[مدام ديدى]

تسلمولى ياحلى واجمل اخوات فى الدنيا بس عاوزاكم تدعولى ولاولادى بالنجاح

[mody]

ربنا يخليكى مدام ديدى و تفدينا على طول

[heba saad]

مدام ديدي
طالبة خدمة منك
مقادير التورتة
وطريقة عمل الكريم شانتى عشان يبقا حلو ومنفوش كدة
معلش هتعبك معاية

[جيهان عبدالله على ربع]

ربنا يجازيك كل خير يا عسل انتى يا قمر
وما يحرمنا منك ابدا ولا من نصايحك الغالية

[مدام ديدى]

ربنا يخليكى يامودى انتى ياعسوله
هبه من عينيه ياقمر ولاتعب ولاحاجه انتى تامرينى امر
بصى انا كاتبه تورت كتير اختارى اى تورته تعجبك لو دستى على ارقام مواضيعى
هتلاقيها هتظهر اختارى التورته اللى تعجبك ولو عايزه حاجه معينه قوليلى
بالنسبه للكريم شانطى على فكره الكريمه احسن للتورت طعمها بيبقى جميا جدا
بس هقولك على الكريم شانطى لكل 100 جم هتحطى فنجان صغير من الماء المثلج
فى ناس بتحط لبن لالالالالالالالالالا الميه احسن بكتير ولالالالالالالازم تبقى مثلجه
وتضربيها كويس جدا فى اتجاه واحد وان شاء الله هتطلع زى الفل وتدعيلى
جيجى ياعسل ربنا مايحرمنى منك ياقمر وميرسى على الورد الجميل زيك
الف شكر على كلامكم الرقيق والله اسعدتونى جداااااااااااااااااااااااا

[مدام ديدى]

نسيت ياهبه لو عنك حفله عيد ميلاد او اى مناسبه انتى تعملى الكيكه على بيات وكمان الكريم شانطى تضربيه على بيات وتحطيه فى الثلاجه وتشكلى التورته
الصبح وتحطيها فى الثلاجه بتبقى ماسكه نفسها وزى الفل وكمان الكريم شانطى بيبقى ماسك نفسه
ومش سايح

[أم روان]

مبروك على التثبيت يا مدام ديدى
انا بعمل كيكة الشيكولاته بس طريقتها مش عاجبانى ياترى ايه طريقتك علشان عايزه اعملها النهارده

[sasoooooooooooooo]

[ام مهند]

تسلمي يارب يامدام ديدي

ربنا يكرمك ويرزقك زياره بيته وزياره الرسول واقابلك هنا

[مدام ديدى]

الله عليكى يام مهند اجمل دعوه من اجمل ام مهند فى الدنيا كلها
ام روان معلش والله انا لسه شايفه كلامك دلوقتى وهكتبلك كيكه الشيكولاته من عنيه
شكرا ساسو ياقمر
اااااااااامين ياام مهند نفسى والله ازوره واملى عنيه منه وياسلام لما اشوف الانسانه اللى بموت فيها وفى اخلاقها وذوقها ده يبقى ربنا راضى عنى

[drnahla]

[مدام ديدى]

تسلميلى يانهله صفحتى نورت بوجودك فيها ياقمر

[مدام ديدى]

ام روان دى وصفه كيكه الشيكولا
5 بيضات كوب كبير سكر
كوب لبن
ثلاثه كوب دقيق الا ربع والربع الباقى كاكاو باكو بيكنج بودر
ثلاثه ارباع كوب سمن
فانيليا
الطريقه

تضربى السمن والسكر وبعدين تضيفى البيض بيضه بيضه مع الفانليا
وبعدين تحطى اللبن وتضربى حوالى عشر دقائق
تقلبى الدقيق مع البيكنج بودر مع الكاكاو وبعدين تضيفيه بالراحه واحده واحده مع
المقادير السابقه البيض والسكر والسمن والفانليا تقلبى بمعلقه خشب بالراحه جدا
تجيبى صينيه مدهونه سمن وترشيها دقيق وتصبى فيها الكيكه وتدخليها فرن
ولما تطلعيها تصبى فوقها صوص الشيكولا وهو بارد


صوص الشيكولا
ربع كيلو شيكولا معلقه ذبده معلقه نشا كوبان من اللبن
الجميع على النار حتى يغلو ويسيحوا ننزلهم يهدوا ونصبهم وهما باردين فوق الكيكه

بالف هنا وشفا

[مرمريكا]

الله نصايح هااااااااايلة
ميرسى يا احلى ديدى

[مدام ديدى]

تسلميلى حبيبتى
انتى فين يامرمر
ديدى بتدور عليكى