[dr_samah11]

المانجو او المانجه



الصوره منقوله للامانه

من اهم الفواكه الموجوده فى السوق

والى بنشتاق لها كتير حتى فى غير ميعادها

علشان كده التجئنا لتخزنها

مع العلم ان المانجو من اهم الفواكه الى بتخزن مع الاحتفاظ بالريحه والطعم الرائع

اولا احب ادى نبذه بسيطه عن الفائده الغذائيه للمانجو:-

* ...
المانجو تكافح سرطان الرأس والعنق


كشفت دراسة حديثة أن مركب اللوبيول الموجود في فاكهة المانجو فعال في القضاء علي انتشار السرطان والحد منه في الرأس والعنق وأوضح علماء في جامعة هونج كونج في تقرير نشرته دورية أبحاث السرطان أن تجربة علي الفئران

* ...

المانجو يخفف آلام الأسنان


أفادت دراسة حديثة بأن ثمار المانجو بجميع أنواعها تحتوى على نسبة كبيرة من‎ ‎المواد الغذائية اللازمة ‏للجسم‎، التي تستطيع تخفيف ألم الأسنان والزكام والتهاب الشعب وتنظيف الدماء والوقاية من الامساك وعدوي الجراثيم في قصبة التنفس

* ...

المانجو تقلل الإصابة بسوء التغذية


أكد خبراء التغذية أن حبة واحدة من المانجو تحتوي على الكمية اليومية من فيتامين (c) للنساء، وهو ضروري لكي يتمكن الجسم من زيادة امتصاص الحديد من الأغذية الأخرى، الأمر الذي يبعد احتمال الإصابة بسوء التغذية.

* ...

عصير المانجو يعمل على تنشيط المخ


أثبت الدراسات الطبية الحديثة أن عصير المانجو يوجد به إنزيم يساعد في تنشيط المخ وتقليل التوتر، كما أنه يعمل على تهدئة المعدة وتقوية القلب وأشار باحثون في مركز أبحاث السموم بمدينة لكناو بولاية

* ...

لب المانجو يمنع تكاثر الخلايا السرطانية


أفادت دراسة حديثة بأن لب المانجو يحتوي على عناصر فعالة لعلاج سرطان البروستاتا، مؤكدين أنه يوقف تكاثر الخلايا السرطانية بدرجة كبيرة لإحتوائه على مركب كيماوي إلى جانب فيتامينات وأحماض عضوية تساعد على وقف المرض.



ودى بعض الفوائد للفاكهه الخطيره ( المانجه )



نيجى بقى على طرق التخزين مع العلم ان الهدف الرئيسى واحنا بنخزن

اننا نحتفظ بالطعم والريحه الرائعه للمانجو

وبرضه نحافظ عالقيمه الغذائيه

اول طريقه (1)

تجيبى المانجه زى ما هيا تغسليها كويس جدا بماء جارى من الحنفيه

وممن تستخدمى قطعه اسفنجيه خشنه علشان لو فيها حتت جمده بره عالقشره تقدرى تشيليها بسهوله

وتحطيها فى الفريزر زى ما هيا بالظبط

ولما تحبى تستخدميها شليها من الفريزر على مايه سخنه وشيلى القشره هتلاقيه رقيقه جدا وتتطلع بسهوله

او ممكن تقشريها تحت الحنفيه زى البطاطسايه

وتشيلى لحمه المانجه بالسكينه وحطى فى المكسر وشويه ما يه وسكر

واشربى احلى كوبايه عصير لاحلى فتوكات فى الدنيا بحالها

الطريقه التانيه (2)

ودى بقى للى مش عندها مكان فى الفريزر

واهم نقطه هيا انك تشيلى البزر او اللب علشان ميخدش مكان معاكى

بص يا حلوه ... اغسلى برضه المانجه كويس قوى زى ما ذكرنا قبل كده

واقطعى المانجايه نصين بالطول او العرض زى ما يحلو لكى

شيلى البزره

وحطى المانجه بالقشر فى كيس كل مانجايه او مانجايه ونص فى كيس نظيف واربطيه كويس او استخدمى الدباسه

ورصيها فى الفريزر مش هتاخد معاكى مكان

وهتبقى سهله الخفق لما تخرجيها شيلى القشره بالسكينه

وحطى فى المكسر ومايه وسكر زيك طبعا

هتتطلع حلوه قوى

الطريقه الثالثه (3)

هاتى المانجو اغسليها كويس قوى كما ذكرنا سابقا

وقطعى المانجو حتت بعد ما تقشريها كويس طبعا

وحطيها فى اكياس نظيفه

والفريزر

ولما تحبى تستخدميها حطيها مباشره فى المكسر ومايه وسكر

وبالللللللف هنا



الصوره منقوله للامانه
انا بقى بفضل الطريقه الاولى جدا

اولا بحتفظ بيها زى ما هيا كأنى لسه شرياها

ثانيا سهله التقشير

ومفيهاش عك ولا ايدك وهدومك تبوظ ولا الكلام دا

وبحتفظ بالريحه والطعم الحلو جدا والفرش كمان

وطبعا كل واحده تستخدم الطريه الى هيا عايزاها

لاكن ياريت نبعد عن المواد الحافظه مطلقا

احنا عايزين نتجنبها بقدر المستطاع لانها فى الاول والاخر مواد كيميائيه واحنا مش ناقصين

ويارب الطرق تعجبكو

ومتنسوش ردكو الجميل عالموضوع

والتقيم علشان الموضوع يتثبت ونقدر نفيد اخوتنا كلهم بيه

والف شكر على قرائه الموضوع والرد والتقيم

سلام يا قمرات

[روميساءالجنة]

المانجو دي حبيبتي

[nocto]

المانجه اه يا مانجه بمووووووت فيها
ماما بتخزنها زى ما هى كده علطول

[soso.2]

ممتازة نفس طريقتي

[ام محمود2004]

تسلم ايدك ياقمرة

[نونة 1]

جزاكى الله خيرااااا

التقييم ممتاز

[أريج الريحان]

جزاك الله خيييير

[بسمة ام نور]

تسلم يدك وانا كمان خزنتها زيك كده بالطريقة الاولى

[توتا كوكو]

شكرا ليكى تسلم ايديكى انا بستخدم الطريقه رقه 3 لانها سهله ولما بحب اعمل عصير بتكون اسرع

[dr_samah11]

المانجه اه يا مانجه بمووووووت فيها
ماما بتخزنها زى ما هى كده علطول

طريقه ممتازه ... عقبال ما تخزنيها انتى بقى يا شطوره