[بسملة]

انا معايا بنتين البنت الكبيره تعباني في اكلها جدا ودايما عيانه لاني ما اكلتهاش الا في عمر 1 وكنت قبل كده مبدش الا الزبادي والسيرلاك لكن لما عيت اول مره وعمرها 11شهر الدكتور قالي ان لبن الام لابد من الاكل معاه ليزيد المناعه فقلت لازم اقول لاخواتي الامهات تاجدد علشان يهتموا بالاكل مع الرضاعه هستني رايكم ااكل البنت الكبيره ازاي

[samar_30]

ممكن تسلقي كل الخضرا التي عندك وتضيفيها الى الصلصه ثم تعملي فيها معكرونه هتكون مفيدة وكامله كما ان الطفل اذا اكل مورة واحدة تعتبر وجبه كما يمكنك اضافة الخضرا من قرنبيط ( زهرة ) وفلفل حلو وبطاطا الى العجه ( بيض / طحين /بقدونس بصل ) وقليها وتقديمها للطفل مع الكاتشب هيحبها كتير

[reda mohamed]

أنا أبنى أكل فى سن سنتين وكنت بأكله حاجات بسيطة زى شوربة لسان عصفور والرز بأنواعه أو المكرونة وكبدة الفراخ .. والجبنة المثلثات وحلاوة الطحينة بدون عيش
وأهم حاجة كوب اللبن الحليب
وربنا يباركلك فيهم

[drnahla]

انا بنتى فعلا تعبانى فى الاكل
لكن الاهم ان ربنا هداها لشرب اللبن بالسكر ومسحوق نسكويك بالشيكولاتة
والباقى بتقضيه اكل رز مع حتة فراخ وفاكهة وبس
وده من سنة لانها قبل كدا كانت رافضة الاكل نهائى
هى عمرها الان سنتين و3 شهور
واهلا بيكى انا من الفيوم بردو

[reda mohamed]

نسيت اقولك أنا عملت غلطة أكبر منك وهى إن ولدت أبنى قيصرى فمرضعتوش من ثدى علشان كنت تعبانة وكانو بيدلوا أعشاب فى الببرونة محلاة
ولما شديت حلى وجيت أرضعه رفض ياخد ثدى لأنه لبنى مش محلى زى الاعشاب والببرونة سهلة مافيهاش مجهود زى الرضاعة ...
ياريت كل واحدة لما تولد ترضع أبنها من ثديها حتى لوكانت تعبانة جدا

[meramied]

انا بارده بنتي تعباني في الاكل لاني اكلتها متأخر بارده بعد سنه وهي الان عندها سنتين الا شهرين بس لاحظت انها ممكن تأكل لو في وسط اطفال فساعات اروح عند جارتي واكلها وسط اطفالها واحيانا افرجها من الباتلكون واشد انتبها ببصي ايه ده والاعبها واكلها او انزل تحت في جنينة المنزل واحاول بارده ااكلها وممكن لو حد بتثقي فيه ( اختك / مامتك / اي حد ثقة ) بخليه يأكلها وانا مش موجودة او عملة نفسي مش شايفة وصدقيني بيجيب نتيجة وحاولي وردي علية واذا عرفتي حاجة جديدة قوليلي وساعات لما حد بيبقي عندي وهي والله ميتكلش فعلا واقول كده واذا بي اري وحش كاسر جائع لو طالت تاكلني قدمهم هتكلني وابقى انا في نص هدومي لا في كت هدومي وبعد ما يمشي الضيف طبعا بيفتكر اني خايفة من الحسد وبعدها بنتي والله بترجع وهي وشها مدور فيبان انها طخينة لكن والله جسمها رفيع

[meramied]

انا بارده بنتي تعباني في الاكل لاني اكلتها متأخر بارده بعد سنه وهي الان عندها سنتين الا شهرين بس لاحظت انها ممكن تأكل لو في وسط اطفال فساعات اروح عند جارتي واكلها وسط اطفالها واحيانا افرجها من البالكون واشد انتبها ببصي ايه ده والاعبها واكلها او انزل تحت في جنينة المنزل واحاول بارده ااكلها وممكن لو حد بتثقي فيه ( اختك / مامتك / اي حد ثقة ) بخليه يأكلها وانا مش موجودة او عملة نفسي مش شايفة وصدقيني بيجيب نتيجة وحاولي وردي علية واذا عرفتي حاجة جديدة قوليلي وساعات لما حد بيبقي عندي وهي والله مبتكلش فعلا واقول كده واذا بي اري وحش كاسر جائع لو طالت تاكلني قدمهم هتكلني وابقى انا في نص هدومي لا في كت هدومي وبعد ما يمشي الضيف طبعا بيفتكر اني خايفة من الحسد وبعدها بنتي والله بترجع وهي وشها مدور فيبان انها طخينة لكن والله جسمها رفيع وربنا يخليهم لينا هم زهرة حياتنا ويعافيهم اللهم امييين يا رب العالمين

[drnahla]

ما شاء الله ع جنى شكلها يابانى يا ام جنى

[meramied]

لاء يا drnahla والله دي صناعة مصرية 100% صنع في بطني

[meramied]

لاء يا drnahla والله دي صناعة مصرية 100% صنع في بطني

[drnahla]

ههههههههههه
حلوة
وربنا يخليها

[بسملة]

شكرا يا جماعه علي الردود وانا استفدت منها كتير

[ضحي *]

ألف سلامة علي بنتك ممكن تسلقي لها بطاطس لأنها خفيفة أو جزر ولكن أحزري وضع الملح أو السكر علي أي طعام قبل بلوغ الطفل سنه علي فكرة ممكن تغلبك علي ما تاكل أصبري عليها وحاولي تشدي أنتباهها بأغنية أو لعبة أثناء الأكل وتقبلي تحياتي

[أم أحمد إيهاب]

ممكن تأكليها الفواكة المهروسة ويمكن ان يضاف الى الخضار صدر فرخة او لحم مفروم او سمك وكذلك صفار بيض كشك- باشاميل -بصارة فول -جبن كيرى الخضار المسبك