[rehab]

نفسي أفهم هي كل وسائل منع الحمل متعبه ليه كده 000محدش يعرف ليه الشريط بيوجع الظهر ولا كده في حاجة غلط 00000 ولا هو مش بيوجع وأنا اللي خرفانه

[هميس]

الي اعرفة يا حبيبتي انه مش بيوجع الظهر بس عموما راجعي الدكتورة اول ما تشعري باي حاجة مش طبيعية واوعي تهملي ويارب تكوني بخير انتي وحمادة العسل

[ام بسنت]

انا مش عارفه يارحاب بس الشريط عموما بيتعب وكل وسيله بتتعب والله ماانا عارفه اخد ايه بس جوزى مريحنى انه مسافر مش عارفه بعد كده حعمل ايه

[رانيه]

انا استعملت حبوب الياسمين ممتازه

[nona79]

شوفي يا رحاب في ابر منع الحمل ابرة كل 3 شهور هيا كويسة بس ممكن تتخن شوية

[drnahla]

رحاب هو من الطبيعى انك تحسى بالم فى الظهر فى اول شهر تركيب اللولب
لكن لو من فترة فهزا دليل التهابات عنق الرحم وده بيحصل كتير مع اللولب
فلازم تعالجيها

[ام سعيد]

انا اللى أعرفه ان اللوب بيتعب الظهر وده اللى بعانى منه والمفروض بيتغير كل 3سنين عموما استشارة الدكتورة هتكون أفيدلك

[مؤمنة باللة]

اشتشيرى الدكتور احسن
بس هو معايا كان فاشل تعب ظهرى جدا وكشفت الدكتور قال انة متحرك ولازم تشيلية وانا دلوقتى بستعمل البرشام بس اية جميل على طول بنساة ربنا يستر

[نسرين عيد]

فعلا هو بسبب وجع ظهر
بس هو اقل الوسائل خطرا
وخدي بالك من الالتهابات اللي بتزود وجع الظهر

[أميرتى يمنى]

يا حوبه لو الوجع موجود معاكى على طول يبقى لازم تروحى للدكتورة
لأن أنا حصل معايا كده ونزل عليا نزيف ولما روحت للدكتورة قالتلى أنه اتحرك وفك من مكانه ودخل الرحم عشان كده روحى للدكتورة بسرعة عشان تتطمنى على نفسك
وبعدين لو مش مريحك خدى الحبوب لأنها حلوة وسهلة ومش بتعمل حاجه أنا باخدها بقالى 3 سنين ومستريحه عليها
وربنا يريح بالك ويطمنك يارب

[ام مهند]

انا زيك ياريحاب بيسبب ليا الم رهيب اسفل الظهر

وقولت لما انزل مصر ربنا يسهل