[أميرتى يمنى]

بسم الله الرحمن الرحيم
أخوتى الأعزاء
أنا هاقولكم على وصفة جميلة جدا وسهلة جدا (ومتجربة)
المكونات:-
25 جرام أملج مطحون (من عند العطار)
50 سم زيت سمسم
الطريقة:-
نضع الأملج وزيت السمسم على بعض ونخلطهم كويس ثم ندهن بيهم الشعر جيدا
ويترك لمدة طويلة على الشعر .
حوالى ساعتين ويغسل بالشامبو المناسب لطبيعة شعرك.
وبعدين شوفى بقى النتيجة (أكتر من رائعة)
بجد والله رائعة جدا
يارب تعجبكم وتفيدكم

[ALZAHRAA]

انتى متاكده انها حتفرد وتنعم لاانى الصراحه بعانى مع شعرى جدا

[الزوجة الاولى]

هنجرب.......شكرا ليكى

[ام شوشو]

شكرررررررررا جزيلا

[Hanan Fouad]

ربنا يسهل اجربها

تسلمى

[أم رنا]

نفسى أجربها بس مش عارفة ايه الاملج ومتشكرة جدا

[أميرتى يمنى]

الأملج ده عشب من الأعشاب وهو موجود عند اى عطار
وشكرا ليكم على مروركم

[suo]

مشكوره بس تنفع للاطفال ولا فى ضرر

[انوسه]

ان شاء الله نستفيد منها وان فعلا هاجربها بس لى كام سؤال
توضع على شعر مغسول ام لا
تحتاج بعدها حمام كريم او زيت ام لا
ممكن وضعها على حنه فرد الشعر الى بالاعشاب ام لا
مع العلم ان الحنه دى قصفت شعرى جدا واصبح فى حاله يرثى لها
هل تكرر الوصفه وكام مره تكرر وعلى فترات اد ايه


ومشكوووووووووووووووووووووووووووره اختى ارجو الافاده
جزاك الله خيرا

[ماجدة حسن جمال]

ان شاء الله حجربها وان كانت النتيجة رائعة حدعيلك من كل قلبى

[boby]

هي بصراحة وصفة سهلة جدا بس يا تري ملهاش اضرار وكنت
عوزة اعرف مدة الفرد دة بتكون وقتية ولا بتعد نتائجها علي الشعر
فترة معينة وشكرا ليكي

[أميرتى يمنى]

بسم الله الرحمن الرحيم
بالنسبه ل أختى suo أنا مش عارفه ان كانت تنفع للاطفال ولا لا بس الأملج ده عشب زى الحنه بالظبط .
وبالنسبه ل انوسه لا هى بتوضع على الشعر وهو ناشف أو مندى ببعض من الماء
من ناحيه أنك تعملى حمام كريم أو زيت براحتك ما فيهاش أى ضرر بس هو مش محتاجه لأنه هايبقى ناعم ومفرود
ومن ناحيه أنك تضعيها على حنه فرد الشعر أنا ما أقدريش أرد عليكى فى الموضوع ده لأنى بصراحه ما عرفيش بس لو أنتى عامله حنه وشعرك مقصف يبقى اللى عمالها لكى معرفيش يعملها كويس أو هى أصلا الحنه مش كويسه فأنتى أعملى ايه
أعملى حمامات كريم كتير وحمامات زيت كتير عشان ترطبيه وقصى الأطراف المقصفه كلها ولو حتى كانت نصف شعرك عشان يطول وهو بحاله كويسه واستعملى شامبو بانتين للشعر المقصف وأعملى وصفه قالت عليها أخت لينا فى المنتدى وهى
أنك تجيبى مايونيز وبلسم وتضعيهم على بعض بس يكون المايونيز أكتر من البلسم وتسبيها ساعه وبعدين أغسلى شعرك بالماء بس ويكون شعرك ناشف أو مندى قليلا وأنتى بتحطيها على شعرك وهى هاتخلى شعرك ناعم جدا ( مع تقديرى لصحبه الوصفه)
ومن ناحيه تكرير الوصفه فدا براحتك وقت ما تشوفى أن شعرك رجع لطبيعته تانى يعنى مش ناعم الملمس أبقى أعمليها لكن من ناحيه المده أنا ماعرفيش لأنها بتختلف من شعر لشعر لأن واحدة ممكن يكون شعرها ناعم فا تقعد معاها مده طويله وممكن واحدة شعرها يبقى خشن فاتقعد معاها وقت قليل ويمكن العكس أنا من ناحيتى فضلت معايا مدة
وشكرا لكم جميعا ويارب تفديكم

[prettyangel]

تسلم ايديك هجربها باذن الله وهقولك
بس معلش اسالك على حاجة
انا اصلا والله الحمد شعري كويس بس انا بحب اعتني بيه فهل وطبعا ولا بفرد ولاحاجة حتى لو بحنة الفرد
فانا عايزة اعرف هل دي بعد فترة هتضر شعري ولا لا لاني بصراحة انا مش بعمل غير حمامات الكريم والزيت (الحاجات الطبيعيه) بس
لاني بصراحة بخاف لا ييقص او يبوظ
فممكن اعرف النتايج على المدى الطويل؟؟؟؟

[نار]

جزاك الله كل خير

[نسرين عيد]

تسلم اديكي

[Raniam_2010]

تسلم ايدك وجزاكى الله خيرا
باذن الله هجربها

[بندق]

وانا كمان هجربه تعرفو الواحد عامل نفسه حقل تجارب وتسلمى

[أميرتى يمنى]

بصوا يا حبايبى الأملج ده عشب عادى زى أى عشب من الأعشاب واللى أنا أعرفه أنه مش مضر
وأنه فعلا بيجيب نتيجه كويسه جدا
بس لو أنتى فعلا شعرك ناعم خلاص يبقى مالويش لازمه أنك تعمليها لأنها للشعر اللى مش ناعم أو ناعم بس مش مفرود يعنى ملولوأو هايش
وشكرا لكم جدا على مشاركتكم ومروركم وأنا تحت أمركم فى أى سؤال

[dabdouba]

شكرا على الوصفة بس هنا في تونس لا اعرف اسم املج بالتونسي ممكن تقولي لي علىالاسم او حتى بالفرنسية مشككككككككككورة

[onlygirl]

شكرا ليكى ويارب تجيب نتيجة حلوة