[أميرتى يمنى]

بسم الله الرحمن الرحيم
أخواتى السكندريات أنا جيت عندكم واكلت عند مطعم الفول والطعميه المشهور عندكم
وبصراحه عجبنى قوى أكله
واللى عجبنى أكتر طبق الفول الأسكندرانى
ممكن لو ما فيهاش غلاسه حد يقولى بيتعمل أزاى
عشان نفسى فيه قوى
وشكرا لكم
ارجو الرد سريعا
أنا منتظرة

[ام احمد123]

انا اسكندرانيةو سعيدة جدا باعجابك باسكندرية لاننى عاشقة لها و متهيالى كل الناس كده ما يقدرووش ما يحبوش اسكندرية
و اهلا بك فيها طبعا و دى طريقة اكلنا للفول يارب تعجبك:
احضري طاسة و ضعى فيه من نصف الى كوب ماء حسب كمية الفول و دعيها تغلى ثم ضيفي عليها الفول و اهرسييه بطريقة يديوية الشوكة مثلاً و اتركيه حتى يغلى مع التقليب طبعا
صبيه في طبق التقديم ما زلنا بدون اي اضافات
رشي على الطبق الملح و الفلفل و الكمون و الشطة و اعصري الليمون و من علبة الطحينة لفي بها على الطبق و اضيفي زيت الزيتون (كثير شوية )
قطعى طماطم قطع صغيرة و ضعيها فى منتصف الطبق
يقلب الفول لحظة الاكل على السفرة و بالف عافية

يارييت تقول لى الاخبار و انا تحت امرك في اي سؤال يخص الاسكندرية
تحياتي

[goaerea]

انا كمان من اسكندرية و حشنى الفول و كل الاكل الاسكندرانى الى مافيش احلى و لا اللز منة و فى اضافة ممكن لو تحبى للفول تقطعى خيار بس بعد ما تحطى كل الاضافات الى قالت عليها ام احمد و تقلبية مع الفول و كمان فلفل اخضر من الحراق او العادى و لازم تطكترى الكمون بس مش اوى علشان ميمررش و بالف هنا

[أميرتى يمنى]

تسلمولى وتسلم ايديكى ياأم أحمد وأنا كمان بحب أسكندريه قوى ونفسى أفضل فيها على طول بس الشغل نعمل فيه أيه.
ومش الفول بس اللى بيكون حلو عندكو دا أنا كمان أكلت سمك روعة عندكم وهو أنتو مش بتعملوه زينا ولا ايه لأن بجد طعمه مختلف جداوجميل جدا.
وشكرا جدا لكم وتسلم أيديكم وياريت تـسلمولى على الأسكندريه قوى

[goaerea]

انا اقلك على سر السمك بتاعنا بتاع اسكندرية انة من بحرنا و اللة سدقينى انا اكلت تقريبا جميع انواع الاسماك و الغالى منها و الرخيص و مش فى المانيا بس فى هولاندا و ايطاليا بس واللة مافيش احلى من سمك بحرنا و الا اطعم منة عاوزة تاكلى سمك زى بتاعنا فى اسكندرية روحى اسكندرية انا باموت فى تراب اسكندرية و نفسى اعيش فيها و متغربش ابدا لانى مافيش اى بلد احلى منها حتى ريحة ترابها و ريحة بحرها انتى خلتينى ادخل فى موضوع تانى بس انا ما بسدق اتكلم عن اسكندرية و اى حاجة منها

[أميرتى يمنى]

شكرا لكل من مر على الموضوع او شارك فيه
أسكندريه عروس البحر المتوسط والملكه المتوجه كمان
تسلموا كلكم

[بدر البلوى]

انا حبيت اخشبس انا مش من اسكندرية بقي
بس هخش عشان اعرف زيك يا ام يمني

[reham10]

مرحبا بكى معانا انا من الاسكندرية بنعمل الفول بطريقة سهلة
نضع الفول فى الطاسة ونضع شوية مياة و4فصوص ثوم مفرى وزيت وخل وكمون وملح وشطة وطحنية ويوضع على النار ويقلب ويهرس بالشوكة وطعمة مثل المحلات جربة وان شاء اللة هيعجبك وعندى طريقة فول بالسجق لو عايزة اكتبة قولى

[om.yoyo]

يا سلام عنينا لكل حبايب اسكندرية و انا عارفة انتي اكلتي عند مين علشان كل يوم جمعة بتغدي فية
بص يا حبيبتي طريقة عمل الفول الاسكندراني سهلة جدا
هاتي طبق الفول المدمس و ضعية علي نار هادئة ثم ضعي علية شويه مية صغيرة علشان يبقي سايب شوية ثم شويه زيت ثم 2ملعقة كبيرة طحينة ثم 3فصوص ثوم مهروسة ثم عصير لمونة كبيرة و تهرسيهم جيدا سواء بشوكة او الافضل هاتي كوب فاضي و اهرسي بقاعه من اسفل حتي يهرس بالكامل
ثم ضعي كمون و شطة و قطع طماطم صغيرة جدا جدا ومن علي الوجة ضعي زيت كتير وملح و بالهنا و الشفاء و ياريت تاكلي معاة شوية مخلل بلدي و عيش بلدي سخن

[أميرتى يمنى]

شكرا جدا ليكم يا احلى أخوات واجمل بلد فى الدنيا كلها
ولا يحرمنى من وصفاتكم واكلكم الجميل ابدا
أنا بموت فى اسكندريه واهل اسكندريه وأكل الأسكندرنيه
وطبعا يا ريهام أنا عايزة بعد أزنك يعنى أعرف كل وصفات أكلكم وبتعملوه أزاى وبيبقى حلو قوى كده
معليش هاتعبك وأتقل عليكى شويتين
تسلم ايديكم