[سارة_800]

متزوجة منذ سنةونص تقريبا
زوجى كالطفل الصغير من اتفه الاشياء ممكن يعمل خناقة
دايما يتجاهلنى ودايما يبقى متعمد يبعد عنى بيرجع من الشغل على القهوة ومش بيدخل البيت غير الفجر
ولو زعلت واتكلمت معاه تبقى كارثة يحول النقاش الهادى الى معركة حربية وصوت عالى عشان اخاف وابطل اكلمه فى اى حاجة
عندى بنت عمرها تلات شهور ونص ومن يوم ما ولدت وهو هجر غرفة النوم وبقى بينام على كنبة الانتريه بحجة ان البنت ممكن تزعجه
حتى لما البنت نومها استقر وجبتلها سرير خاص بردو رافض يرجع بنام فى غرفته
بحجة انه بيجيلو ارق لان البنت احيانا بتصحى الصبح بدرى عشان ترضع
بجد انا حاسة ان العيب فيا وانه رافض ينام جمبى
كنت بتمنى الاقى فى عنيه نظرة حنية ليا لكن محصلش
كنت بتمنى الاقى بيهتم بيا او بمشاكلى لكن بيشوفنى متضايقة حتى مش بيفكر يقولى مالك
وكل يوم ابقى فى كامل زينتى وكانه مش شايفنى ومفيش حاجة فيا بتعجبه
رغم ان زواجنا كان عن قصة حب استمرت سنوات
صدمت فيه
بشتغل وبساعده فى مصاريف البيت فبدأ يرمى الحمول عليا فاتورة تليفون وفاتورة كهربة ومصاريف البنت
ولو طلبت منه اخرج معاه فى يوم اجازته كانى بطلب منه يرمى نفسه فى البحر
مش بيطيق يقعد معاية برة لازم يتصل باختى وجوزها عشان يخرجو معانا
وفى اى مشكلة تحصل بلاقى دايما يجرح كرامتى بكلام صعب اتحمله
مثلا لو راجع مصروف البيت ووجد فلوس ناقصة يقولى انتى حرامية وبتسرقينى
واقسم لكم بعزة جلال الله ان مفيش قرش من مصروف البيت بيتصرف عليا
انا بصرف على نفسى من فلوسى
انا عارفة انى طولت عليكم
لكن مش لاقية حد اتكلم معاه
وفكرت اخيرا فى طلب الطلاق
فوجات به بيقولى انا مش بطلق لكن ممكن اتجوز عليكى فى نفس الشقة واجيب واحدة تذلك وتربيكى عشان متقوليش طلقنى قولتلو انت انسان مستفز وسخيف
فقلب كوب الكوكاكولا فى وشى
والله انا حاسة انى بتعذب
والمشكلة انى مقدرش ارجع بيت اهلى هعيش زى الخدامة وهيعايرونى ويشمتو فيا
مش عارفة اعمل ايه ارجوكم انصحونى

[katkootaya]

ساره يا حبيبتي مش هقولك غير استحملي اي حاجه علشان خاطر بنتك و بيني و بينك ضل راجل ولا ضل حيطه

و عمرك ما هترتاحي عند اهلك زي ما قلتي

انت حاولي تتجاهليه تماما و بطلي تسأليه رايح فين و رجعت متأخر ليه و مش هتنام جمبي ليه
الرجاله مابتحبش الاسلوب ده

يمكن لما يلاقيكي تجاهلتيه يقرب منك تاني

بس ايه الاسباب اللي خلته يتعامل معاكي بالاسلوب ده ؟؟؟ مش يمكن يكون انت عملتي حاجه و هوه مضايق منها ؟؟

اصبري وبلاش موضوع الطلاق ولا الخلع ولا الكلام الفاضي ده انت مش هترتاحي الا في بيتك صدقيني

ربنا يهديلك الحال يارب و يهديلك جوزك ااااااامين

[nona79]

انا من راي كتكوتايه اصبري شويه بلاش تستعجلي علي الطلاق
لانه قبل ما يضره حيضرك انتي وبنتك
خليه شويه وابعدي عنه متلا روحي زيارة عند اهلك كام يوم بس من غير
ما تقوليله لا علي طلاق ولا حاجة قوليله اغير جو شويه
يمكن في الفترة الي انتي بعدتيها يقدر قيمتك وربنا يهديه
ولو ما نفعش دخلي حد موثوق من عيلتك او عيلته يتكلم معاه ويفهم
منه ليه اتغير كده
عموما خلي الطلاق الحل الاخير بعد ما تكوني استنفدتي كل الوسائل
ربنا معاكي

[a_raafat]

ادخلى على الرابط ده هو منتدى للاستشارات الزوجيه ان شاء الله يفيدك
http://www.blqees.com/vb/index.php

[ام ميداء]

اختى سارة نصيحتى ليكى اوعى تسيبى البيت هيتعود على غيابك
بس انت تجاهليه تماما وفى نفس الوقت اعملى كل طلباته بمثالية
يعنى لا تعطيه فرصة يتلكك عليكى وهتلاقيه هو اللى هيطاردك
بمعنى اصح اتقلى شوية وربنا يهدى لك الحال

[سوكة الددة البيضة]

بصى يا سارة ..فى حاجة لازم نعترف بيها ...
ان الواحدة بعد الولادة بيبقى لسة شكلها غريب ..جسمها .واهتمامها بنفسها .اكيد بيقل ولو بنسبة بسيطة .ده غير الفترة الى بتبقة قبل الولادة ..وقد ايه بنبقى تعبانين وطول الوقت بنشتكى من آلالام فى اماكن غريبة ..o k

ممكن يكون جوزك من الرجالة الى بتزعل من خلفة البنات ..مثلا
ممكن يكون بقة مش حابب اهتمامك بالبنت ..ودول كتير اوى

على كل الأحوال ....كتر الأسئلة ..وجلسات الحوار .صدقينى مبتجبش نتيجة مع البهوات خااااااااالص.
انتى تحاولى طول ما هو فى البيت وصاحى تقللى اهتمامك بالبنت ..وتحسسيه انك بتتمنى لو تفضل البنت نايمة طول ما هو قاعد علشان نقعد مع بعض..
(مشروب بيحبه - اكلة بيعزها )والأمور هتمشى واحدة واحدة
وان كنت انا ضد التسرع فى موضوع الطلاق ده ...والمصيبة انك طلبتيه فعلا ؟؟

[ام بسنت]

اولا ربنا يفرج عنك همك بس احب اقولك حاجه فيه مثل بيقول من صبر عمروبعدين مش من اول مشكله مع جوزك تفكري في طلب الطلاق
عايزاكي تعرفي حاجه ان ابغض الحلال عند الله الطلاق وماتفكريش فيه الا باستحالة ا لعشرة وتكوني خلصتي كل الطرق
بس الصبر كويس وصدقيني انت بتعرفيه اكتر وبتقربي منه وبعدين مهما كنت واخداه عن حب بس الجواز حاجه تانيه خالص حياه وبيبقي كل انسان علي طبيعته هو ممكن عنده مشكله مضايق من حاجه ومش لازم تضغطي انك تعرفي المشكله الوقت كفيل بكل حاجه وبكره تضحكي علي الايام دي وتبقي ذكرى
ربنا يهديلك الحال

[marmar2029]

انا جوزى كان كده عارفه ياساره عملت ايه كبره دماغى خالص وحسسته انه ملهوش لزمه فى حياتى خالص وعارفته ان ابنى اهم حاجه فى حياتى .
وهو دلوقتى اتعدل وبائى تمام.

[ماما دودو]

أهلا يا سارة الله معاك وانا ننصحك باش تعرف سبب تغيرو يمكن خاطر ولدت بنت موش ذكر وهذا كلو بيد الله وكان يكون هذا السبب مع الوقت بقدرة الله يلين وكيف تكبر البنت وتقرب منو تتغير فكرتو يمكن يكون سبب آخر حاول تدخل طرف آخر يكون هو يحبو ويرتاحلو ويسمع كلامو وياخو برايو انت حاول ارضي ربي في معاملتك ليك واصبر وربي أن شاء الله ما يضيعش صبرك وعمرك ما تفكرفي الطلاق خمم في البنت وبقدرة الله إن شاء الله تعود المياه لمجاريها ويهذأ بالك

[رانيه]

اصبري الصبر مفتاح الفرج نفذي كل طالباته علشان ما يراجعك بكلمه وخلي زي ما انت البسي وتجملي وتجاهلي اعتبريه مش موجود ابدا وخليكي في بيتك معززه مكرمه مجبور فيك يفتح البيت ويصرف عليك وعلا بنته وما تعوديه يا حلوه انك تدفعي من راتبك لانه ملزوم فيكي وفي بنته وبيته خلي ايمانك بالله قوي ولا تجاديلخ باي امر ولا تدعيه يستفزك ابدا

[نادو]

بوصى ياساره اول حاجه عامليه بما يرضى الله متقوليش هو بيعملنى وحش
معلش عامليه انتى كويس انا عارفه انك هتيجى على نفسك معلش كله ده
هتخدى به اجر عند الله وغيرى من نفسك انا مش هقولك بقى يعنى اللبس الكلام
غيرى فى وضع الاثاث بتاع الشقه حسسيه بالتغير الكلى .
ثانى حاجه وده كل حاجه الجئى الى الله فى الدعاء وبالذات صلاه القيام واشكى الى
الله وادعى بالهدايه والله باذن الله هيهديلك زوجك وهيصلح من حالكم ان شاء الله
واهم حاجة التزمى بالصلاه فى وقتها وقراءه القرآن والدعاء

[sara_al111i]

بصي ممكن يكون في حد عاملكم سحر ولا حاجه
لانه كده مش طبيعي
انا ف العاده دايما بقول النقاش ثم النقاش ثم النقاش
وانتي قلتي انه مش بتناقش خالص
والسحر ذكر ف القران
حاولي تشغلي القران ف البيت طول النهار وبالذات سوره البقره
وشوفي الايات والحاجات اللي بتتعمل لعلاج السحر
واعملي المستحيل بس متسيبيش بيتك ومتتنازليش بسهوله
حته انك ترجعي لاهلك ويذلوكي انا حاسه بيكي والله فيها بالذات لان في بنات كتير كده
وانا عندي وحده صحبتي كده
ربنا يعينك ويهديه وان شاء الله تستقري
وابقي قوليلنا ايه الاخبار وربنا معاكي

[أم لوجى و ملك]

حبيبتى ساره انت ممكن تكونى حساسه شويه لان الست بعد الحمل والولاده بيكون عندها تغيير فى الهرمونات
وده بيأثر على مزاجها الشخصى
وبعدين فى رجاله كتيييييييييييييييييييييير بتترك غرف نومها وتنام فى غرفه منفصله بعد قدوم المولود الجديد ده عادى لانه بيكون عنده شغل الصبح بدرى والاطفال بيصحوا كتييييييييييير اثناء نومهم للرضاعه او للغيار فأى رجل مش هيقدر يتحمل ده فأنت خدى الامر ده عادى متاخديهوش على انه عاوز يبعد عنك وان شاء الله الايام هتعدى والبنت هتكبر وهتنام وحدها وهيرجع ينام تانى فى غرفته
اما بالنسبه لموضوع الطلاق ده اياااااااااااااااااااااكى والتسرع فيه فالمرأه بعد الزواج بيتها هو الاساس عندها مش هتقدر ترتاح تانى فى بيت اهلها زى قبل الزواج وضعك اتغير دلوقتى واصبح عندك طفله ومش ممكن هترتاحى غير فى بيتك
هدى الامور زى ما الاخوات قالوا ليكى وما تتوقفيش عند كل شىء عدى الامور بهدوء وما تتناقشيش فى كل كبيره وصغيره
وابعدى تماما عن طلب الطلاق ده عشان بس البنت وعشان متهديش بيتك وانت بنفسك قولتى انك مش هترتاحى عند اهلك
هدى الامور تماما وابعدى عن اثارة الحوارات مع زوجك
واى زوجين فى السنه الاولى وممكن التانيه كمان بيكون بينهم مشاكل هتهدى وتزول بمرور الوقت
وفقك الله وهدى لك زوجك

[أم ايثار]

انا بصراحة معنديش كلام اكتر من القمرات قالوه واصبرى واتحملى علشان بنتك وربنا يهديه لك

[المشتاقه الى الجنه]

بصراحه البنات قالوا احلى الكلام وفى النهايه اقولك الدعاااااااااااااااااااااااااء ثم الاستعانه بالله جل وعلا ووكلى امرك له فهو يجيب المضطر اذا دعاه

[ام احمد123]

عزيزتى سارة
1.ابعدى تماما عن فكرة الطلاق و لا تعودي نفسك على قولها ابدا و هو يعتاد سماعها منك و في لحظة تقوليها لمجرد التعود و انت لا تريديها و يستجيب لك وتندمي.
2. اراء اخواتى كلها رائعة يا ريت تجمعيها كلها لان اساس البيت الزوجة مهما كان في الزوج من عيوب غيري في نفسك في شكلك في ديكور البيت في اهتمامك بالبنت كما قالت اخواتى و اشركيه معك فيها بان يحملها لك حتى تجهزى الاكل الحقنى مش عارفة اشتغل منها و لكن بدلع مش بغضب ماشي
3. و هى في الاصل نمرة 1 استعينى بكلام رسول الله صلى الله عليه و سلم قراءة سورة البقرة تطرد الشيطان لمدة ثلاثة ايام و ان كان في سحر زي ما قالت احدى اخواتى باذن الله ستزيله و لتسهل عليك كل يوم اقرئي منها جزء و كرري ذلك و يويا اية الكرسي و الايتين الاخيرتين منها
4. واخيرا كل اللى بيحصل ده عادي السنتين الاوليين في حياة اى زوجين حتى يعتاد طباع كل منهما الاخر فلا تقلقى و لا تكتئبي و اوعى تفكري في حياة بدون زوج فحياة المرأة بدون رجل قاتلة بكل ما فيها من معنى
5. و اخيرا تقبليني صديقة ربما تكون علمتها الحياة القليل من كثير من طول فترة الزواج و في انتظار النتيجة و امنياتى لك بحياة سعيدة

[مونى88]

وانا مش هقدر اقول اكتر من اللى قالوه ربنا معاكى
ويصبرك ويهدى امة المسلمين جميعا

[shimo_shiko]

و أنا أيضا يا سارة من رأي كتكوتاية

[asmaa ebrahim]

مفيش كلام اكتر من اللي قالوة ربنا معاكي

[دندوشة]

الله يصلح ما بينكما
عليك بالأستغفار والصدقة وتقوية علاقتك بالله
فنحن النساء مالنا غيره سبحانة