مشكلة كل ست بيت والتى تتعرض لها كل يوم ماذا نأكل اليوم ؟ تعالوا نتعاون مع بعض واللى عندها أقتراح تقوله . أنا عن نفسى فكرت انى أعمل قائمه لمدة اسبوع واضعها على الثلاجة بحيث يكون عندى فرصه اجهز مكونات الوجبه القادمه ومع ذلك اقع بعد فتره فى نفس الحيرة علشان شويه والاقى نفسى عملت معظم الأكلات اذا ماعندكوش مانع اقولكم على بعض الاقتراحات:-
مثلا يوم أسماك وغالبا بيكون يوم الجمعه علشان تكون الاسرة كلها مجتمعه .النهارده مثلا انا عملت جولاش باللحم المفروم وخضار سوتيه بالمايونيز وسلاطة خضراء واليكم طريقة عمل الجولاش . المكونات لفة جولاش او اكثر على حسب الصينيه المستخدمه حوالى نصف كيلو لحم ملعقتين سمن عدد 2 بيضه كوب حليب . الطريقه ندهن الصينيه بالسمن ثم نضع نصف كمية الجولاش وبين كل ورقتين شوية سمن ويعد الانتهاء نضع اللحم المفروم ثم باقى الجولاش بنفس الطريقه بعد ذلك نقوم بتقطيع الصينية على حسب الحجم المناسب مربعات ثم نقوم بخفق البيض مع الحليب وشوية ملح وفلفل ويضاف الى الجولاش . نترك الصينيه لمدة عشر دقائق الى ان تتشبع بالبيض والحليب وفى أثناء ذلك نكون مولعين الفرن ثم نضع الصينيه على درجة حرارة متوسطة لمدة نصف ساعه تقريبا. وبالهناا والشفاء ....... أنا كان نفسى بصراحه اصورها لكم شكلها يفتح النفس بس أنا لسة مبتدئة ومش عارفه ممكم أبعت صور ازاى.... نسيت أقولكم اتفضلوا معانا الغدا.
[SIGPIC][/SIGPIC]
