[ام شوشو]

السلام عليكم
اولا بشكرك اختى ام وفاءعلى الرسالة الغالية
وثانيا ان شاء الله هاصلىالفجر من بكرة لان ملك
سهرتنا امبارح ومقدرناش نصحى
وعلى فكرة انا بدئت فى الحفظ من فترة وقربت
اكمل جزء عم
واتمنى منكم تدعولى اصلى الفجر حاضر واخشع
فى الصلاة لانى بسرح كتير

[shimo_shiko]

و انا معاكم يا فوفو

[مورة]

يا جماعة انا موضوع حفظ القران
انا بحفظ مع ابني عندة خمس سنوات وتقريبا وصلنا لنصف جزء عم
وان شاء اللة هكمل معاة علشان انا جيبلة اخت في البيت بتحفظة باحكام التجويد
انا الحاجة اللي صحيح مزعلني صلاة الفجر مش عارفة اعمل اية علشان اقدر اصليها
وكمان الصلاة في وقتها بتبقي صعبة علية احيانا
بسسب اني ممكن اكون في المطبخ الانشغال اليومي اللي انتوا عارفينة
ممكن اصلي بعدها بساعة اوساعتين
ربنا يقدرني واول لما اسمع الاذان اقوم ادعلي ربنا يثبتني
اللهم اجعلني مقيمة للصلاة اللهم ثبت قلبي علي دينك

[مدام ديدى]

انا كمان معاكم ياؤمنه بالله ان شاء الله اصوم بكره وانا والحمد لله بصلى كل يوم الفجر
وبصحى زوجى كمان والله هو بيدعيلى علشان بغلس عليه لغايه مايقوم وبيصليها الحمد لله فى الجامع
انا كنت ساعات بنزل معاه بس دايما بصليها فى البيت
انا فعلا نفسى احفظ القران وهبدا معاكم بس عندى مشكله مش بعرف التجويد

[مدام ديدى]

ربنا يكرمك يافؤه على الرساله الجميله بتاعتك معلش معرفتش ارد عليكى الظهر علشان النت وقف ايه ياجماعه ليه الموضوع دخل الصفحه التانيه امال فين
التقييم علشان يثبت ومندورش عليه ونبقى متواصلين على طول

[مرمريكا]

ماشاء الله عليكم
ربنا يجعله فى ميزان حسناتكم
انا لسة جاية من موضوع سهيلة(بريتى انجل)
وبصراحة الفكرة معششة فى دماغى بقالها كتييييييير قوى
بصى ياوفاء حعرفك بنفسى الاول
اميرة
24 سنة
من اسكندرية
كلية تجارة
مش متجوزة
وكمان حقولك الاقتراح اللى اقترحناه انا وبسبس ومدام ديدى
اتفقنا ان احنا نحفظ كل يوم خمس ايات من القران ونبدا بسورة البقرة
وممكن قوى نحفظ اية بعد كل صلاة
فبالتالى حنبقى كدة حفظنا الخمس ايات وفى نفس الوقت للى مشغولة ببيتها وبجوزها مش حتحس بالوقت
وتانى اقتراح هو ان احنا نصوم كل يوم اثنين وخميس
ياااااااااااااه لو كلنا حاولنا نطبق كل دة وميبقاش كلام وبس
وهى دى مشكلتنا ياجماعة الكلام وبس لااااازم يكون فى فعل بجد
وارجوووووووكم اللى اهم من كل دة
حاجتين الغيبة والنميمة
ويسعدنى ويشرفنى انى انضم ليكم
حتقبلونى؟؟؟؟؟؟؟؟؟

[prettyangel]

ازيك يا مرميكا ان شاء الله تكوني بخير
انا معاكي جدا في اللي انتي بتقوليه
وبجد فعلا لو كل واحد حط في دماغه انه هيجي اليوم اللي هينزل في التربة لوحد بدون ولا عياله ولا جوزه
وانه لو قالوه لعياله روح اقعد معاه في تربته نص ساعة مش هيرضى
صدقيني مش هياخر حقوق ربنا علشانهم

[مرمريكا]

عندك حق ياسهيلة ربنا يعينا كلنا على الطاعة وترك المعصية

[prettyangel]

آمين يارب
بس قوليلي فين بقى الموضوع و لا لسه مش عملتوه؟؟؟؟؟؟؟؟؟؟؟؟؟؟؟

[a_raafat]

موضوع رائع جزاكم الله خيييييييييييييييييييييييرا
ان شاء الله نعين بعض على الطاعات وياريت نبتدى بحفظ القران

[prettyangel]

ربنا يكرمك يا raaft بس وفاء اقترحت اننا دلوقتي نركز على فكرة الانتظام في الصلاة وخاصة في مواعيدها وكذلك الخشوع في الصلاة

[prettyangel]

اما بالنسبة لحفظ القران
فباذن الله من اول الشهر العربي
كل يوم خمس ايات
وياريت بالتجويد(علشان نبقى مع السفرة)
وكامن ياريت بالتفسي(علشان يكون تدبر)

[prettyangel]

سلام عليكم يا ام وفاء
وحشتيني
انا صليت الفجر حاضر ولله الحمد(ربنا ما يحرمنا من النعمة دي ابدا)

[a_raafat]

هو فعلا اهم حاجه الانتظام فى الصلاه لانها هى اللى هتعنا على الحفظ والالتزام وخصوصا صلاه الفجر

[وفاء ام صغنونة]

انا جيت يا جماعة السلام عليكم ورحمة الله وبركاته
ازيك يا بريتي
ماحدش قاللي ايه رأيه في اقتراحي بتاع حفظ القرآن؟؟
وكمان انا نفسي نبدأمن جزء عم علشان بصراحة عيب علينا واحنا في السن ده وما نبقاش حافظين السور القصيرة دى

[prettyangel]

انا طبعا معاكي جدا يا وفاء
وان شاء الله مش انتي موافقة على اننا نبدا مع بدايه الشهر العربي؟

[وفاء ام صغنونة]

وبالنسبة للي حافظة (يابختها) تستحملنا شوية وتعتبر كأنها بتراجع معانا

[a_raafat]

وعليكم السلام ازيك ياوفاء
انا معاكى اننا نبدا بجزء عم وياريت كل يوم سوره
وحد يكون كويس فى التجويد يعرفنا على الاحكام الموجوده فى السوره
وكمان تفسيرها

[ام ميداء]

السلام عليكم يا جماعة الخير

[وفاء ام صغنونة]

ايوة يابريتي موافقة نبدأمع بعض
بس ياريت جزء عم ما نبدأش فيه بحفظ 5آيات لأ يعني الصور الصغيرة نحفظ منها اتنين او تلاتة مثلا زي( الاخلاص -الفلق -الناس) ولما ندخل في السور الكبيرة نثبت عدد آيات حفظنا
ما حنا كلنا هانبقي مع بعض ومبلغين بعض بكل التطورات
ماشي والا عندكم رأي تاني؟؟؟؟؟