[مصرية قديمة]

لاحظت كتير هنا انه البنات الانسات و المخطوبات ربنا يسعدهم كلهم و يتجوزو و يتبسطو
بيكتبو موضوعات يسالو فيها عن العلاقة و يقولو عاوزين نتثقف و كدة و مش عيب و لا حرام
****************
مظبوط كلامكم يا بنات مش عيب ابدا تتثقفى لكن
ايه نوع الثقافة الى المفروض تعرفيها ؟؟؟
********
للاسف بنات كتير جدا فاهمة الثقافة الجنسية غلط خالص و بيتثقفو فى الى يضرهم مش يفيدهم زى ما هما فاكرين

زى ايه ؟
زى اسفة فى الكلام بيقرو عن الاوضاع و مش عارف يمسك ايه ... الخ من الكلام الى مالوش اى فايدة ده
حتى فى بنت هنا كانت بتسال عن الجى سبوت و ده طبعا من القراية على النت

************************

اولا يا بنات العلاقة الجنسية دى بتختلف من اتنين لاتنين
يعنى مش قاعدة ثابتة و لا اسطمبة
و لا شوية حركات ميكانيكية تتعمل و خلاص النتيجة واحدة بالنسبة لكل الناس
------------------------------
الى يناسبك انت و جوزك المستقبلى ان شاء الله
ممكن ما يناسبش اتنين تانين
و الى يبسطك و يبسط جوزك ممكن ما يبسطش اتنين تانيين
-------------
كمان فى كلام كتير من الى بيتقال فى الموضوع ده ممكن ما يناسبكيش انت و جوزك خالص
و فيه كلام بيبقى خيالى و غير واقعى خالص
.................
هديكى مثل و متاخذونيش بقى فى الكلام ده للتوضيح
كان فى واحدة صحبتى لسة متجوزتش دايما تقرا عن الاوضاع
كنت اقولها دى حسب الوزن و الحالة يعنى حامل مش حامل
حجم ال.... عند الزوج
الخ
.................
طبعا كان كلامى بيضحكها بس لما اتجوزت و جربت فهمت
و فى الاخر من كل الى قراته معملتش الا اتنين بس
هما الى ناسبوها هى و جوزها و كان فى حاجات
من الى كانت بتقرا انها واو و خطيرة و بتاع
مطلعتش بالنسبالها زى ما قرت
بالعكس طلعت مؤلمة جدا ليها
*********************
هتقولى طيب ما اقرا و ابقى اخد الى يناسبنى هقولك القراية دى مش هتفيدك بالعكس هضرك جدا و انت مش واخدة بالك
ازااااى ؟؟؟

اقولك يا ستى
القراية دى بتحط توقعات معينة مش هتلاقيها فى اول الجواز
لان اول الجواز مبيبقاش ممتع للست بيبقى صعب شوية و اسالى اى واحدة متجوزة
لان المكان بيكون ضيق و بياخد فترة على ما يوسع
ده غير ان ممكن يحصل شوية التهابات و غيره بتخلى الموضوع صعب شوية

البنت الى بتبقى هارية نفسها قراية و نازلة تثقيف زى ما هى فاكرة
اكتر واحدة بتتعب فى المرحلة دى
لانها حطت تصورات و خيالات
بعدين اتصدمت من الالم الى بيبقى فى الاول و فى الحالة دى ممكن تتعقد
بينما البنت الى بتبقى سايباها عادى بتاخد المرحلة و تعدى

دى حاجة معروفة فى علم النفس
لما بتبرمجى عقلك الباطن على توقعات معينة
و تلاقى عكسها بيحصل حالة صدمة ممكن تعمل عقدة ببساطة شديدة جدا

حاجة تانية بتروح عن فكركم خالص يا بنات
ممكن تقعدى تقرى و تقرى
لكن خدى بالك انتى بتقرى من طرف واحد و العلاقة دى من طرفين

فيه جوزك كمان
ممكن تقرى عن حاجات تكونى فكراها احسن شىء فى العلاقة
و تلاقى ناس بتشكر فيها و تقولك دى بتعجب الرجالة جدا
بعدين تتفاجئى ان جوزك مش بيحبها فهتتصدمى
لانك هيأتى لنفسك ان دى قمة الانبساط
بعدين لما جوزك طلع مبيحبهاش اتفاجاتى
و فى الحالة دى عقلك الباطن ممكن ميتقبلش اى وسيلة تانية للمتعة
لانك طبعا بقالك كتير واهمة دماغك و مبرمجاها ان الطريقة الى قريتيها هى قمة المتعة
-----------------------------
لكن لو سبتى نفسك عادى و خليتى الشىء فى وقته
هتتعلمى مع جوزك و هتبقى بتكتشفى الحاجة الى تبسطكم انتو الاتنين
بدون فكرة مسبقة
فهتتبسطى بجد لانك مش حاطة حاجة تانية فى دماغك
لكن لو حاطة حاجة فى دماغط هتفضل شغلاكى
يعنى هتفضلى تفكرى امتى تعمليها و تنسى الى بيحصل فعلا
فهتبقى خسرتى شىء ممتع و انت مش واخدة بالك

------------------
كمان فى حاجة مهمة جدا يا بنات
مش كل اجسام الناس زى بعضها
لما كنت بدرس فى الكلية
كنا بنعرف ان كل الناس مثلا عندها عظمة الفك
بس برضه بتختلف من واحدة للتانية
***************
هديكم مثل
كلنا عندنا شعر صح ؟
طيب هل كل الشعر زى بعضه
مش فيه ناعم و فيه خشن و فيه وسط؟؟
مش فيه اصفر و احمر و اسود و بنى ؟؟
نفس الكلام ينطبق على الاعضاء التناسلية عند الست و عند الراجل
عشان كدة مش كل حركة او وضعية يعملها حد تبقى قاعدة
و هتبسط كل الناس



يتبع لو الموضوع عجبكم و شايفينه مناسب .........
هنتكلم فى ايه هى الثقافة الجنسية الحقيقية الى المفروض نعرفها
و الى هتخلينا مبسوطين و متبوظش حياتنا

لكن لو شايفينه جارح او خادش انا بعتذرلكم عنه

مخلص لعيون الفتكوتات

7
9
#14
#15
#16
#20
#29
#30
#36
#37
#38
#49
#50
#51
#52
#64
#74
#91
#93
#94
#110
#113
#139
#145
#248
#292
#356
#384

[ام مصطفى محمود]

كلام علمى ولا يخدش الحياء

كملى

[Malaak Suez]

موضوع جاااااامد جدااااااا

[مصرية قديمة]

كلام علمى ولا يخدش الحياء

كملى

شكرا حبيبتى هكمل باذن الله

[مصرية قديمة]

موضوع جاااااامد جدااااااا

متشكرة قوى

[اميرة اليكس]

موضوعك حلو اوى
بس مشكلته انه منزل في المواضيع الجديده كان الردود حتبقي كتير اوى



كل شويه ارفعيه

[مصرية قديمة]

الحلقة الثانية
-----------------
ايه الثقافة الجنسية الصحيحة ؟؟
------------------------------------------
مرة كنت بقرا فى منتدى للمصريين المغتربين فى دول أجنبية و بيتكلمو عن أحوالهم و مشاكلهم و كدة
كانت مشكلة الراجل الى بيتكلم ان بنته الى فى 4 ابتدائى جاية البيت و معاها كتاب فى الثقافة الجنسية و الراجل اتصدم

تخيلو الكلام عن ايه ؟ مش عن اوضاع و لا حركات و لا حاجة بالعكس الكلام علمى جدا
عن الجهاز التناسلى للمراة و الرجل ووسائل منع الحمل و التبويض و غيره

الراجل اتصدم طبعا عشان الفئة العمرية لبنته مش أكتر
لان عمرها 10 سنين لكن طبعا عند الجماعة دول دى بداية العلاقة للبنت و العياذ بالله

لكن شوفو لما حبو يثقفو بناتهم وولادهم بيثقفوهم ازاى ؟؟ رغم انها مجتمعات فاتحة على البحرى
بيدوهم الى يفيدهم الشىء العلمى الصحيح
مش زينا
نقعد نهبل فى الكلام و نقول اسرار الفراش الى نهانا عنها ربنا
و نقول ثقافة ؟؟
و عشان كدة لما بتبقى فيه مشكلة حقيقية مبنعرفش نعالجها
عشان خايبين حتى و احنا بنتعلم للاسف

-----------------
المهم أنا فكرت لو كان الكتاب الى الراجا اتضايق منه ده كان لبنت فى ثانوى مثلا ؟؟
كان هيبقى مناسب جدا
عشان كدة بدأت أدور و كنت ايامها لسة متجوزتش عن الكتب الى بيدرسوها للولاد الاجانب دول فى المدارس
و بصراحة استفدت جدا استفادة علمية صحيحة

*********
لان مناقشة الكلام بشكل علمى هو الى بيفيد عشان كدة احنا هنبدأ حملة مع بعض للثقافة المفيدة الى تفيدنا بجد
مش تحرك الغرائز و المشاعر و تعمل اوهام فى دماغنا

و هيشمل الموضوع

شكل الجهاز التناسلى للمراة من الداخل و الخارج
الجهاز التناسلى للرجل
الحاجات المهمة الى لازم تعرفيها عن فسيولوجيا جسمك و ازاى تتعاملى معاه و غيرها من المواضيع بشكل علمى مبسط و مفيد ان شاء الله
الى عاوزة تستفيد و تتثقف بجد هتلاقى ان شاء الله غايتها فى الموضوع ده
لكن الى عاوزة كلام و خلص مالوش فايدة غير الوهم الموضوع ده مش ليها

[براءه طفله]

والله موضوع تحفه حلو جدا


كملي

[مصرية قديمة]

واضح ان الموضوع معليهوش اقبال بس انا هعمله و خلاص يمكن حد يقرا و يستفيد

الحلقة الثالثة
**********
الجهاز التناسلى فى المرأة
--------------------------------

بنات كتير قوى بتعد تسأل أنا وقعت واقعة جامدة
فخايفة على الغشاء
أنا كنت بتشطف بالماية و نزل دم و تفضل قلقانة و تسأل و تترعب و تفكر تروح لطبيبة النساء
و كل دى أوهام اصلا
و كل ده بيرجع للجهل بتشريح الجهاز التناسلى فى الانثى
هتقوليلى طب و انا اعرف الكلام ده ليه هو أنا دكتورة ؟؟
لا يا ستى مش لازم تبقى دكتورة عشان تعرفى الكلام ده
معرفتك للكلام ده هتشيل أى أوهام من دماغك و هتخليكى فاهمة

و متبقيش خفيفة كل ما يحصل حاجة تترعبى

طيب نبدا اول حاجة شكل الجهاز من الخارج و دى صورة توضيحيةمع الشرح لكل جزء






- الشفرتين الكبرى (Labia Majora) .


- الشفرتين الصغرى (Labia Minora) .


- البظر (Clitoris) :



وهو ما يقابل القضيب (Penis) عند الرجل وطوله حوالي 2.5سم أي 1 أنش ويتكون من أنسجة تتقلص وتحتقن بالأوعية الدموية

عندما تتهيج المرأة أثناء الجماع.



- غشاء البكارة (Hymen):-


وهو بمختلف الأشكال وغير كامل عادة أي به فتحه تسمح بمرور دماء الدورة الشهرية للمرأة ويمكن أن يتمزق أثناء الجماع الأول ولكن تبقى منه بقايا بعد عدة مرات جماع و يوجد عادة على بعد 2 الى 2.5 سم من فتحة المهبل

يعنى مش قريب زى ما البنات الصغيرة فاكرة و تقعد تتروش و تروش الى حواليها

ده بعيد و متحوط بالشفرتين الصغرى و الشفرتين الكبرى و مش بيتمزق بسهولة و لا بالماية و لا بالوقوع و لا غيره لازم جسم صلب و كبير

و هنتكلم عنه باستفاضة اكتر فى الحلقة القادمة



- غدة بارثولين (Bartholin’s Gland):-


وتقع على جانبي المهبل وتفرز مادة مخاطية تساعد أثناء الجماع.


- فتحة القناة البولية:- وتقع أسفل البظر .


و الى اللقاء فى الحلقة القادمة و هى عن غشاء البكارة الى عامل هوس لنصف بنات مصر
هنفهم هو عبارة عن ايه و ايه سبب وجوده و انواعه المختلفة

[fatouka bébé]

موضوع علمي هايل
ربنا يجعله في ميزان حسناتك
كملي انا معاكي و متابعه