[ام الاء]

هو مش موضوع ولكن محتاجه مساعده وهى ان بنتى عندها 6 سنوات وهى لدغه فى حرف الراء وتنطقه على حرف لام اعرف يجب ان اوديها للتخاطب بس للاسف المكان بعيد عليه وربنا يسهل فى الاجازه بس عايزه اساعده ازاى معرفش هل لاحد من الاخوات معرفه كيفه تساعدنى لاعلمها مع العلم انها فى kg1 فى البيت

[ام مهند]

حبيبتي ام الاء بعد التحيه
انا ابني لحد سنه تالته ابتدائي كان ينطق حرف الكاف تاء ولكنه الان الحمد له مخارج الحروف اتعدلت وذلك بسبب
1- ذهبت الي الميس ونبهتها الي المشكله وبدأت هي تراعيه معي في المدرسه
2-اصبحت لا اعلق علي نطقه وطلبت من الكل انه لايضحك عليه حتي لايعند ويصاب بالاكتئاب
3-قراءه القران علي يد شيخ روعه فوق الوصف لان القران بيعدل مخارج الحروف تلقائيا
4- الحنان والعطف من الام اهم شئ
يارب اكون افدك

[توته1]

غاليتي أم آلاء ما قالته أم مهند كلام جميل ومفيد فعلا وأحب أقوللك ان احدى قريباتي كانت كده لحد 10 سنوات وبعدين صارت تنطق الحرف جميل جدا وكان السبب أخوها الأكبر كان بيشجعها ويجيب لها هدايا لحد ما عودها وربنا معاكي ........والله المستعان

[ام الاء]

اشكركم على النصائح والاهتمام بالرد عليه وجزاكم الله خير

[داليا محمد نور]

يا ام الاء انا عندي 20 سنة ولدغة في حرف الراء،بس مش بقولها لام لا بقولها ياء شوية اللي عايزة اقوله ان دي مش مشكلة لانها بنت غالبا بتكون حلوة ارجوكي ماتلفتيش نظر البنت انها مشكلة عشان ماتتعقدش وكمان عشان ثقتها بنفسها ما تهتزش، وانا كنت سمعت ان لو حد الدغ في الراء ممكن يضع قلم تحت لسانه بالعرض ويقول اررر كتير مرة في مرة هتيجي معاه بس انا بصراحة ماجربتهاش ـ ويارب يححقلك اللي انتي عايزاه

[ام الاء]

اشكرك يا على الرد وانا مش بخاليه تلاحظ الموضوع اوى بس بحاول كل فتره متبعده اخليها تكرر حرف الراء او كلمه مكتوبه فيها حرف الراء وان شاء الله اوديها تخاطب فى اجازه نصف السنه ان شاء الله

[ريري]

كلام فتكاوات جميل ،بس كنت عايزه أؤكد لك ان القران بيضبط لسان الاطفال من الصغر(عن تجربه) وان شاء الله تبقى اجمل وارق بنت لما تكبر وتفكريها بالراء

[التلميذة]

غاليتى أم آلاء بإذن المولى قراءة القرآن فيها الخير ولو انى شيفاها حلوة ودلوعة اسالى عن موضوع التخاطب ده لان عندنا فمصر احيانا بيخلطو فالمراكز دى وما بين من لهم حالات ذهنية خاصة ارجوك تخللى بالك جدا جدا وربنا يوفقك للخير

[Hanan Fouad]

انا بنتى عندها نفس المشكلة بس بتنطقها مايلة للياء وربنا يسهل ويبقوه كويسين

[فتوكة الفراشات]

يا ام الاء اكيد بنتك سكره اناعن نفسي بحب اللدغه في الراء وهي مش مشكله معضله وربنا يحفظها وتكون اجمل بنت تشوفيها