السلام عليكم ورحمة الله وبركاته
يارب تكونوا كلكم بخير
اميييييييين
سوره العصر
قال تعالى(والعصر ان الانسان لفى خسر الا الذين امنوا وعملوا الصالحات وتواصوا بالحق وتواصوا بالصبر)
وسورة العصر بتقدم لنا 3 اعمال اخرى
وابل ما نئولهم ناخد بالنا ان الخطاب فى القران مش للذين امنوا وبس
لا الذين امنوا وعملوا
وعملوا الصالحات مش اى عمل
وناخد من الكلام ده اول فايده
1-الايمان
هتئولولى هو احنا مش مؤمنين ولا ايه؟
الايمان يا اخوتى لازم نعرف كلنا ان درجته عند ربنا اعلى من الاسلام
يعنى كل مؤمن مسلم
بس مش كل مسلم مؤمن ليه؟
الايمان
قول -الشهادتين-
فعل-عبادات ومعاملات
واعتقاد وتصديق بالقلب
يعنى الموضوع كبييييييير اوى
وانا ان شاء الله معاكم
عشان باذن الله كلنا نحقق الدرجه العاليه دى عند ربنا
ونستاهل الثواب الكبير والعظيم الى ربنا وعد بيه اهل الايمان
2-عملوا الصالحات
مش معنى ان احنا لسه ما حققناش درجة الايمان كما ينبغى
ان احنا نكسل عن العبادات كما ينبغى
ونخلى بالنا اننا لما نؤدى العبادات صح خطوه خطوه وباذن الله هتوصلنا للايمان الصحيح
3-ودى الاهم
وتواصوا بالحق وتواصوا بالصبر
تواصوا بالحق يعنى نشتغل وننصح الناس الى حوالينا ونقول لهم الحاجات الى احنا عرفناها
بس برحمه وبرفق
هيا مش خنائه
على فكره انا بسمع الكلام ده لنفسى الاول وبحاول بجد اكون معاكم
رحيمه ومعاكم خطوه بخطوه
ومتنسوش ان الرسول صلى الله عليه وسلم قال (الدال على الخير كفاعله)1
يعنى لو هتنصح واحد بصدقه والصدقه على فكره مش فلوس وبس
وان شاء الله هفصل فى رساله اخرى
هتاخد الثواب كانك انت الى نفذت العمل ده
شوف باه كام واحد هيستجيب وثوابك انت اد ايه؟
انت وشطارتك باه؟
المهم تصدق النيه مع الله
وتخلص النيه لوجه الله وفقط
يعنى مش بتنصح عشان الناس تمدحك
انت بتعمل بس عشان ربنا يحبك
ويرضى عنك
ممكن تكون صعبه شويه فى البدايه
وكل شىء فى اوله صعب
بس مع استمرار اخلاص نيتك لله
هتلائى بعد كده الناس دول ولا كانهم موجودين
وكانك مع ربنا لوحدك
رجااااااااااااااااااااء
يااخوتى عايزين نشتغل شويه فى محيطنا الصحاب والعيله والجيران
وبجد لو كنت صادق هتشوف ثمرة الصدق ده فى حياتك
واصبروا شويه الرسول صلى الله عليه وسلم صبر 23 سنه
بس النتيجه بتثمر حتى الان الاسلام بينتشر بفضل الله
اصبر مش لازم تنصح انهارده تلائى استجابه بكره
احنا صحيح فى عصر السرعه بس مش للدرجه دى
وهى دى وتواصوا بالصبر
وربنا يرزقنا واياكم الاخلاص اللهم امييين
اذا اعجبك الموضوع و اردت نشره في المنتديات الاخرى فاستخدمي هذا الرابط:
سورة العصر
http://forums.fatakat.com/thread20558
لا اله الا الله محمد رسول الله
