السلام عليكم ورحمة الله وبركاته
كل عام وانتم بخير
كل مااتوب ارجع تانى دى اكيد مش اغنيه
ده حال اغلب الناس منا الا من رحم الله طيب الحل ايه
بصوا يا اخوتى احنا اتفقنا ان احنا ان شاء الله فى الايفنت ده هنحاول نغير من نفسنا انا ماعنديش مصباح علاء الدين بس بفضل الله عندى عزيمه واصرار ان بالاستعانه بالله هنادر نتغير ولو خطوه
ونخلى بالنا برده ان الطريق الى الله مش سهله انا مش بعأدكم والله بس دى الحقيقه
طاب ياترى احنا محتاجين ايه عشان نثبت ونتقدم الى الامام مش للخلف؟
محتاجينالخطوات دى
1-هنردد بقلوبنا قبل السنتنا الدعاء ده وحاول تستشعر بجد ان ربنا سبحانه وتعالى معاك انت وبس
هنقول
تبنا الى الله ورجعنا الى الله وندمنا على مافعلنا وعزمنا ان لانعود الى معصية مرة اخرى
اللهم امييين اميين
2-هنكتر من الاستغفار يعنى وانت فى عربيتك رايح شغلك-جامعتك راجع بيتك
ليه تعطل لسانك عن الذكر بدل ماعنينا تبص هنا ولا هناك نركز شويه
وياريت مانبخلش على نفسناونستغفر للمؤمنين والمسلمين جميعا
تعرف انك بكده هتاخد بكل مسلم ومسلمه حسنه
شفت اد ايه ربنا غفور وكريم
3-الصحبه الى معاك بتاخدك ل فين
لدرس- لصلاه فى المسجد-لزيارة مريض-لقضاء حوائج المسلمين
ولا لكافيه وانتم ادرى
محتاجين نغربل اصحابنا بجد
بيقولوا فى مصر الصاحب ساحب
ياترى عايزه يسحبك ل فين جنه ولا اعوذ بالله من النار
قال رسول الله صلى الله عليه وسلم(المرء على دين خليله فلينظر احدكم من يخالل)
ممكن ننفذ وصية الرسول لو عايزين ننصره بجد
وخلى بالك ان الله يعلم خائنة الاعين وما تخفى الصدور
امكر على كل الناس بس مع ربنا بلاش تتعامل مع الله
جل جلال الله بقوانين البشر
قال تعالى (يا ايها الذين امنوا لاتخونوا الله والرسول وتخونوا اماناتكم وانتم تعلمون)
عارف ايه هى الامانه
الدين بشرائعه كله امانه فى عنقك
واختم بسورة العصر اكيد كلنا عارفنها
قال تعالى(والعصر ان الانسان لفى خسر الا الذين امنوا وعملوا الصالحات وتواصوا بالحق وتواصوا بالصبر)
والسوره دى ان شاء الله وقدر لنا البقاء واللقاء هتكون موضوعنا القادم لانها بجد محتاجه رساله لوحدها
اللهم اغفر للمؤمنين والمؤمنات المسلمين والمسلمات الاحياء منهم والاموات انك قريب مجيب الدعوات اللهم اميييين امييييييييييين اميييييييين
سبحانك اللهم وبحمدك اشهد ان لا اله الا انت استغفرك واتوب اليك
اذا اعجبك الموضوع و اردت نشره في المنتديات الاخرى فاستخدمي هذا الرابط:
كل ما اتوب ارجع تانى
http://forums.fatakat.com/thread20554
