[ريري]

طريقة عمل ارز بلبن (حكايه)

تمت اضافة وصفة طبخ جديدة في موقع مطبخ فتكات ، و يمكنك مشاهدتها من هنا:

ارز بلبن (حكايه)

اذا كان لديك تعليق او استفسار او ملاحظات فيمكنك كتابتها هنا في هذا الموضوع .

الجميع في انتظار مشاركاتك!

[mohamedluxor]

يستحسن اضافه النشا على الارز بعد تمام نضجه

[أم الطيب]

ايه الجمال ده هو فعلا حكاية وراااااااائع

[ريري]

ما ينفعش نضيف النشا بعد سوا الارز لان النشا نفسه لازم ياخد سوا مش اقل من 10دقائق
واذا النشا ما استواش كويس بيترك ريحه مش لطيفه فى الاكل
شكرا على المشاركه

بالف صحه وعافيه يا طيبه

[hala_2007]

شكرا يا ريري بس عايزة اقولك ان النشا لما بيقعد مدة طويلة علي النار بيفك دي عن تجربة بس هو فعلا جميل انا كمان بعمل الارز باللبن حلو بشهادة كل اللي بيكلوةهههههههههههه

[أم وائل]

تسلم ايديك وايه رأيك لو سوينا الارز قبل اضافته للبن

[ريري]

ما فيش مشكله يا ام وائل بس فى هذه الحاله لازم نضيف النشا،لانك لو سويتى الارز داخل اللبن هاينزل الارز النشا بتاعه جوه اللبن ومش هاتحتاجى نشا
شكرا لمداخلتك يا قمر

[فاطمه محمد فوزى]

انا عارفه انه ان شاء الله جميل بس انا مش عارفه قصدك بالكريمه كريم شانتيه مخفوق ولا ايه(انا هاستنا الرد عشان اعمله)

[ريري]

الكريمه السايله التى تباع معلبه،وليس الكريم شانتيه بتاع الحلويات،ممكن تجبيها من اى ماركت
وان شاء الله تعمليه ويطلع جميل وبالف هنا يا طماطم

[صائمه]

انا هروح اعملوه دلوقتى عشان بابا طلبومنى ادعيلى ياريرى ارفع راسك
بس ممكن استبعد الكريمه عشان الدسم ولا ايه رايك؟

[رونا]

انا بردو معرفش الكريمه السايله؟؟

ياريت يا ريرى توضحى أكتر
يعنى هى خاصه بالحلويات ولا ايه؟؟

الوصفه جميله اوى وعايزه اعملها

لانى زوجى بيحبو وانا بعملو عادى جداً

[فطيمة]

معلومات تجنن شكرا

[صائمه]

انا عملتو ياريرى طلع جميل اوى
بس الارز كان شرب اللبن كله ولسه لم ينضج فزودت ماء عشان اللبن كان خلص والوقت متاخر
بس بجد كان حكاااااااااااااااااااااااايه

[ريري]

بالف صحه وعافيه يا صاصا ،بس المره الجايه ضعى كميه اقل من الارز ..اوكى..!
ومافيش طبق فاضل عشان نفسى فيه...؟
بالنسبه لسؤالك يارونا ...فى عبوات كريمه فريش جهينه (معلبه)هاتلاقيها فى اولاد رجب او المحمل او كارفور..بس ما تجيبيش كريمة الحلويات ،هاتى الكريمه اللى بتوضع على النار...وممكن نستغنى عنها ،ولو عايزه تحطى قشطه ممكن
بعد ما تجربيه قولى لى طعمه ايييييه؟ واللا خايفه لاقولك هاتى لى طبق..!

[mousho]

ميرسى ياريرى انا حجربه علطول انشاء الله ويارب يطلع حكاية بس ممكن استغنى عن الكريمة؟ممكن احط قشطة؟

[ياما]

تسلم ايديك ياريري (يا حكاية )

[bostan_aleman]

تسلم اديكى شكله جميل جدااااااااااا

[ريري]

ممكن يا موشو تحطى قشطه ..ما فيش مشكله من عدم وضع الكريمه ولو انها بتخلى طعمه رااااااائع
وشكرا لمروركم جمييعا وباتمنى اكون افدتكم..!

[ايمان فريد]

مشكوره ياجميل

[عصمت ابراهيم]

السلام عليكم انا عضوة لسة جديدة
انا عملت الرز باللبن كان جميل جدا لكن الرز خد وقت كتير جدا لغاية ما استوى لكن فى طرق تانية لعمل الرز باللبن.
فى ناس مثلا بيحطوا الرز مسلوق ويحطوا عليه اللبن انتى ايه رايك .
واى طريقة افضل منهم