان شاء الله
وعاوزين نقرأ أدكار الصباح والمساء كل يوم ونشجع بعض

[ام شوشو]

السلام عليكم ورحمة الله وبركاته
ازيكم يا صحبتى الصالحة عاملين ايه
ربنا ينور قلوبكم بنور الايمان
وانا معاكم فى اقتراحكم
والله الموفق

[ريري]

السلام عليكم ورحمة الله
حبيباتى فى الصحبة الصالحه ..انا تكلمت مع الاداره فى نقل الصحبه الصالحه لقسم خاص بيه ..وكان ردهم ..انه لما يكبر الموضوع وياخد حجم اكبر من كده ممكن نعمل له قسم خاص بيه ..ويكون فيه تقسيم داخلى زى ما انتوا عايزين..
المهم اننا نستفيد من صحبتنا ونركز على تذكير بعض بفضائل الاعمال
ربنا يتقبل منا ومنكم ...أمين

ما تنسوش تصحوا لصلاة الفجر....اللهم ارزقنا الاخلاص..

[د/لولي]

السلام عليكم
سؤال بس حد قرا التجويد اللي كتبته ولا لا
طب لو حد قراه فيه تعليقات اغير الاسلوب ولا افضل كده
ارجو اافاده

[ام شوشو]

جزاكى الله خيرا د لولى
انا بحاول افهمو وادعيلى
وبحاول اتابع القراءة فى التلفزيون علشان اقدر اقرء صح
وربنا يتقبل

[د/لولي]

لو في حاجه مش فاهماها اؤمريني بس وانا احاول ابسطها

[غاده الصايغ]

السلام عليكم ازيكم يا جماعة
اشرقت سهيله انا فرحانه اوي انا انهارده صليت الفروض كلها في ميعادها
ربنا يخليكم ليه ويعنا علي الخير كله يارب
احلي كلمه قلتيها يا اشرقت ان يد الله مع يد الجماعة ربنا ميحرمناش من بعض
ان شاء الله هظبط المنبه واصحي لصلاة الفجر وهدخل علي الموضوع واصبح عليكم ادعولي كلكم يا جماعه ان ربنا يثبتني
يارب
تصبحوا علي خير

[اسماء ام عمر]

انا كمان مبسوطه اوي انك صليتي الفروض كلها في ميعادها ياغاده ربنا يثبتك اصدقي الله يصدقكي وانوي وربنا يوفقك ان شاء الله واعتقد انك بعد ما ذقت حلاوة المحافظه علي الصلاه لن تتركيها مرة اخري, واقولك علي حاجه وعن تجربه : الخمس دقائق اللي هتصلي فيهم مش هم اللي هيعطلوك عن الحاجه اللي بتعمليها لكن لما تصلي هتلاقي في وقتك بركه والحاجه تقضى علي اكمل وجه اصلي انا كنت احيانا اتاخر في اداء الصلاه لسبب ما : اعداد الطعام او اي شيء اخر يزين لي الشيطان ويقول لي اعملي دي وبعدين صلي علشان تصلي وانت مركزه طيب دي وكمان دي ومسافه ما ده يستوي تكوني صليتي وهكذا لغاية ماتيجي حاجه بره تخطيطي والاقي الوقت فات وانا لم اصلي, لكن بفضل الله دلوقتي:الصلاه اولا ثم اي شيء آخر، ربنا يهدينا جميعا لما يحبه ويرضاه ويثبتنا على الصراط المستقيم آآآآآآآآآآآآآمين

[m.moon]

ما يقول ويفعل من أذنب ذنباً

ما من عبد يذنب ذنباً فيتوضأ فيحسن الطهور ، ثم يقوم فيصلي ركعتين ، ثم يستغفر الله لذلك الذنب إلا غُفر له

صحيح صحيح الجامع 173/5

[أم إبراهيم]

واله الصلاة فعلا فى وقتها أجمل حاجة أنا لسة بأخر صلاة العشاء نفسى أصليها فى وقتها
وإن شاء الله ححاول لما قرأت ردودكم شجعتونى فعلا ونفسى كمان صيام الإثنين والخميس ياريت نذكر بعض
أنا بدخل على النت باليل إن شاء الله أبلغكم بكرة إنى صليت كله فى ميعاده

[قمر الشموس]

انا معاكووووووووو