[احزان وردة]

فرحى بعد 3 شهور واريد ان انزل وزنى 15 كيلو علشان شكلى يبقى حلو فى فستان الفرح ارجو المساعدة يا اخواتى الفتكوكات للاهميه

[غاده الصايغ]

اولا : نورتي منتدنا وان شاء الله تكوني سعيده معنا وتحسي انك بين اخواتك واصدقائك
ثانيا : في وحده هتكون عروسه كمان ثلاثة شهور وتسمي نفسها احزان ورده مينفعش لازم تغيري اسمك وتسمي افراح ورده ماشي المهم بصي يا ستي في عنوان موضوع بتاعي اسمه اللي عنده عزيمه واراده يجي ورايا في قسم الرشاقه ده هيفيدك جدا لانه متنوع ومدروس واهم حاجه انه مش هيديقك ومناسب للصحتك واوعي تعملي رجيم كميائي لانه ممكن اول حاجه هيضر بشرتك وانتي في غني عن ده وحاولي تمشي علي الاقل 2/1 ساعة وتشربي ماء كتير
انا خسيت علي النظام بتاعي ده 8.5 في اسبوعين ان شاء الله يناسبك
ومليييييييييييييييييييييييون مبروك ياقمر

[احزان وردة]

السلام عليكم ورحمة الله وبركاته
شكرا ياغادة انك رديتى عليا
ان فرحانه لانى بقيت معكم فى المنتدى وبقالى اخوات حلوين وبيساعدونى
وسبب انى اسمى احزان وردة ان الفترة فى اللى كنت اشتركت فيه فى المنتدى كنت بمر بظروف حزينه وانى عشت فترة صعبه جدا بس الحمد لله فتره وعدت بس المشكله ان الفتره دى لسه مأثره فيا
وادعولى ماقبلش الحزن تانى لانى انا استكفيت حزن ونفسى افرح
بحبوك كلكم يا فتوكات
إلى اللقاء

[ماما دودو]

إن شاء الله يا ربي يتمّملك بخير وتنتهي احزانك للأبد ونتمنالك زواج سعيد ومبارك وإن شاء الله ترزقين بالذرية الصالحة

[semsems]

السلام عليكم يا اختى أحزان وردة أنا كمان فرحى بعد 3 شهور وربنا يكمل لك على خيرر وتكونى اجمل عروسة وأرشق عروسة وتكونى زى القمر انا كمان عيزة اخس 15 كيلو او 20 كيلو ومتابعة مع دكتور ادعى لى يا جميل ولو عندك اى معلومة او تجربة تفيدنى انتى جربتيها يا ريت تقولى لى عليها وانا كمان هفيدك باى حاجة اعرفها

[الايمان777]

انا هقولك طريقه نزلت بسببها 7 كيلو فى شهر
وكان ده بدون قصد لانى بقيت نحيفه

كل لما تعوزى تاكلى نسى نفسك
يعنى روحى اتفرجى على فيلم او اخرجى
وانتى هتلاقى نفسك بعد كده مش عايزه تاكلى غير قليل اوى ووزنك هينزل جامد

[سامية 33]

أهلا أختي أحزان وردة أحسن شيء الرجيم الصحي + الرياضة

واحذري الريجيمات الغير صحية فهي تضرك أكثر مما تنفعك

خاصة وأنت على وشك الزواج فقد تتسبب لك في مشاكل أنت في غنى عنها

يارب يتمملك على خير وتكوني أحلى عروسة في فستان الزفاف

[em salam]

اسمعي يا اختي يا رب تحصلي عالي ببالك وتخسي
بس زي محكولك اخواتك الي في المنتدى خلي بالك من صحتك وبلاش تستعملي ريجيم يضرك
فرحك قرب ولازم تكوني جميله سعيده ربنا يتمملك بخير