[بوبة الاروبة]

السلام عليكم ورحمة الله ازيكم يا قمرات انا يا جماعة بجهز والحمد لله يعنى عروسة المهم انا بترعب كل اما افكر انى لازم حيجى يوم وازيل فيه الشعر من الاماكن الحساسة لأن الطريقة التقليدية مؤلمة جداً وأنا مش بستحملها اصلاً فى باقى جسمى فما بالكم هنا ياحفيظ المهم فكرت اشترى براون سيلكابيل لازالة الشعر وشفت فى الاعلان انه فى داخل المكينة موجود ملقاط لازالة الشعيرات الصغيرة وانه بيبقى مع الماكنة رأس صغيرة للاماكن الحساسة فلو فيه حد جرب براون سيلكابيل الالمانية اللى اعلانها بيقول هدية العروس يقولى هى بتوجع ولا لأ وياترى الشعر بينمو بسرعة ولا زى السويت وكمان هى بتزود نموه زى الكريم ولا لأ يعنى عملية وكويسة ياريت تردو عليا علشان عايزة اشتريها قبل مأصرف الفلوس وخايفة اجبها وتطلع زيها زى السويت وابقى ادبست فيها وميرسى يا فتكاوات اوعو تنفضولى

[بوبة الاروبة]

اية يا جماعة محدش رد عليا لية هو ده التعاون والمحبة اللى مابينا ماشى انا مخاصمكم بس

[منااااااال]

اهلا وسهلا بك يا بوبة الاروبة
انشالله الف مبروك وربنا اتمم عليكي بالف خير
الصراحة يا اختي لا استعمل هذه الاشياء في الحلاقة انا بس بحلق عادي بشفرة الحلاقة دي مبتوكعشي

[drnahla]

انا لا انصحك بالشفرة بتاتا
لان فيه رجال لا تفضل زلك
كما ان اول اسبوع لازم تدى انطباع كويس عنك
اولا اعرفى انى بستعمل سيلكابيل فى الجسم
الا المناطق الحساسة.......
المناطق الحساسة بتكون مؤلمة اكتر لان الشعر اتخن وجزوره اقوى
وبالتالى انصحك بالسويت
اول مرة كانت صعبة جدا انا معاكى بس لازم صبر لان النتيجة مبهرة والله
ممكن تشترى lidocaine anasthestic spray
من الصيدلية
وبعد دقتقين نشفى المكان واعملى بقطعة صغيرة من السويت قد اللبانة منطقة العانة
لحد ما تبقى نضيفة
هتلاقى ان بقية المنطقة نملت
وكملى عادى ومعلهش استحملى اول مرة وبعدين الموضوع هيبقى عادى
والف مبرووك يا جميل

[بوبة الاروبة]

الله يبارك فيكى يا ميمو يا قمر بس الشفرة دى مش بطلع الشعر بسرعة وكمان بيبقى بيشك فى بداية طلوعه

[drnahla]

السبراى ده يبقى تخدير موضعى يقلل الالم

[بوبة الاروبة]

http://forums.fatakat.com/image.php?...ine=1210073079 ميرسى ياقمرة الله يبارك فيكى بسقوليلى لباقى الجسم البراون حلوة ولا السويت احسن

[ALZAHRAA]

اف مبروك يا عروسه اياكى اياكى وشفرة الحلاقه احسن شى هى السويت واستحملى شويه بس النتائج رائعه

[drnahla]

براون خطيرة
وجميلة جدا جدا لكل الجسم
لكن لن تستحملى المها فى المناطق الحساسة
بس بصراحة هى بتشيل كل الشعر الصغير
حتى انى بستعملها فى المنطقة الحساسة بعد ازالة الشعر بالسويت
لانها تترك الجلد ناعم

[drnahla]

كمان اثرها بيفضل اكتر من الحلاوة
لانها بتشيل الشعر الصغير اللى مش بيلزق فى السويت
ودمتم

[اخلاق]

الف مبرروك وانشاء الله جازة الدهر اياك ان تستعملي الشفره كده حتطفشيه منك باول اسبوع بس ما في مثل الحلاوه بتعطي زهاء وملمس ناعم والنتيجه المهمه انك تملكي مش تطفشيه في نوع حلاوه بتمديها وبتلصقي فوقها قطعة قماش خاصه هيك الالم اخف وكمان ما تكبريش القطعه خليها اكبر من حجم اللبان بشويه وربنا يهنيكي

[emyaly]

ازيك يا بوبه
اولا احب اقولك بارك الله لكما وبارك عليما وجمع بينكما فى خير وعلى خير
تانى حاجه انا عن نفسى عندى براونوهيه حلوه فى الماكن العاديه من الجسم بتطلع الشعر من الجذور بس فى الاماكن الحساسه برده هيه مؤلمه لان الشعر بيكون اقوى
بينى وبينك احسن حاجه السويت فى الاماكن الحساسه

[بوبة الاروبة]

طيب بما انى مش مشعرة يعنى الافادة فى السويت والله المستعان الف شكر يا نهلة يا قمرة

[بوبة الاروبة]

اخلاق حرر الله فلسطين والقدس الحبيبة ووصبركم على العدوان الف شكر والله يبارك فيكى يازينة الاخلاق

[بوبة الاروبة]

الله يبارك فيكى يا ايمى والواضح ان الكل بيقولى انها مش كويسة فى الاماكن الحساسة

[eltourky]

الف مبروك ياقمر
البراون حلوة وعملية لكل الجسمم
الا المنطقة الحساسة المها شديد جدااااااااااااااااا
اعملي اول مرة بالسويت احسن مع المخدر الموضعي
وبعد كدهه استعملي الحلاقة العاديه يوم بعد يوم

[سحابة بيضا]

مبرووووووووك يا قمر .
بالنسبه لسؤالك السويت افضل بكتييييييييييييييييير من براون ونتائجها افضل .

[ام شوشو]

الف مبرررررررررروك
وعليكى بالسويت احسن حاجة وانضف
والم ساعة ولا كل ساعة







http://content.sweetim.com/tbsig/sig.asp?img=ad1

[reda mohamed]

ألف مبروك يا قمر وربنا يتم على خير
بصى مافيش أحسن من السويت بتنضف وبتخلى الشعر يغيب على مايطلع ... بس لما تعمليها شدى جلدك وحتلاقى الوجع يقل ..وبعد كده أعمليها والشعر قصير ماتستنيس لما يطول ... وربنا يهنيكى

[lol5]

سلام يا عروسة

أولاً ألف ألف مبرووووووك

وربنا يتمم لك بخير يارب

بالنسبة لسؤالك.. أنا مع الجميع بإن الحلاوة أفضل لك وخااااااااااااصة أول مرة..

وبعدين لقدام فيكي تستخدمي اللي بدك اياه براحتك

بس ما بنصحك تستخدمي براون بالأماكن الحساسة إلا بعد الحلاوة (إن رغبتي).. أنا بأيّد د. نهلة بكلامها.. لأنها ح تكون مؤلمة جداً.. لكن بعد الحلاوة ح تكون المنطقة تخدرت.. وما ح يكون الألم نفسه

هو صح ح تحسي بشيء من الألم ولكن لن يكون بالشيء الكبير إن شاء الله

بالنسبة للحلاوة لا تاخدي قطع كبيرة، فعلا خدي شوي شوي عشان ما تتورطي

وربنا يتمم لك على خير ونسمع عنك أخبار حلوة يارب

ألف ألف مبروووووووووووك